Elordany damytu jönındegı keŋeste Memleket basşysy bes jyl ışınde Astanany jasyl qalaǧa ainaldyrudy, köpjyldyq ösımdıkterdı köbırek otyrǧyzudy tapsyrǧan bolatyn. Osy rette elordada qalany jappai kögaldandyruǧa baǧyttalǧan «Jasyl Astana» ekologiialyq aksiiasy jalǧasyp jatyr. Kün saiyn qalanyŋ köşelerı men saiabaqtarynda, köpşılıktıŋ demalysyna arnalǧan qoǧamdyq keŋıstıkterde aǧaş otyrǧyzu jürgızılıp jatyr. Jalpy, biyl Astanada bır million jasyl jelek otyrǧyzu josparlanǧan.
Mäŋgılık el daŋǧylynda köşet köbeidı
«Taza Qazaqstan: Astana – tazalyq pen tärtıptıŋ ülgısı» auqymdy ekologiialyq aksiiasy aiasynda Astanadaǧy Mäŋgılık el daŋǧyly boiynda mädeniet qairatkerlerı, ziialy qauym ökılderı jäne tanymal ärtıster aǧaş otyrǧyzdy.
Aksiia aiasynda ärı Mädeniet jäne öner qyzmetkerlerı künıne orai ūiymdastyrylǧan ıs-şaraǧa Astana qalasynyŋ äkımdıgı men Mädeniet jäne aqparat ministrlıgı atsalysty.
«Mädeniet jäne öner qyzmetkerlerı käsıbi merekesıne orai Mäŋgılık el daŋǧyly boiyna 50 köşet otyrǧyzyldy. Būǧan deiın de ekoaksiia aiasynda qalamyzdaǧy mädeni mekemeler maŋynda, eskertkışter aumaǧynda, basqa da audandarda tazalyq aksiialary ūiymdastyrylǧan bolatyn. Osyndai ıs-şaralar jiı ötkızılıp tūruy kerek dep esepteimın. Öitkenı mūndai aksiialar arqyly jas buynǧa ülgı-önege körsetemız. Sondai-aq tūrǧyndardyŋ ekologiialyq mädenietın köteremız, qorşaǧan ortaǧa degen oŋ közqarasyn qalyptastyramyz» dedı Astana qalasy Mädeniet basqarmasy basşynyŋ orynbasary Nūran Hamzin.
Ekoaksiiaǧa tanymal kino jäne teatr ärtısterı men men änşıler qatysty.
«Bügın – erekşe mereke. Käsıbi mereke künı aǧaş egu, qalanyŋ tazalyǧyn saqtauǧa atsalysu mädeniettıŋ ülgısı dep sanaimyn. Mıneki, bügın ekoaksiiaǧa qatysyp, elımızdıŋ jäne elordamyzdyŋ körkıne körık qosyp jatyrmyz. Ainalamyzda aǧaştardyŋ jaiqalyp ösuı – ekologiiamyzǧa qosqan ülken üles bolmaq» dedı Astanalyq sirk direktory Erık Joljaqsynov.
Aita keteiık, «Taza Qazaqstan» ıs-şarasy älı de jalǧasyn tabuda.
Diplomanttar ekoaksiiany qoldady
Astanada älemnıŋ türlı elderınen kelgen diplomattar qalany kögaldandyruǧa öz ülesın qosyp, Prezident saiabaǧyna aǧaş otyrǧyzdy.
«Taza Qazaqstan: Astana – tazalyq pen tärtıptıŋ ülgısı» auqymdy ekoaksiiasy aiasynda elordada Malaiziia, İzrail, Portugaliia, Şvesiia, Braziliia diplomattarynyŋ qatysuymen aǧaş otyrǧyzyldy. Ekoaksiiany Almaty audany äkımdıgınıŋ ökılderı men «Jer ambassadorlary» jobasynyŋ qatysuşylary qoldady.
«Bızdıŋ bügıngı aǧaş otyrǧyzuymyz elımızdıŋ «jasyl» ekonomikaǧa köşuı aiasynda ormandardy qalpyna keltıru, sondai-aq ormandardy kesudıŋ aldyn alu jönındegı Qazaqstannyŋ küş-jıgerıne säikes keledı. Bızdıŋ qyzmetımız Almaty audany äkımdıgınıŋ jäne «Jer ambassadorlary» jobasynyŋ qoldauynsyz mümkın bolmas edı. Sızderdıŋ ıs-şaraǧa qosqan ülesterıŋızge üşın şyn jürekten alǧysymdy bıldırgım keledı» dedı Tailand Koroldıgınıŋ elşısı Chatchavan Sakornsin.
Is-şara barysynda Prezident saiabaǧynda jabaiy alma aǧaştarynyŋ 16 köşetı otyrǧyzyldy.
«Tailand elşılıgınıŋ ökılderı «Taza Qazaqstan» respublikalyq ekoaksiiasyn qoldauǧa niet bıldırdı. Prezident saiabaǧynyŋ aumaǧynda 16 aǧaş otyrǧyzdyq. Ekoaksiiaǧa türlı elderdıŋ elşılerı men belsendı jastar da qatysty» dep atap öttı Almaty audany äkımınıŋ orynbasary Nūrmat Äbdıraiymov.
«Jer ambassadorlary» jobasynyŋ qatysuşysy Nūrhamit Jaqypovtyŋ aituynşa, otyrǧyzylǧan aǧaştar astanalyqtardyŋ süiıktı saiabaǧyn güldendıre tüsedı.
«Bız jemıs bermeitın, bıraq öte ädemı güldeitın 16 jabaiy alma aǧaşyn otyrǧyzdyq. Kelesı jyly saiabaq tek sirenmen ǧana emes, bız otyrǧyzǧan güldengen alma aǧaştarymen de körkeie tüsedı dep ümıttenemız» dedı Nūrhamit Jaqypov.
Rikardo Kaka köşet otyrǧyzdy
«Taza Qazaqstan: Astana tazalyq pen tärtıptıŋ ülgısı» ekologiialyq aksiiasy aiasynda futzaldan ūlttyq qūramanyŋ bas bapkerı Rikardo Kaka men mesenat Talǧat Qojahmetov Qazaqstan futbol federasiiasy aumaǧynda köşet otyrǧyzu aksiiasyna qatysty.
2018 jyly ūlttyq qūramanyŋ bas bapkerı retınde taǧaiyndalǧan Rikardo Kaka 2021 jyly Litvada ötken älem chempionatynda Qazaqstandy alǧaş ret jartylai finalǧa jetkızgen bolatyn.
Al «Sairan» JŞS qūrylys kompaniiasynyŋ bas direktory Talǧat Qojahmetov te şaǧyn futboldy tanytu maqsatynda bırneşe alaŋdardy salyp bergen.
«Qazaqstan futbol federasiiasynyŋ janynda şaǧyn futbolymyzdy älemge tanytqan Kakamen bırge köşet otyrǧyzu da ülken märtebe. Keiıngı jas ūrpaq osy aǧaşty tanymal bapker otyrǧyzdy dep eske alyp jüredı» dedı mesenat Talǧat Qojahmetov.
Qalalyq zirat aimaǧy tazartyldy
Astana qalasy Dın ısterı jönındegı basqarmasynyŋ ūiymdastyruymen «Taza Qazaqstan: Astana – tazalyq pen tärtıptıŋ ülgısı» ekoaksiiasy aiasynda qalalyq zirat aimaǧynda senbılık öttı.
Tazalyq jūmysyna Dın ısterı jönındegı basqarmasynyŋ basşysy Qairolla Köşqali, Astana qalasynyŋ bas imamy Erbolat Jüsıpov, Dınderdı zertteu ortalyǧynyŋ direktory Almas Ernazarov pen ortalyq qyzmetkerlerı jäne meşıt jamaǧaty qatysty.
«Ekoaksiia aiasynda Dın ısterı jönındegı basqarma, Dıni bırlestıkter men Dınderdı zertteu ortalyǧynyŋ qyzmetkerlerı bırge aksiiaǧa atsalysty. Qalalyq zirat ainalasyn qoqystan, äsırese qūrylys qaldyqtarynan tazaladyq. Jalpy ıs-şaraǧa 70-ten astam jamaǧat qatysty» dedı Dın ısterı jönındegı basqarmasynyŋ basşysy Qairolla Köşqali.
«Elımızde «Taza Qazaqstan» aksiiasy aiasynda köp igı ıs jasalyp jatyr. Bügın meşıt imamdary men şäkırtterı ortalyq ziratqa kelıp, sauapty ıs jasauda. Jalpy imani tärbiege män beretın bolsaq, tazalyq imannan dep aitamyz. Keşegı babalarymyz üiınıŋ jan-jaǧyn tazalap, ärqaşan köktem-jazǧa daiyndyq jürgızgen. Sondyqtan eŋ bastysy tazalyqty ūstanu kerek. Elımız aman, jūrtymyz tynyş bolsyn» dedı Astana qalasynyŋ bas imamy Erbolat Jüsıpov.
