Keşe Nūr-Sūltan qalasy mäslihatynyŋ kezekten tys sessiiasy öttı. Qala äkımınıŋ orynbasary Erlan Qanalimov qatysqan otyrysta deputattar maŋyzdy üş mäselenı bırauyzdan maqūldady.
Jūmyspen qamtu jäne äleumettık qorǧau basqarmasynyŋ basşysy Säule Nūrǧojina Ūly Otan soǧysy qatysuşylary men mügedekterıne, jalpy alǧanda 71 adamǧa Jeŋıs künıne orai qosymşa äleumettık kömek körsetıletının mälımdedı.
Biyl būl üşın jergılıktı biudjetten qosymşa 25 mln 900 myŋ teŋge bölındı. Soǧan säikes soǧys ardagerınıŋ ärqaisysy 9 mamyr qarsaŋynda 519 myŋ teŋgeden alady.
Elordada qazaq teatry, jaŋa mektepter men joldar qūrylysy üşın memleket mūqtajdyǧy üşın jer telımderı satyp alynady. Atalmyş jobamen Qūrylys jäne tūrǧyn üi saiasaty basqarmasy basşysynyŋ mındetın atqaruşy Aleksei Mitkin tanystyrdy.
Onyŋ aituynşa, 14 nysandy salu üşın jalpy kölemı 7,1 gektardy qūraityn, jalpy qūny 1,84 mlrd teŋgege jetetın 95 jer telımın satyp alu turaly şeşım şyǧaryldy.
Sonyŋ ışınde 23-15 köşesınde, A.Baitūrsynūly men J.Näjımedenov köşelerı ortasyndaǧy jer telımı qazaq teatry qūrylysyna arnalady. Al Tūran daŋǧyly men №24 köşe jäne A 16 men A 34 köşelerı qiylystarynda jaŋa mektepter salynady. M.Jūmabaev daŋǧylyndaǧy A.Baitūrsynūly köşesınen bastap № 44 köşege deiın jol qūrylysy jüredı. Osyndai jūmys Ä.Jangeldin, Asan Qaiǧy köşelerınde de atqarylady.
Būǧan qosa, Esıl özenın qaita qūru, köppäterlı tūrǧyn üilerdı salu, injenerlık jelılerdı, atap aitqanda, jylu magistralın salu, kışı ainalma jolynyŋ qūrylysyn jalǧastyru üşın de jer telımderı satyp alynady.
Elordanyŋ Eltaŋbasynda özgerıs bolady. Būl qandai özgerıs ekenın Tılderdı damytu jäne arhiv ısı basqarmasynyŋ basşysy Tıleuǧali Qyşqaşbaev aitty.
Baiandamaşynyŋ sözınşe, el astanasynyŋ atauy özgergendıkten, qala Eltaŋbasyndaǧy «Astana» jazuy latyn qarpındegı «Nur-Sultan» jazuyna auystyrylady.
