Nikolai TİHONIýK:
Nikolai Tihoniuk – kezınde Astana qalasy äkımınıŋ bırınşı orynbasary jäne Saryarqa audany äkımı bolyp, jauapty qyzmetterın atqaryp, elordany Alatau bauraiynan Arqa tösıne köşıru jūmystarynyŋ bel ortasynda jürgen azamat.
Bügınde QR Öŋırlık damu ministrı orynbasarynyŋ keŋesşısı qyzmetın atqaratyn Nikolai Petrovich – Astananyŋ tumasy. 1949 jyly düniege kelgen azamattyŋ taǧdyry tek elordamen bailanysty. Osynda Selinograd injenerlık-qūrylys institutyn bıtırdı. Onyŋ qūrylys mamandyǧyn taŋdauy de kezdeisoqtyq emes.
– Menıŋ balalyq şaǧym tyŋ igeru jyldarmen tūspa-tūs keldı. Küllı KSRO qalany bes oblystyŋ basyn bırıktırgen tyŋ ölkesınıŋ ortalyǧy etuge baryn salyp jatqan kez edı. Būrynǧy oblys ortalyǧynda qyzu qūrylys jūmystary jürgızıldı. Oǧan deiın üş qabattan biık ǧimarat körmegen basymyz salynyp jatqan zäulım nysandarǧa qyzyǧa qaraityn edık. Alǧaş boi kötergen Tyŋ igeruşıler saraiy – qazırgı Kongress-holl közımızge han ordasyndai körındı. Qūrylysşy mamandyǧyn taŋdauyma da osy äser ettı, – deidı keiıpkerımız.
Nikolai Petrovichtıŋ alǧaşqy eŋbek joly Selinograd auyl şaruaşylyǧy institutynda bastalǧan. Keiın elordanyŋ qūrylysyn saluǧa bet būrǧan ol äuelı «Qazaqselmaş» zauytynda jūmys ısteidı. Osydan soŋ, şoiyn qorytu zauytyna auysyp, osynda seh bastyǧy, bas energetiktıŋ orynbasary, zauyttyŋ partkom hatşysy boldy. 1982 jyldan bastap qalalyq partiia komitetınıŋ qūrylys jäne qala şaruaşylyǧy bölımınıŋ meŋgeruşısı, 1986 jyly Selinograd qalalyq atqaru komitetı töraǧasynyŋ bırınşı orynbasary, 1992-1999 jyldary aralyǧynda būrynǧy Aqmola, qazırgı Astana qalasy äkımınıŋ bırınşı orynbasary qyzmetterın atqardy.
Astananyŋ kırpışı alǧaş qalanǧan kezdegı estelıkterımen bölısken ol būrynǧy oblys ortalyǧynyŋ az uaqyt ışınde qūlpyryp, adam tanymastai özgeretının äste oilamaǧanyn aitady.
– Men saman üide tuyp-östım. Qysy qatty Arqanyŋ aua raiynda osy materialdan artyǧy joq-tyn. Būryn şahar şaǧyn boldy. Tūrǧyndar sany az bolǧannan keiın bır-bırımızge jüztanys edık. Köşelerımız ben joldarymyz tar, oidym-oidym bolatyn. Sonda da maǧan tuǧan qalam tym ystyq edı, – deidı ol.
El astanasynyŋ Aqmolaǧa köşıp kelgen kezı Nikolai Petrovichtıŋ Astana qalasy äkımınıŋ bırınşı orynbasary qyzmetın atqaruymen tūspa-tūs keldı. Osyndai şeşuşı sätte qala äkımdıgıne syn uaqyty tudy. Elordaǧa alǧaşqy lekpen köşıp, kelıp jatqan ortalyq basqaru mekemelerınıŋ qyzmetkerlerın jaiǧastyru, tūrǧyndardyŋ qalypty tırşılıgın qamtamasyz etetın jaryq, su, jyludyŋ üzılmeuın qadaǧalau, sol kezde synǧa köp ılıgıp ketken köşe, joldardy jönge keltıru syndy auqymdy şarualar kütıp tūr edı.
– Alaida, äp-sätte körkeiıp kele jatqan şahardy körgende, bar qiyndyqty ūmytyp ketetınbız. Jalpy, elorda – baǧy oŋynan tuǧan qala.
Köz aldymda körkeigen elorda – keşegı menıŋ bala kezımdegı şaǧyn şahar emes. Jastyq şaqtai jaiqalǧan äsem Astana. Kezındegı 300 myŋ tūrǧyny bar elordanyŋ bügınde keregesı keŋıp, halqynyŋ sany 800 myŋǧa juyqtady, – deidı Nikolai Tihoniuk.
Būrynǧy Astana qalasy äkımınıŋ bırınşı orynbasary kezınde «Astana – jaŋa qala» arnaiy ekonomikalyq aimaǧyn da basqarǧan. Būl jauapty qyzmettı de ol ülken qūlşynyspen atqaryp, ıskerlıgımen közge tüsedı.
Prezidenttıŋ bastamasymen qūrylyp, qūrylys maqsatyndaǧy älem boiynşa jalǧyz aimaq bolǧan «Astana – jaŋa qalada» Nikolai Tihoniuktıŋ kezınde köptegen investisiialar tartylyp, közdıŋ jauyn alatyn körkem ǧimarattar boi köterdı.
– Bız är qūrylysqa nysanyna zamanaui sapaly materialdar paidalanyluyna jäne onyŋ uaqytyly salynuyna basty män berdık. Būl jobany köruge yqylas bıldırgen şeteldıkterdıŋ qatary öte köp boldy. Özımız de elordaǧa investisiia tartu maqsatymen köptegen elderge baryp, arnaiy aimaqty, ondaǧy jobalarǧa jasalatyn jeŋıldıkter jönınde keŋınen aityp jürdık, – deidı ol.
Tuǧaly berı, tek elordamen bırge bıte qainasyp kele jatqan atpal azamat baqytyn da Astanadan tapty. Jan jary ekeuı osynda elordada şaŋyraq köterıp, bala süiıp, nemere körıp otyr.
Qymbat Toqtamūrat
