Uaqyt – bärıne synşy, uaqyt – bärıne töreşı ekenı aiqyn. Osydan būrynǧy 20 jylǧy künderdı eske alsaq, Aqmola bügıngıdei Astana bolady degenge bırımız senıp, bırımız kümän keltırgenımız de aidai aqiqat edı. Alaida jyl sanap tarih qatparyna ainalyp bara jatqan sol jyldar Qazaqstan elı üşın, qazaq halqy üşın ǧasyrǧa tatityn aqjoltai oqiǧalarmen örnekteldı.
Sonau 1994 jyldyŋ 6 şılde künı Qazaqstan Respublikasynyŋ Prezidentı Nūrsūltan Nazarbaev Joǧarǧy Keŋestıŋ sessiiasynda memleket astanasyn Arqa tösıne, atap aitqanda, Aqmola qalasyna köşıru turaly ūsynysyn ortaǧa saldy. Būl ūsynystyŋ tarihi şeşım bolatynyn däl sol kezde köpşılık tereŋınen ūǧyna qoimaǧany sözsız. Degenmen, Elbasynyŋ köregendıgı men
tabandylyǧy el müddesımen ündesıp jatqanyn tüisıngender qatary köp keşıkpei köbeie berdı. Söitıp 1997 jyldyŋ 10 jeltoqsany künı aq tüienıŋ qarny jarylǧandai oqiǧaǧa kuä boldyq. Memleket basşysy Nūrsūltan Nazarbaevtyŋ eldıktıŋ keleşegıne jasaǧan tarihi şeşımı, iaǧni, memlekettıŋ astanasyn köşıru turaly bastamasy däl osy künnen bastap resmi jaǧdaida jüzege asa bastady. Saryarqanyŋ saryşūnaq aiazy buyp tūrǧan sätte Memlekettık tu, Eltaŋba etalondary, Prezident ştandarty jaŋa astanaǧa äkelındı. Nūrsūltan Nazarbaev osy bır tarihi sättıŋ üstınde eljırep, tolqyp söiledı. Osy sätten bastap täuelsız Qazaqstannyŋ astanasy resmi türde Aqmola qalasy bolatynyn jariia ettı. Osylaişa qala tūrǧyndary üşın ǧana emes, barşa qazaqstandyqtar üşın tarihtyŋ jaŋa betı aşyldy. Ūlt ruhyn sılkındırgen ūly köş bastaldy.
Taǧy bır aitarymyz, ekı ǧasyrdyŋ toǧysynda oryn alǧan qiyndyqtarǧa qaramastan memlekettıŋ jaŋa astanasyn aiqyndaǧan Qazaqstanǧa sol kezde bükıl älem qauymdastyǧy türlı qözqaraspen qaraǧany da jasyryn emes. Bıraq jas memlekettıŋ kemel keleşegı, ūlttyŋ baiandy bolaşaǧy üşın osyndai qadam jasauǧa bekıngen Nūrsūltan Nazarbaev alǧan baǧytynan ainymady. Täuekelge bel buyp, jaŋa astanany, jas qalany saluǧa kırısıp kettı.
Qūdaiǧa şükır, kezınde bıreuge jalǧan bolǧan, bıreuge arman bolǧan Astana bügıngı taŋda halyqaralyq qauymdastyq tanyǧan, moiyndaǧan qalaǧa ainaldy. Elbasymyzdyŋ asqaq maqsaty oryndaldy. Astanamyz jyl ötken saiyn säuletı men däuletı örkendep, barşa qazaqstandyqtardyŋ bas ordasyna ainaldy. Astanalyqtar sany millionnan asyp jyǧyldy. Sondyqtan da bız bügın Qazaqstannyŋ damuyna serpın bergen jaŋa elordamyzdyŋ avtoryna rizaşylyq sezımmen «Astana – Elbasynyŋ erlıgı» dep aitamyz. El üşın de, Elbasy üşın de, elorda üşın de marqaiyp jüretın boldyq.
Olai bolsa, arman qala –Astana, baitaq qala – Astana, asqaqtai ber demekpız. Ūly dala tarihyna «Elorda salǧan – er qazaq» bolyp jazylǧan Nūrsūltan Äbışūly men elımızdıŋ jüregıne ainalǧan elordamyzdyŋ mereilerı üstem bola bergei!
