Memleket basşysy Astana qalasynyŋ äkımı Äset İsekeşevtı qabyldady. Kezdesude Qazaqstan Prezidentıne elordanyŋ äleumettık-ekonomikalyq damuy jäne Astananyŋ 20 jyldyǧyn merekeleuge daiyndyq barysy jönınde mälımdeldı.
– 2017 jyldyŋ qorytyndysy boiynşa qalanyŋ äleumettık-ekonomikalyq damu körsetkışı 2 esege juyq artty. Önerkäsıp 7 paiyzǧa östı. Soŋǧy bes jyl ışınde 46 industrialdyq joba 1 trillion teŋge kırıs äkeldı, – dedı Äset İsekeşev.
Sondai-aq, Nūrsūltan Nazarbaevqa negızgı kapitalǧa tartylǧan jeke investisiialar kölemı ūlǧaiyp, eseptı kezeŋ ışınde onyŋ ülesı 70 paiyz bolǧany turaly baiandaldy.
– Ötken jyly 2,4 million şarşy metr tūrǧyn üi salynyp, rekordtyq körsetkışke qol jetkızılgen edı. Bız qazır jeke investorlar men ūlttyq kompaniialar esebınen qalanyŋ tört audanynda qūrylys jūmystaryn jürgızıp jatyrmyz, – dedı Astana qalasynyŋ äkımı.
Ä.İsekeşev Nūrsūltan Nazarbaevqa elordadaǧy infraqūrylymdyq jobalardyŋ ıske asyrylu barysy men Astana maŋynda jaŋa joldar salu jospary jönınde mälımdedı.
Memleket basşysy elordada basqa öŋırlerdıŋ äkımdıkterımen bırlesıp salynǧan bırqatar äleumettık nysannyŋ qūrylysyna qatysty jūmystardy oŋ baǧalady.
Qazaqstan Prezidentı kezdesu soŋynda naqty tapsyrmalar berdı.
