Bas qalada körkem gimnastikadan qalalyq chempionat öttı. Jarysqa 300-den asa gimnastşy qatysty.
Täuelsızdık saraiynda ötken chempionatta 8-16 jas aralyǧyndaǧy sportşylar toptyq jattyǧular men jekelei baǧdarlamalaryn oryndap, özderınıŋ sporttyq därejelerınıŋ normativterın oryndady.
Chempionattyŋ jeŋımpazdary men jüldegerlerıne jas erekşelıgıne qarai sport şeberlıgıne ümıtker, 1-2-razriad iesı ataǧy berıldı. Jüzden jüirık atanǧandar bas bapkerdıŋ şeşımıne sai qala qūramasynyŋ müşesı atandy. Sonymen qatar alda ötetın el bırınşılıgıne jäne maŋyzdy turnirlerge qatysuǧa mümkındık aldy.
«Jarysqa qatysuşylardyŋ yntasy erekşe boldy. Qala boiynşa barlyq mektepterdıŋ şäkırtterı önerın ortaǧa saldy. Toptyq jattyǧuda jäne jekelei baǧdarlamada 2006 jyldan bastap 2013 jylǧa deiıngı tuǧan jasöspırımder synǧa tüstı. Olar 5 şeŋber, 5 dop, 5 sekırtpe, 3 lenta jäne 2 doppen öner körsetu syndy 6 dissiplina boiynşa baq synasty. Qatysuşylardyŋ şeberlıgıne qarap elordanyŋ körkem gimnastikasynyŋ erteŋı jaqsy degen baǧa beruge bolady» deidı Nūr-Sūltan qalasynyŋ körkem gimnastika federasiiasynyŋ atqaruşy direktory J.Musin.
