Keşe Astana äkımı Ädılbek Jaqsybekov Mysyr Arab Respublikasynyŋ Tūrǧyn üi ısterı, kommunaldyq şaruaşylyq jäne qalalyq damu ministrı Mūstafa Madbuli bastaǧan delegasiiamen kezdestı. Şeteldık qonaqtar Qazaqstannyŋ elordany auystyru boiynşa täjıribesıne qyzyǧuşylyq tanytty.
Ädılbek Jaqsybekov Qazaqstannyŋ jaŋa astanasyn salu turaly şeşımdı Memleket basşysy qabyldaǧanyn jetkızdı. Bas qala qysqa uaqyttyŋ ışınde ekonomikalyq jäne äleumettık tūraqty, güldengen demokratiialyq memlekettıŋ jaŋa kelbetıne ainaldy.
«Alǧaşqy künnen bastap qūrylystyŋ joǧary qarqyny belgılenıp, alǧa bırqatar mındetter qoiyldy. Bügınde Astana ūlttyq ideianyŋ körınısı, Qazaqstan tarihyndaǧy jaŋa däuırdıŋ simvoly ıspettı» dedı şahar basşysy.
Arab delegasiiasy osy sapary barysynda elordanyŋ maŋyzdy nysandaryn aralap, jalǧasyp jatqan qūrylystyŋ auqymymen tanysqan-dy. Būl rette Mysyrdyŋ Qorǧanys jäne äskeri önerkäsıp vise-ministrı, qaruly küşterdı injenerlık basqarudyŋ bastyǧy Kamel Abdelhadi Farag Uazir Astanadan şabyt alǧandaryn aitty. «Qūrylys salasynda 38 jylǧa juyq uaqyttan berı eŋbek etıp kelemın. Sondyqtan Astanany saluǧa bılıktı mamandar, qūrylysşylar, säuletşıler tartylǧanyna senımdımın. Bızben bölıskelı otyrǧan täjıribelerıŋızdı jaŋa astanamyzdyŋ qūrylysynda paidalanatyn bolamyz» dedı ol.
Kezdesu kezınde qonaqtar elordanyŋ 18 jyl ışındegı damu ürdısımen tanysyp, abattandyru, kögaldandyru jäne qalanyŋ tynys-tırşılıgıne innovasiialyq tehnologiialardy engızu mäselelerın talqylady. Keler jyly ötetın «EKSPO – 2017» halyqaralyq mamandandyrylǧan körmesıne de erekşe nazar audaryldy.
Jiynnan soŋ mysyrlyq delegasiia «Astana Bas jospary» ǧylymi zertteu-jobalau institutyna bardy. Astana äkımınıŋ bırınşı orynbasary Sergei Horoşun şeteldık qonaqtardy qalanyŋ damuymen egjei-tegjeilı tanystyrdy.
Materialdy “Astana aqşamy” gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
