Bas şaharda Elbasynyŋ «Bolaşaqqa baǧdar: ruhani jaŋǧyru» baǧdarlamasy aiasynda «Bereke bırlıgıŋde, elım» atty respublikalyq aqyndar aitysy öttı. Aituly şarany ötkızuge Nur Otan partiiasy men Nūr-Sūltan qalasy äkımdıgı mūryndyq boldy.
Dübırlı dodaǧa talai bäigede top jaryp, jūrtşylyqtyŋ rizaşylyǧyna bölenıp jürgen Serıkzat Düisenǧazin, Jansaia Musina, Erkebūlan Qainazar, Aspanbek Şūǧataev bastaǧan on alty aqyn qatysty. Bas qalada köpten berı mūndai aitys ötpegen edı. Sodan ba, asyl mūramyzǧa susap qalǧan halyqtyŋ qarasy mol boldy.
Aitys tızgının ūstaǧan körnektı aqyn Jürsın Erman söz saiysyn tamaşalauǧa kelgen aǧaiynǧa alǧysyn aityp, bäigege şapqaly otyrǧan jüirıkterge sättılık tıledı.
Segız jūpqa bölıngen aqyndar aitysqa myǧym daiyndyqpen kelıp, eldıŋ bırlıgı men berekesın, yrysy men yntymaǧyn jyr arqauyna ainaldyrdy. Sahnaǧa alǧaş şyqqan Qajymūqan men Qanat söz qaǧysynda qaǧytpa qaljyŋǧa da erık berıp, arasynda köptıŋ kökeiındegı äleumettık problemalardy aişyqty jyrlarymen öre bıldı. Aitystyŋ ören arǧymaqtaryna ainalǧan Erkebūlan men Aspanbektıŋ saiysynda eldık mäsele söz boldy. Qalijan men Jansaianyŋ aitysy ədemı əzılmen ädıpteldı. Al Serıkzat Düisenǧazy men Bekzat Asqarovtyŋ aitysy aǧalyq qamqorlyq pen ınılık ızettılıktıŋ ülgısına ainaldy. Aitystyŋ aspanynda aldaspandai jarqyldaǧan, marqūm Erık aǧamyzdyŋ balasy Bekzat osy keştıŋ jaŋalyǧy boldy dese bolady.
Elorda törındegı bairaǧy jelbırgen jyr dodasyn elmen bırge tamaşalaǧan qala basşysy Altai Kölgınov pen Nur Otan partiiasy töraǧasynyŋ bırınşı orynbasary Bauyrjan Baibek aituly şara da halyqqa aqjarma tılekterın bıldırdı.
– Halqymyzdyŋ ūlttyq önerge degen yqylasy bölek. Äsırese, sonyŋ ışınde aitys önerın erekşe biık köredı. Qai zamanda da eldıŋ eŋsesın köterıp, sözın söilegen aqyndar bolǧan. Bügıngı elımızdıŋ jetıstıgıne bırlık pen eŋbektıŋ arqasynda qol jetkızdık. Qazır ūlttyq qūndylyqtarymyzǧa memleket tarapynan erekşe köŋıl bölınıp otyr. Prezidentımız Qasym-Jomart Kemelūly jaqynda elordany damytu jönındegı ötken jiynda äluemet pen mädeniet salasyna airyqşa nazar audaryp, kündelıktı qoldau körsetudı mındettedı. Sol tapsyrmalardy jüzege asyrudyŋ bır körınısı osy aitys deuge bolady. Jyr dodasynyŋ taqyryby da bırlıktı ündeidı. Bız üşın bırlıkten artyq bailyq joq. Sondyqtan tatulyqty jyrlaityn aqyndardyŋ taŋdaiy talmasyn, jaqtary jaŋylmasyn» dedı Altai Kölgınov.
Öz kezegınde Nur Otan partiiasy töraǧasynyŋ bırınşı orynbasary Bauyrjan Baibek: «Bızdıŋ maqsat – eldıŋ ruhyn köteru. Ärine, syn aitylu kerek. Bıraq barşamyzǧa ortaq mındet-memlekettıgımızdı ūstap qalu. Sondyqtan bır-bırımızdı qoldaiyq, bırlıgımızdı qorǧaiyq. Aitys önerı jasai bersın» dedı.
Sonymen bas qalada dübırlep ötken aitystyŋ bas jüldesı, talai bäige de top jarǧan elordalyq aqyn Erkebūlan Qainazarovqa būiyrdy. Bırınşı oryndy Batys Qazaqstannan kelgen aqyn Talǧat Myqi jeŋıp aldy. Ekınşı oryndy Bekzat Asqarov pen Jansaia Musina ielendı. Üşınşı oryndy Aspanbek Şūǧataev pen Qalijan Bıldäşev bölıstı. Jüldeger aqyndardyŋ bärı baǧaly syilyqtarmen marapattaldy.
