Elorda emhanalarynda jüktı äielder üşın «Jasyl dälızder» ūiymdastyrylyp jatyr. Būl turaly Astana qalalyq densaulyq saqtau basqarmasynyŋ bas ştattan tys akuşer-ginekology Halida Şaripova mälımdedı.
Onyŋ aituynşa, būl şara jüktılıktıŋ erte kezeŋınde äielderdı uaqytynda ärı sapaly tekserısten ötkızu üşın engızılgen. Sondyqtan da ol sapaly ärı uaqtyly medisinalyq kömek körsetu üşın «jasyl dälızder» ūiymdastyru asa maŋyzdy ekenın attap öttı.
– Jüktı äielder üşın arnaiy tırkeu bar. Olar mındettı türde akuşer-ginekolog därıgerge, terapevtke jäne özge de mamandarǧa jıberıledı. Iаǧni, auyryp jürgen basqa emdeluşılermen bırge ortaq kezekte tūrmaidy. Öitkenı profilaktikalyq tekserıs jüktı äielderde ekstragenitaldy patologiiany der kezınde anyqtauǧa mümkındık beredı. Äielder sau balany düniege äkelu üşın, aiaǧy auyr kezde kerı äser bolmau üşın uaqytynda aumaqtyq emhanalarǧa baryp tūru kerek, aldyn ala daiyndyq jürgızu qajet. Ökınışke qarai, keibır äielder därıgerge jüktı bolǧan kezde ǧana keledı, – deidı därıger.
Qalalyq densaulyq saqtau basqarmasynyŋ mälımetınşe, 2017 jyl basynan berı Astanada 6 myŋnan astam bala düniege kelgen. Orta eseppen elordada täulıgıne bügıngı uaqytta jūmys ıstep tūrǧan üş perinataldy ortalyqta 60-65 bala ömırge keledı. Salystyrar bolsaq, ötken jyly Astanada 27 244 bala tuylǧan. Būl 2015 jylmen salystyrǧanda 8%-ǧa köp jäne rekordty körsetkış bolyp sanalady.
Serık JOLDASBAI
