Astanada «küiıp» tūrǧan mäselenıŋ bırı – jer. Jūrtşylyq bas qaladan bır jer telımın aluǧa zar. Bügınde jer kezegıne tūrǧandardyŋ sany 100 myŋǧa juyqtapty. Osynşa adamdy jermen qamtamasyz etuge kemı 80 jyldai uaqyt ketedı eken.
Jer qatynastary basqarmasynyŋ mälımetıne qaraǧanda, Astanada jeke tūrǧyn üi qūrylysyn jürgızu maqsatyndaǧy jer telımderı soŋǧy ret 2007 jyldyŋ mamyr aiynda berılgen. Telımder tegıs zaŋǧa säikes, Ūly Otan soǧysy ardagerlerı men oǧan teŋestırılgen azamattarǧa kezek boiynşa ülestırılgen körınedı. Sodan berı eşkımge eşqandai jer telımı berılmegen. Astanadan jer bölu nege toqtatyldy? Būl saualdyŋ jauabyn jer alyp, üi salǧysy keletın kez kelgen aǧaiyn bılgısı keletını anyq.
Jer telımın berudıŋ de özındık tärtıbı men zaŋdyq normalary bar. Telımderdı bölu Qazaqstan Respublikasy Ükımetınıŋ 2006 jylǧy 1 tamyzdaǧy №726 qaulysymen bekıtılgen erejege säikes jürgızıledı. Ereje boiynşa, azamattarǧa berıletın jer telımderı tiıstı jäne qajettı injenerlık infraqūrylymdarymen qamtamasyz etılgen, tırşılık etuge laiyqtalǧan boluy tiıs. Iаǧni jaryǧy men suy joq, joly salynbaǧan jerdı jūrtşylyqqa ülestıru zaŋsyz bolyp tabylady. Astanada jer aluǧa kezekke tūrǧyndardyŋ köptıgıne qaramastan telımderdıŋ berılmei otyruy sondyqtan. Qala aumaǧynda qajettı injenerlık infraqūrylymmen qamtamasyz etılgen daiyn alaŋdar joq. Sol sebeptı de äzırge jeke tūrǧyn üi saluǧa jer telımderı berılmeidı.
Qymbat TOQTAMŪRAT
