Nūr-Sūltan qalasy Memlekettık akademiialyq filarmoniiasy qūramynda 11 bölım jūmys ısteidı.
– Filarmoniia bölımderınıŋ ärqaisysy ülken qūrammen jasaqtalǧan. Keŋes odaǧy kezınen berı kele jatqan Qazaq orkestrınde 120 adamdai eŋbektenedı. Mūnyŋ syrtynda simfoniialyq orkestr, ürmelı aspaptar orkestrı, ekı ansambl bar. Onyŋ bırı – biylǧy nauryzda ǧana Ginnes rekordtar kıtabyna engen etnoansambl. Ekınşısı – «Saryarqa» folklorlyq ansamblı. Barlyǧy da – köptegen halyqaralyq konkurstardyŋ, festivaldardyŋ laureattary. Sonymen qatar estradalyq jäne klassikalyq vokal bölımderınde Qazaqstannyŋ eŋbegı sıŋgen qairatkerlerı, aldyŋǧy buyn aǧa-äpkelerımız qyzmet etedı. Sol siiaqty dästürlı änderımız de şet qalǧan emes. Halyq änı bölımınde kezınde Qairat Baibosynov syndy aǧalarymyz öner körsetken. Solardyŋ qanşama şäkırtterı bügınde osy bölımde qyzmet etıp kele jatyr. Ǧaziza Jūbanova atyndaǧy şektı aspaptar kvartetınde töl tuyndylarymyz, sonyŋ ışınde küilerımız zamanaui tūrǧyda öŋdeledı, – deidı filarmoniianyŋ qoǧammen bailanys jäne halyqaralyq qatynastar bölımınıŋ jetekşısı Meiramǧazy Saparǧaliev.
Sonymen qatar ol filarmoniiada dästürlı än de, zamanaui bi de şet qalmaǧanyn aitady.
– «Şalqyma» halyqtyq bi ansamblı – ūlttyq bilerımızdı naqyşyna keltırıp, ūlttyq önerımızdı şeteldık qonaqtarǧa tanystyryp jürgen toptyŋ bırı. Jastardyŋ da äuenı, olardyŋ ritmı de şetın qalǧan joq. «Älem bi» estrada ansamblınıŋ önerı zamanaui bige köbırek baǧyttalǧan. Filarmoniianyŋ osy 11 bölımıne qosymşa tehnikalyq qoldau körsetetın mamandar, sahnanyŋ syrtynda kiım jönınde stilist jäne grim bölımderın qosqanda filarmoniiada 740-qa juyq adam qyzmet etedı, – deidı Meiramǧazy Saparǧaliev.
Elordalyq filarmoniia biyl bas-aiaǧy 678 ıs-şara ötkızdı.
– Memlekettık akademiialyq filarmoniia pandemiiaǧa deiın bırneşe ıs-şara ūiymdastyrdy. Qaŋtar aiynyŋ soŋynan nauryzdyŋ 8-ıne deiın, iaǧni elımızde tötenşe jaǧdai rejimı jariialanǧanǧa deiın körermender ondaǧan ıs-şarany tamaşalady. Karantin bastalǧan uaqyttan köptegen konsert onlain formatta öttı. Sonyŋ ışınde tuysqan türkı jūrtyndaǧy halyqaralyq ūiymdarmen bırlesıp ötkızılgen ıs-şaralar bar. Mäselen, simfoniialyq orkestr bıraz tuyndylardy onlain formatynda körşıles memleketterdıŋ ūiymdarymen bırge jazdy. Jiyny 678 negızgı şara ötkızıppız. Sonyŋ 192-sı – oflain, iaǧni körermensız ötken, – deidı Meiramǧazy Saparǧaliev.
Onyŋ aituynşa, önerpazdar onlain formatta şeberlık sabaqtary men şaǧyn konsertter ūsynǧan.
– 1 mamyr, 7 jäne 9 mamyr, Astana künı syndy aituly merekeler qarsaŋynda jaǧdaidy barynşa paidalana otyryp, ärtürlı beinebaiandyq tuyndylar ūsynyldy. Äleumettık jelıler arqyly tıkelei efirde onlain konsertter ötkızıldı. Onlain ötken barlyq şaralardy qosqanda 1,5 million körermenge tuyndylarymyzdy ūsyndyq, – deidı Meiramǧazy Saparǧaliev.
