Bas qalamyzda on myŋnan asa köpbalaly otbasy tūrady. Olardyŋ jaiy nazardan eşqaşan tys qalǧan emes. Jaqynda Nūr-Sūltan qalasy, Pavlodar oblysy, Ekıbastūz qalasy äkımdıkterı bırlesıp, «Nūr Ertıs» baǧdarlamasyn jüzege asyru boiynşa ortaq kelısımge keldı. Mämıle boiynşa jūmys küşı jetkılıksız Ekıbastūz qalasyna elordamyzdaǧy äleumettık jaǧdaiy tömen, köpbalaly otbasylardy köşıru qarastyrylǧan edı. 5 mamyr künı köştıŋ alǧaşqy legı attanyp, 17 otbasy qonys audarǧan. Al bırer kün būryn kezekte tūrǧan taǧy 18 janūia Ekıbastūz qalasyna jetkızılıp, üş bölmelı päterdıŋ kıltın aldy. Osy quanyşty öz közımızben körmek üşın bız de bırge attanǧan edık.
– Bügın arnaiy jaldanǧan ekı avtobusta 18 otbasy Ekıbastūzǧa köşu üşın daiyndalyp otyr. Olar – Nūr-Sūltan qalasynda baspana kezegınde tūrǧan jandar. Bız, «Tūrǧyn üi qory» arnaiy habarlama jasap, olarǧa Ekıbastūzǧa qonys audaru turaly ūsynys jasadyq. Al ol jaqta «Nūr Ertıs» baǧdarlamasy boiynşa päteraqysy aiyna 8 myŋ teŋgeden aspaityn üş bölmelı jaŋa baspanamen, tūraqty jūmyspen, tegın balabaqşamen, mektepke qajet zattarmen qamtamasyz etuımız kerek. Al Ekıbastūz äkımdıgı olardyŋ jalaqysy 120 myŋ teŋgeden kem bolmaidy degen uäde berıp otyr, – dedı «Tūrǧyn üi qorynyŋ» direktory Nūrsūlu Qojahmetova.
Ūiymdastyruşylar bärımızdıŋ basymyzdy Maǧjan Jūmabaev pen Raqymjan Qoşqarbaev daŋǧyldarynyŋ qiylysynda qosty. Köpşılıktıŋ közınde senımnen küdık basymyraq. Bıraq tabysy päteraqysynan artylmaitynyn eskerıp, täuekelge bel buǧany jüzderınen körınıp tūr.
– Nūr-Sūltanda bir bölmeli jataqhana üşın aiyna 40 myŋ teŋge tölep tūrdyq. Jalaqym nebärı 60 myŋ teŋge bolatyn. Endı Ekıbastūzǧa jaǧdaiymyz jaqsarady degen ümıtpen ketıp baramyz. Özim osy qalada tuyp, osynda öskendikten bolar, qazir iştei quanyp tūrsam da astanamyzdan qimastyqpen attanyp baramyn, – deidı tört balasy bar Qalamqas Temırǧalieva.
Öndırıstı aimaqqa mamandar qajet
Jol boiy Ekıbastūz qalasynyŋ jūmyspen qamtu ortalyǧynyŋ mamany Aigül Şabekovamen bırge kelgendıkten, elordalyqtardy qandai jaǧdai kütıp tūrǧanyn, olardyŋ köşıp barǧanynan Ekıbastūzǧa qandai paida baryn bılmek bolyp sözge tartqan edık.
– Būl joba «Nūr Ertıs» baǧdarlamasy boiynşa jüzege asyp otyr ǧoi. Jalpy Pavlodar oblysy öndiristik aimaq bolǧan soŋ jūmys küşin köbirek qajet etedi. Iаǧni, jūmys köp bolǧanmen, ony isteitin jūmysşylar jetkiliksiz. Sonyŋ işinde, əsirese, Ekibastūz qalasynda qajet salalardyŋ qyzmetkerleri əldeqaida az. Mūnda tūrǧyndar sany 160 myŋnyŋ ainalasynda. Öndırıstı aimaq üşın būl azdyq etedı. Al atalǧan baǧdarlama būl olqylyqtyŋ ornyn toltyryp, mamandar tartuǧa septıgın tigızedı, – dedı Aigül.
Ortalyq qyzmetkerınıŋ būl jauaby mamandyǧy joq otbasylar «Nūr Ertıs» boiynşa köşıp bara almaidy degen oidy meŋzep tūrǧandai boldy.
– Şyny kerek, mamandyǧy joq jūrt bızde de jeterlık. Sondyqtan biz Nūr-Sūltannan köpbalaly otbasylardy köşirerde myna bir məselege köbirek mən berdik. Otbasyndaǧy keminde bir adam jūmysqa jaramdy, qandai da bir oqu ornyn bitirgen ärı köpbalaly degen mərtebesi boluy tiis. Al eger diplomy bola tūra öz salasynda jūmys istemegen bolsa, arnaiy təjiribeden ötip baryp jūmysqa qabyldanady, – dedı Aigül Şabekova.
Joǧaryda aitylǧan kelısım boiynşa üş bölmelı päter üşın aiyna nebärı 8 myŋ teŋge tölep tūrsa əri bir üiden eki adam birdei jūmys istese, sondai-aq balalary üşin balabaqşasy, mektebindegi as-suy, kiimi, qajet zattary tegin bolsa, būl tabysy päteraqysynan artylmaityn jandar üşın öte qolaily boluy tiis.
Sodan ne kerek, artynyp-tartynyp jolǧa şyǧamyz degenşe saǧat 12 bolyp qalǧan edı. Ekıbastūzǧa kün ekıntıge qarai auǧanda jettık. Ras, bärı aitylǧandai. Kelgen jūrtty Pavlodar oblysy äkımınıŋ orynbasary Ashat Oralov pen Ekıbastūz qalasynyŋ äkımı Nūrjan Äşımbetov jaŋadan salynǧan bes qabatty üidıŋ aulasynda qarsy aldy. Uaqyt sozbai bırden ärqaisysyna päter kıltın saltanatty türde tabys etkende jüzderındegı küdık pen ürei seiılıp, quanyşqa ūlasty. Keibırı öz közıne özı senbei, qolyndaǧy kıltke qaita-qaita qaraǧany jiylǧan jūrtty erıksız küldırıp.
Saltanatty rəsimde Ashat Oralov qonys ielerin qūttyqtai otyryp, otbasylaryna bereke tiledi.
– Baspanaly boldyŋyzdar. Endi tek jūmys isteu kerek. Mūndai baqyt kez kelgen adamǧa būiyra bermeidi. Bız qolymyzdan kelgen jaǧdaidyŋ bərin jasaimyz. Tegin balabaqşa, tūraqty jūmyspen qamtu basty nazarda tūr. Al sızder erınbei, Ekibastūzdyŋ örkendep, güldenui üşin aianbai eŋbek etuleriŋiz kerek, – dedi öŋir əkiminiŋ orynbasary.
Al Ekıbastūz äkımı jaŋa üi jaŋa baǧdarlama boiynşa salynǧanyn qozǧai otyryp, elordalyqtardyŋ meilınşe tezırek sıŋısıp ketuı üşın baspana qalanyŋ ortalyq tūsynan berılgenın erekşe atap öttı.
«8 balammen bır bölmede qinalyp jür edım…»
Pəter kilti saltanatty türde tapsyrylǧannan keiin oblys äkımınıŋ orynbasary ər üige jeke-jeke kirip, qonys ielerin qūttyqtap şyqty. «Beine bir ūiyqtap jatqandaimyn. Bir apta būryn ǧana bir bölmede tūryp, üi iesiniŋ qas-qabaǧyna qaraityn edik. Tapqan tabysymyzdyŋ da berekesı bolmaityn. Ötken särsenbı künı osy baǧdarlamany estıgende «Tūrǧyn üi qoryna» qūstai ūşyp jettım. Arada ekı kün ötpei, Ekıbastūzǧa köşetınımız turaly habar keldı. Endi, mine, 80 şarşy metr üidıŋ kıltın aldyq. Ary qarai Ekibastūzda tətti bəlişter, dəmdi samsa pisirsem degen oiym bar. özim dəmdi taǧamdar əzirlegendi ūnatamyn» deidi köpbalaly Janar Esqojanova quanyştan közine jas alyp.
Osy oraida bız baǧdarlama aiasynda Ekıbastūzǧa 5 mamyrdaǧy alǧaşqy köşpen kelgen Almagül Jüsıpovamen äŋgımelesken edık. Işındegınıŋ bärın jaiyp saldy.
«8 balammen aiadai ǧana bölmede tūryp qinalyp jür edım. Bır künı Nūr-Sūltan äkımı köpbalaly analardy jeke-jeke qabyldap jatyr degendı estıp, qabyldauyna jazyldym. Äkımge jaǧdaiymdy aityp, mūŋymdy şaqqanda «Nūr Ertıs» baǧdarlamasy turaly tüsındırıp berdı. «Üi berıledı, tūraqty jūmysyŋ bolady. Jaǧdaiyŋ jaqsarady. Ekıbastūzǧa köşesıŋ be?» dedı. Ekı sözge kelmei bırden kelıstım. Mıne, arada köp uaqyt ötpei baspanaly bolyp otyrmyn. Baqyt Sūltanovqa alǧysym şeksız» dedı ol.
Balaly üi bazar… Endı būl üidıŋ aulasynda balanyŋ külkısı men şuy ǧana estıledı. Nūr-Sūltan – jūmys küşı jetkılıktı qala. Sondyqtan bas qalamyzdy ǧana emes, ırgeles jatqan aimaqtardy da damytu – kez kelgen qazaqstandyqtyŋ boryşy. İgılıgı mol osyndai ürdıs jalǧasyn taba bersın demekpız.
Nūr-Sūltan – Ekıbastūz
