Beibıtşılık jäne kelısım saraiynda Astana qalasy äkımdıgı «Astana jastary» jastar resurstyq ortalyǧy Jastar saiasaty mäselelerı basqarmasynyŋ qoldauymen «Volunteer FEST» festivalı öttı. Saltanatty jiynda ärtürlı salada öz erkımen qoǧamǧa paidasyn tigızıp, belsendılık tanytqan 50-ge juyq erıktı ūiym qatysyp, marapattaldy.
mekşı, volonterler – jüregı keŋ, qaiyrymdy, qamqor jandar. Atalmyş festival – erıktılerge qūrmet körsetu maqsatynda qalalyq deŋgeide qolǧa alynǧan alǧaşqy ıs-şara. Aldaǧy uaqytta festivaldı dästürlı türde jyl saiyn ötkızu josparda bar. Basty maqsat erıktılerdı marapattau emes, barlyq volonterler – marapatqa laiyq azamattar. Sondyqtan barşaŋyzǧa alǧys aitamyz» dedı Astana qalasy Jastar saiasaty basqarmasynyŋ basşysy Qairat Qambarov qūttyqtau sözınde.
Jeŋımpazdar segız baǧyt boiynşa anyqtalyp, olarǧa baǧaly syilyqtar tabystaldy. Būl ūiymdardyŋ basym bölıgı segız jyldan asa uaqyt qyzmet körsetıp keledı.
Atap aitqanda, ekologiia baǧytynda «My za chistuiu stranu» ekologiialyq qozǧalysy, äleumettık baǧytta «Meiırımdı jandar» volonterlık toby, «Klub dobriakov» qozǧalysy, «Baqytty şaŋyraq» qoǧamdyq qory laiyq dep tanyldy. Tötenşe jaǧdaidaǧy volonterlık baǧytynda «Lider.kz» qoǧamdyq bırlestıgı, inkliuzivtı baǧytta «MikaSun» inkliuzivtı volonterlık toby jäne «Podari schaste» äleumettık baǧdarlamalar ortalyǧy jeŋıs tūǧyrynan körındı. Qoǧamdyq tärtıp baǧytynda «Alphard club Astana», «Skoda club Astana» jäne «Brat za brata 001» avtoklubtary bar. Medisina salasynda «Medisina jastary» RQB üzdık dep anyqtalsa, januarlardy qorǧau baǧyty boiynşa «Serdse angela» qaiyrymdylyq qory, «Kovcheg» panasyz januarlarǧa arnalǧan qaiyrymdylyq qory marapattaldy. Event volonterlık salasynda «Aşyq jürek» kluby, «Put masterstva» qaiyrymdylyq qory jäne basqa da ūiymdar jeŋımpaz atandy.
Äleumettık baǧyt boiynşa jeŋımpaz atanǧan ūiymnyŋ bırı – «Biz birgemiz» erıktıler qozǧalysy.
«Bızdıŋ bırlestıktıŋ qūramynda 1000-ǧa juyq erıktı bar. Osy uaqytqa deiın bız jetı otbasyǧa päter aluǧa qol ūşyn sozdyq. Sondyqtan jeŋımpaz atanǧanymyzǧa şyn köŋılden quanyştymyn. Barlyq erıktını jeŋımpaz dep sanaimyn» dedı volonterlık qozǧalystyŋ töraǧasy Aian Sälımgereev.
Halyq arasynda volonterlerdıŋ bedelın arttyru jäne volonterlık jūmystyŋ maŋyzyn nasihattau, olardyŋ bır-bırımen täjıribe almasuyna jaǧdai jasau, volonterlık jobalardy qoldau maqsatynda ūiymdastyrylyǧan keşte erıktıler üşın konserttık baǧdarlama qoiylyp, foto-körme ötkızıldı.
