Otandyq medisinaǧa sifrlyq tehnologiialar qarqyndy türde engızılude. Sonyŋ nätijesınde elordanyŋ emhanalarynda halyqqa qyzmet körsetu sapasy joǧarylady. Ükımet basşysy Asqar Mamin elordadaǧy №10 emhanaǧa baryp, medisinalyq qyzmet türlerınıŋ sapasy men qoljetımdılıgın arttyru jūmystarynyŋ barysymen tanysty. Būl emhana «100 mektep, 100 auruhana» memlekettık baǧdarlamasy şeŋberınde salynǧan bolatyn.
Asqar Mamin balalarǧa, ülkenderge arnalǧan oŋaltu bölımın, ambulatoriialyq hirurgiia, qalpyna keltırıp emdeu, medisinalyq oŋaltu ortalyqtaryn aralap kördı. Osy ortalyqtarda qanatqaqty joba retınde densaulyq saqtau salasyndaǧy soŋǧy sifrlyq tehnologiialar engızılgen. Būl – nauqastardyŋ keluın retteu jäne bırınşı kezekte şūǧyl medisinalyq kömek körsetu, därı-därmektermen qamtamasyz etudıŋ integrasiialanǧan aqparattyq jüiesı, sondai-aq elektrondy medisinalyq tölqūjattar kıretın Triage-jüiesı. Tūrǧyndarmen kerı bailanys ornatu üşın därıgerlerdıŋ jūmys sapasyn baǧalaityn mobildı qosymşa ıske qosylǧan. Emhananyŋ bas därıgerı G.Alpysbekova sifrlandyru jüiesın engızu nätijesınde nauqastardyŋ kezekke tūruy 60 paiyzǧa azaiǧanyn mälım ettı.
Emhanany aralap bolǧan soŋ, Ükımet basşysyna alǧaşqy därıgerlık-sanitarlyq kömek körsetetın medisinalyq ūiymdar jelısın qūru jobasy tanystyryldy. Jalpy alǧanda, şetkerı aimaqtardaǧy tūrǧyndar üşın medisinalyq kömektıŋ joǧary qoljetımdılıgın qamtamasyz etu maqsatynda biyl Nūr-Sūltan qalasynda 11 qosymşa medisinalyq ūiymdar aşu közdelgen. Ükımet basşysymen ılesıp jürgen Densaulyq saqtau ministrı Eljan Bırtanov därıgerler qauymyna öte jaǧymdy jaŋalyqty jetkızdı. «Elbasynyŋ «Äleumettık qamqorlyq» atty äleumettık şaralaryn ıske asyru aiasynda 2019 jyldyŋ 1 mausymynan bastap uchaskelık därıgerlerdıŋ jalaqysy 224 myŋ teŋgege deiın, ortaşa medisinalyq qyzmetkerlerdıŋ eŋbekaqysy 163 myŋ teŋgege deiın ösedı» dedı ministr.
