Keşe Oquşylar saraiynda «Qazaqstan Respublikasy Prezidentınıŋ 2019 jylǧy 9 mausymdaǧy kezekten tys sailauyn ūiymdastyru jäne ötkızu» degen taqyrypta sailaudy ūiymdastyruşylar men elordadaǧy dauys beru prosesıne qatysuşylarǧa arnalǧan seminar öttı. Seminarǧa aumaqtyq sailau komissiialarynyŋ müşelerı, uchaskelık sailau komissiialarynyŋ töraǧalary men hatşylary, sot, tötenşe jaǧdai jönındegı basqarma ökılderı qatysty. Sailauşylar tızımın qūru boiynşa atqaruşy organdardyŋ jūmysy jäne sailau uchaskelerın materialdyq-tehnikalyq jaǧynan qamtamasyz etu turaly Nūr-Sūltan qalasy äkımınıŋ orynbasary Erlan Qanalimov baiandama jasady. Qalalyq sailau komissiiasynyŋ keŋesşısı Vera Pyteva uchaskelık sailau komissiialarynyŋ sailauǧa daiyndyǧy qyzmetın ūiymdastyru jäne ötkızu jönınde egjei-tegjeilı äŋgımeledı.
Mügedekterdıŋ qūqyqtaryna köŋıl bölınedı
Qala äkımınıŋ orynbasary Erlan Qanalimov sailau uchaskelerın materialdyq-tehnikalyq tūrǧydan qamtamasyz etu turaly tolyqqandy aqparat berdı. Onyŋ aituynşa, elorda äkımdıgı sailauǧa jan-jaqty daiyndyq jürgızude. Qala äkımı ärbır sailau uchaskesıne jauapty memlekettık organdardy bekıtken. Ärbır memlekettık organǧa, äkımdıktıŋ qūrylymdyq mekemelerıne jeke-jeke sailau uchaskelerı bekıtılgen. Olar sol uchaskelerge tolyq jauapty. Sailauǧa daiyndyq jönındegı qalalyq ştab jūmys ısteidı. Ştab qalalyq sailau komissiiasymen kelıse otyryp, sailau uchaskelerın bezendırudıŋ bıryŋǧai tūjyrymdamasyn bekıtıptı.
– Ärbır aşyq uchaskede dauys beruge arnalǧan 4 standart kabina jäne mümkındıgı şekteulı azamattarǧa arnalǧan 1 kabina ornatylǧan. Jabyq sailau uchaskelerı 2 standartty kabinamen jäne qajetıne qarai mümkındıgı şekteulı azamattarǧa arnalǧan kabinalarmen jabdyqtalady. Sondyqtan jabyq sailau uchaskelerındegı komissiia töraǧalarynan mümkındıgı şekteulı azamattarǧa arnalǧan kabinaǧa sūranys joldaularyŋyzdy sūraimyn, – dep tüsındırdı Erlan Ermekūly.
Onyŋ aituynşa, uchaskelerdıŋ talaptarǧa säikestıgıne qatysty jürgızılgen monitoring barysynda 81 eskı ülgıdegı Memlekettık Eltaŋbanyŋ bary, 49 Memlekettık Tudyŋ jaǧdaiy syn kötermeitını anyqtaldy. Būl mäselenı şeşudı äkımdık öz moinyna alǧan. Aldaǧy künderı jetpeitın uchaskeler boiynşa Tular men Eltaŋbalar audan äkımdıkterıne berıledı. Olar öz kezegınde uchaskelerge taratatyn bolady.
Uchaskelerdegı arnaiy stendterde Prezidenttıkke ümıtkerlerdıŋ suretterı jäne aqparattyq materialdar ılınedı. Keibır uchaskelerge qoiylatyn üşınşı stendterge sailau uchaskesındegı ıs-qimyl erejelerı, halyqaralyq baqylauşylar men şeteldık BAQ ökılderıne arnalǧan mälımetter jazylady. Är sailau uchaskesınde telefon, ǧalamtor jäne Halyqqa qyzmet körsetu ortalyǧy (HQO) üşın mobildı bailanys operatorlarynyŋ jeke jelısı siiaqty bailanys qūraldary ornatylady.
Būl jolǧy sailaudaǧy jaŋalyqtyŋ bırı – 204 sailau uchaskesınde halyqqa mekenjailyq anyqtamalar beretın mobildı halyqqa qyzmet körsetu ortalyqtary (HQO) aşylady. Sailauşylardyŋ belsendılıgın arttyru maqsatynda ūiymdastyrylatyn mobildı HQO 2019 jyldyŋ 1 mausymynda testıleu tärtıbınde ıske qosylady. Barlyq uchaskelerdı tolyq materialdyq-tehnikalyq jaǧynan jaraqtandyru jūmystary 20 mamyrǧa deiın aiaqtalady. Är uchaske Ortalyq sailau komissiiasy bekıtken talaptarǧa säikes jabdyqtalady.
Elımızdıŋ sailau zaŋnamasynda mügedekterdıŋ qūqyqtaryn qorǧauǧa qatysty jaŋa tüzetuler engızılgenı mälım. «Jūmys barysynda 238 uchaskede 17 pandustyŋ joq ekendıgın anyqtadyq. Būl kemşılıkterdı joiu üşın arnaiy mamandandyrylǧan kompaniiany tarttyq. Būl jerde bız qaiyrymdylyq ıs emes, mügedekterdıŋ qoǧamnyŋ tolyqqandy müşesı retındegı zaŋdy qūqyqtaryn qorǧaudy qamtamasyz etemız. Mümkındıgı şekteulı adamdarǧa arnalǧan qolaily ortany qūruda elorda özge öŋırlerge ülgı boluy tiıs» dep mälımdedı Erlan Qanalimov.
Sailauşylardyŋ tızımı naqtylandy
Baiandamaşy öz sözınde «QR sailau turaly» zaŋnyŋ basty özgerısı – «Jeke tūlǧalar» memlekettık derekqory negızınde sailauşylardyŋ tızımın qalyptastyru mäselesıne erekşe toqtaldy. Äkımdık uäkılettı memlekettık organdarmen bırlese otyryp, «Jeke tūlǧalar» memlekettık derekqory tızımındegı problemalyq sailauşylardy ırıkteu jūmysyn jürgızgen. Sonyŋ ışınde sailauşylar tızımın anyqtau jäne naqtylau jūmystary bırneşe baǧyttarǧa jürgızılgen. Osy şaralardyŋ nätijesınde elordada būryn tırkelıp, qazır tırkeuden şyqqan 60240 adam tızımnen syzylǧan. Onyŋ ışınde būzylǧan üilerde tırkelgen 12 myŋ adam bar. Jeke tūlǧalar bazasynan alynǧan problemalyq sailauşylardyŋ mälımetterı bıryŋǧai esepteu ortalyǧy, densaulyq saqtau, bılım beru, salyq, säulet, azamattarǧa arnalǧan Ükımet siiaqty balamaly qalalyq bazalar arqyly tekserılgen. Sonyŋ nätijesınde sailauşylar jönındegı terıs mälımetter 150-den 43 myŋǧa deiın azaiypty.
Sailauşylardyŋ tızımın naqtylaudaǧy taǧy bır şara – jer üiler men päterlerdı aralau. 15 säuır men 6 mamyr aralyǧynda audan äkımdıkterı barlyǧy 2741 köpqabatty tūrǧyn üidı, 269784 päterdı, 32872 jeke sektordaǧy üidı aralaǧan. Osy jūmystyŋ nätijesınde 241288 sailauşy tızımge qaita qosyldy. Sondai-aq, bas qaladaǧy 57 myŋ joǧary oqu orny studentı sailauşylar tızımıne qosylypty.
El jüregı – astana dauys beredı!
Qala tūrǧyndaryna qolailylyq tuǧyzu üşın äkımdık alǧaşqylardyŋ bırı bolyp sailauşylar tızımın ızdeu qyzmetın ıske qosypty. Bügınge deiın osy qyzmet türı boiynşa 22316 sailauşy özı turaly mälımettı teksergen. «10 sanat boiynşa tūrǧyndardyŋ äleumettık jaǧynan osal toptarynyŋ tızımı tekserıldı. Būl sanatta 146 myŋ adam bolsa, sonyŋ ışınde 20 myŋy – mügedekter, olardyŋ bärıne arnaiy şaqyru jıberıledı» dedı Erlan Qanalimov.
Onyŋ aituynşa, elordada biyl 18 jasqa tolyp, alǧaş ret dauys beretın 34366 adam bar eken. «El jüregı – Nūr-Sūltan dauys beredı!» atty şaranyŋ şeŋberınde olarǧa arnaiy logotipı bar jeide, qalpaq, saptyaiaq jäne özge de syilyqtar tabystalady. Sailauşylardyŋ saiasi dodaǧa degen belsendılıgın arttyru maqsatynda ötkızıletın imidjdık joba, negızınen, Facebook, Instagram äleumettık jelılerınde (Elorda Live atty arnaiy taqyryptyq paraqşalar aşylǧan) belsendı nasihattalady.
Halyqtyŋ sailauǧa degen qyzyǧuşylyǧyn arttyru maqsatynda äkımdık bırqatar ıs-şaralardy qolǧa alypty. Sonyŋ bırı – bas qaladaǧy 18 LED-ekranda körsetılıp jatqan beinerolikter. Mūndai beinerolikter elordanyŋ barlyq kinoteatrlarynda («Arman», «Kinopark», «Euraziia», «Chaplin» jäne t.b.) qoiyluda. Sailaudy nasihattaityn plakattar ılıngen 50 avtobus qala köşelerımen jüitkıp jür. Aialdama keşenderıne 100 banner ılıngen. «Han Şatyr», «Saryarqa», «Keruen Siti» jäne «Mega Silk Way» siiaqty eŋ ırı sauda, oiyn-sauyq ortalyqtarynda audio jäne beinerolikter körsetılude. Sondai-aq, erıktılerdıŋ qatysuymen promoaksiia bastalǧany mälım boldy.
Söz soŋynda Erlan Qanalimov qaladaǧy ärbır sailau uchaskesınıŋ özgelerge ülgı boluy tiıstıgın atap aitty. «Elordanyŋ märtebesı men onyŋ el ömırındegı alatyn ornyna bailanysty halyqaralyq baqylauşylar men şeteldık BAQ-tar eŋ aldymen bas qalaǧa nazar audaratyny sözsız. Sondyqtan bärımız bırıgıp, elımız üşın asa maŋyzdy şarany joǧary deŋgeide ūiymdastyryp, ötkızuımız qajet» dedı ol.
