Elordalyq ört söndıruşıler Qostanai oblysyna kömekke attandy. Qostanai oblysynda orman örtıne qarsy küres jürıp jatqanyna tört täulık boldy. Elordalyq TJD-nıŋ 98 erjürek qūtqaruşysy, 18 ört söndıru tehnikasy ört söndıru qyzmetı bastyǧynyŋ orynbasary polkovnik R.Ekişevtıŋ basşylyǧymen Qostanai oblysynyŋ Äulieköl audanyna örtke qarsy küreste ärıptesterıne kömek körsetu üşın jolǧa şyqty, – delıngen TJD habarlamasynda. TJM habarlauynşa, Äulieköldegı ört aumaǧy 9 myŋ gektardan asty, ormannyŋ jalpy aumaǧy 40 myŋ gektar.
Oblysqa özge aimaqtardan kömek körsetılıp jatyr. Nūr-Sūltan qalasy, Aqmola men Soltüstık Qazaqstan oblystarynan ört söndıru qūraldary men qosymşa küşter jıberıldı.
Qostanai oblysy Äulieköl audanyndaǧy oryn alǧan tabiǧi ört apatyna bailanysty Qazaqstan halqy Assambleiasy ört saldarynan zardap şekken halyqqa kömek körsetu aksiiasyn bastady.
4 qyrküiek künı Nūr-Sūltan, Almaty, Şymkent qalalarynyŋ jäne barlyq oblystardyŋ Dostyq üilerındegı volonterlık ortalyqtardyŋ bazasynda qarajat pen qajettı zattardy jinau üşın jedel ştabtar qūryldy.
Kelıp tüsken aqparat boiynşa evakuasiialanǧan azamattar azyq-tülıkpen, därı-därmekpen jäne tösek-orynmen qamtamasyz etılgen.
Zardap şekken azamattarǧa üilerın, qojalyqtaryn, kiımderı men tūrmysqa kerek zattaryn qalpyna keltıru qajet.
Amanat partiiasy Qostanai oblysynyŋ zardap şekken jäne evakuasiialanǧan tūrǧyndary üşın 312 tonna gumanitarlyq kömek jinady. Nūr-Sūltan qalasynyŋ İnvestisiialar jäne käsıpkerlıktı damytu basqarmasy käsıpkerlerdıŋ kömegımen taǧy da 4,5 tonna bırınşı qajettılıktegı zattardy jinady.
Qostanai oblysy boiynşa jergılıktı auqymdaǧy tötenşe jaǧdai jariialandy. Oblys äkımdıgınıŋ rezervınen zardap şekkenderge kömek körsetıldı. Būl – eŋ aldymen, jatyn oryn jäne tamaqtanu. 1 800 adam evakuasiialandy. Mektepterge 200-ge juyq adam ornalastyryldy. Köbısı qauıpsızdıgın tekserıp öz üilerıne oraldy, qalǧandary tuystaryn panalady, – dep mälım ettı Qostanai oblysy äkımdıgınıŋ baspasöz qyzmetı.
Oqiǧa boiynşa arnaiy komissiia qūryldy. Komissiia şeşımıne säikes tabiǧi apattan zardap şekkenderdıŋ (üi-jaiy örtengen tūrǧyndarǧa) barlyǧyna qajettı kömek körsetıledı. Qostanai oblysynyŋ äkımı Arhimed Mūhambetov pen Tötenşe jaǧdailar ministrı Iýrii İlin evakuasiialanǧan tūrǧyndarmen kezdestı. Halyqtyŋ qauıpsızdıgın qamtamasyz etu maqsatynda Ozernoe auylynan (250 adam) jäne Amanqaraǧai auylynan soltüstık bölıgınen (1000 adam), Kalinino auylynan (228 adam), Lesnoe auylynan (363 adam) jalpy barlyǧy 1841 adam evakuasiialandy. Jergılıktı atqaruşy organdar evakuasiialanǧan adamdardy Äulieköl orta mektebı men Äulieköl mektep-internatyna ornalastyrudy ūiymdastyrdy.
Gülşat SAPARQYZY
