Prezident Äkımşılıgınıŋ tapsyrmasymen aimaqtardy damytu baǧdarlamasyn jetıldıru maqsatynda qyzmettı baǧalaudyŋ maqsatty indikatorlary oŋtailandyryldy. Osyǧan jäne qala atauynyŋ özgeruıne bailanysty 2016-2020 jyldarǧa arnalǧan Astana qalasyn damytu baǧdarlamasyna özgerıster engızıldı. Nūr-Sūltan qalasy mäslihatynyŋ kezektı sessiiasynda osyny mälımdegen Strategiialyq jäne biudjettık josparlau basqarmasynyŋ basşysy Qaisar Maŋqaraev baǧdarlamaǧa engen özgerıstermen tanystyrdy. Sessiiaǧa qala äkımınıŋ orynbasary Asqar Ämrin qatysty.
– Qalany damytu baǧdarlamasy kelesı jyly aiaqtalady. Sondyqtan būl – obektivtı sebepterge bailanysty soŋǧy tüzetu. Ūlttyq ekonomika ministrlıgı körsetkışterdıŋ jaŋa bazalyq tızımın qabyldady. Onda körsetkışter 81-den 40-qa deiın qysqartyldy. Osy indikatorlardyŋ negızınde äkımdıkterdıŋ qyzmetı baǧalanady. Aumaqtardy damytu baǧdarlamasyndaǧy indikatorlar 121-den 54-ke azaityldy. Būl 54 indikatordyŋ 10-yna tüzetuler engızıldı. Onyŋ 9-y strategiialyq kartanyŋ indikatorlary, – dedı Q.Maŋqaraev.
2018 jyldyŋ qorytyndylary boiynşa, elorda äkımdıgı közdegen maqsattarǧa jetu körsetkışı jönınen el öŋırlerı arasynda eŋ üzdık nätijelerdı körsetıp, ekınşı oryndy ielendı. Prezident Äkımşılıgı bas qala äkımdıgınıŋ qyzmetın 85,7 balǧa baǧalady. Būl 2017 jylmen salystyrǧanda 12 balǧa joǧary. Osyny aitqan baiandamaşy Elbasynyŋ tapsyrmasymen Nūr-Sūltan qalasyn damytudyŋ jaŋa baǧdarlamasy äzırlenıp jatqanyn jetkızdı. Būl baǧdarlama 2021-2025 jyldardy qamtidy. Qazırgı kezde Ūlttyq ekonomika ministrlıgımen bırge jaŋa baǧdarlama boiynşa jūmystar jürıp jatyr.
Sessiianyŋ aldynda elordany damytu baǧdarlamasy «Nur Otan» partiiasynyŋ qalalyq mäslihattaǧy fraksiiasynyŋ keŋeitılgen otyrysynda jan-jaqty talqylandy. Deputattar onda qala tırşılıgıne qatysty maŋyzdy mäselelerdı köterıp, öz ūsynystaryn jetkızdı. Mäslihat deputaty Qaraqat Abden şahardyŋ ekonomikalyq örleuı men salyq tüsımderı mäselesın qozǧady. «Jalpy öŋırlık önımnıŋ ösımın baiqap otyrmyz. Bıraq būl körsetkıştı jaqsartuǧa bolady dep esepteimın. Salyqtar uaqytynda jinalmasa, qala qazynasyna tüspese, qalanyŋ äleumettık saiasaty aqsaidy. Mūndai jaǧdaida äleumettıŋ äleuetın qalai köteremız? Būl tarapta Nur Otan partiiasy memlekettık organdar jūmysyn baqylauǧa aluy tiıs» dedı deputat. Otyrys barysynda barlyq ūsynystar eskerıletını aityldy.
Osy künderı elordada 87 orta mektep jūmys ıstep tūr. Onyŋ 10-yna belgılı tūlǧalardyŋ esımderı berılgen. Biyl qalalyq onomastikalyq komissiiaǧa mektepterge atau beru boiynşa köptegen ötınışter kelıp tüsken. 3 qazanda komissiia būl ötınışterdı qarap, 12 ūsynys boiynşa oŋ şeşım şyǧardy. Sessiiada būl ūsynystarmen Tılderdı damytu jäne arhiv ısı basqarmasynyŋ basşysy Tıleuǧali Qyşqaşbaev tanystyrdy.
Atap aitqanda, №10 mektep-gimnaziiaǧa – Jūmabek Täşenovtıŋ, №48 mektep-liseige – Ahmet Baitūrsynūlynyŋ, №52 mektep-gimnaziiaǧa – Beiımbet Mailinnıŋ, №56 mektep-liseige – Şäkärım Qūdaiberdıūlynyŋ, №57 orta mektepke – Mäşhür-Jüsıp Köpeiūlynyŋ, №58 mektep-gimnaziiaǧa – Iliias Jansügırovtıŋ, №68 mektep-gimnaziiaǧa – Mırjaqyp Dulatūlynyŋ, №76 mektep-liseige – Älihan Bökeihanūlynyŋ, №80 mektep-gimnaziiaǧa – Säken Seifullinnıŋ, №84 mektep-liseige – şeih Halif ben Zaid äl-Nahaiannyŋ, №85 mektep-liseige – şeih Tamim ben Hamada äl-Tanidyŋ jäne Oquşylar saraiyna – Äbu Nasyr äl-Farabidıŋ esımderın beru ūsynyldy. Būl ūsynystardy deputattar maqūldady.
– Bırıkken Arab Ämırlıkterındegı şeih Halif ben Zaid äl-Nahaian atyndaǧy gumanitarlyq qor №84 mektep-liseiınıŋ, al Katar memleketınıŋ damu qory №85 mektep qūrylysyn qarjylandyrdy. İnvestorlar bılım beru oryndaryn qajettı barlyq qūraldarmen jabdyqtady. Mektepter qūrylysynan bölek, materialdy-tehnikalyq jabdyqtaluyn da öz moiyndaryna alǧan. Qajet bolǧan jaǧdaida olardyŋ esebınen qūrylys jūmystary jürgızılıp, oqu qūraldary alynady. Şeihterdıŋ esımderın mektepterge beru turaly ūsynys osy mektepterdıŋ basşylarynan kelıp tüsken, – deidı T. Qyşqaşbaev.
S19 köşesındegı 600-800 orynǧa arnalǧan köpsalaly auruhananyŋ qūrylysyna, besınşı kezektegı, №10 uchaskedegı Esıl özenı arnasyn qaita qūru men abattandyruǧa, A. İmanov köşesınen bastap Bögenbai batyr daŋǧylyna deiıngı Asan qaiǧy köşesın saluǧa, S189 jäne S745 köşelerı qiylysyndaǧy saiabaqtyŋ qūrylysyna memleket mūqtajdyǧyna jer telımderın alu jobasymen Qūrylys jäne tūrǧyn üi saiasaty basqarmasy basşysynyŋ mındetın atqaruşy Jan Myrzaǧali tanystyrdy. Būl ūsynys ta deputattar tarapynan qoldau tapty.
