Osy jyldyŋ 1 tamyzyna elorda tūrǧyndarynyŋ sany 1 mln 109 myŋ 575 adamdy qūrady. Sonyŋ ışınde 566,3 myŋ adam ekonomikalyq belsendı bolyp sanalsa, naqty jūmys ısteitın adamdardyŋ sany – 540,8 myŋ. Jūmyssyzdyq deŋgeiı – 4,5 paiyz. Nūr-Sūltan qalasy mäslihatynyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiia otyrysynda būl turaly aitqan qalalyq Jūmyspen qamtu jäne äleumettık qorǧau basqarmasynyŋ basşysy Säule Nūrǧojina eŋbek naryǧynda qalyptasqan jaǧdaimen tanystyryp, aldaǧy josparlarmen bölıstı.
PORTALDA 7 MYŊNAN ASA BOS JŪMYS ORNY BAR
Onyŋ aituynşa, neǧūrlym köp adamdy jūmysqa tūrǧyzu jäne jūmyspen qamtu mümkındıkterın keŋeitu maqsatynda şaharda bırqatar şaralar qolǧa alynǧan. Atap aitqanda, enbek.kz portalyna bos jūmys oryndary jariialandy. Qazırgı kezde onda 841 jūmys beruşıden 7 myŋ 386 bos oryn bar. «Eŋbek» nätijelı jūmyspen qamtu jäne jappai käsıpkerlıktı damytu baǧdarlamasy aiasynda jūmyssyzdyqtan äleumettık qorǧau şaralarymen 9 myŋ adam qamtyldy.
Jalpy biylǧy toǧyz aidyŋ qorytyndysynda Jūmyspen qamtu ortalyǧyna 16 myŋ 338 adam jūmys ızdep kelgen. Sonyŋ 8 myŋ 924-ı nemese 54,6 paiyzyna naqty kömek berıldı. Iаǧni, olar tūraqty jūmys oryndaryna tūrǧyzylyp, qoǧamdyq jūmysqa, Jastar praktikasyna, qysqamerzımdık kurstarǧa jıberıldı. Solardyŋ arasynda jaŋa biznes ideialaryn jüzege asyruǧa grant alǧan adamdar da bar.
«Biyl qysqamerzımdık kurstarǧa jıberıletın adamdar sany köbeitılıp, tiıstı jospardan asyra oryndaldy. Bastapqyda 770 adamdy jıberudı oilasaq, qazır būl körsetkış 1150 adamǧa jettı. Oqytu 51 mamandyq boiynşa 31 oqu ortalyǧynda jürgızılıp jatyr. Jaŋa biznes ideialardy jüzege asyruǧa grant alatyn azamattardyŋ sany 900 boldy. Qazırgı künge 49 grant berıldı. 376 biznes joba maqūldandy. Grant osy qazan aiynda berıledı» dedı S.Nūrǧojina.
JAŊA BİZNES İDEIаLARǦA GRANT BERILEDI
Qoǧamdyq jūmysqa 2049 adam, sonyŋ ışınde 451 jas azamat jıberıldı. Olardyŋ jalaqysy da ösırılıp, ekı aida 85 myŋ teŋge qoldaryna tidı. Jyl basynan berı «Jastar» saraiynda alty ret bos jūmys oryndary järmeŋkesı men Jūmyspen qamtu ortalyǧynda 14 şaǧyn järmeŋke ūiymdastyryldy. Bügıngı künge 16298 tūraqty jaŋa jūmys orny qūryldy. Sonyŋ ışınde memlekettık baǧdarlamalar boiynşa 1062 oryn, şaǧyn biznes salasynda 15 myŋnan astam oryn aşyldy.
«Būl jūmys jalǧasyp jatyr. 1 jeltoqsanǧa deiın 19 myŋ jūmys ornyn qūrudy josparlap otyrmyz. Qazır käsıpkerler palatasy men İnvestisiialar jäne käsıpkerlıktı damytu basqarmasymen bırge monitoring jürgızıp jatyrmyz» dedı basqarma basşysy.
Qalada 8 mobildı jūmyspen qamtu ortalyǧyn aşu boiynşa qanatqaqty joba bastaldy. Būl ortalyqtar saparjai, «Etalon» bazary, «Vstrecha» aialdamasy, «Aziia park», «Promyşlennyi» tūrǧyn alaby aumaǧynda aşyldy. Bügıngı taŋda osy ortalyqtarǧa 383 adamnan ötınışter kelıp tüsken. Sonyŋ 203-ı jūmystaryn jalaqysy köpteu jerge auystyru maqsatynda jügıngen. Ötınış bergen 10 adam qysqamerzımdık kurstarǧa jıberıldı.
Mümkındıgı şekteulı 539 adam jūmyspen qamtu şaralarymen qamtylǧan. Sonyŋ 217-ı tūraqty jūmysqa tūrǧyzyldy. Animasiia men videografika, elektr jäne gazben dänekerleuşı, tıgınşı mamandyqtaryn igeruge 32 azamat jıberıldı. Mümkındıgı şekteulı ekı adam jaŋa biznes ideialardy jüzege asyruǧa 100 AEK kölemınde grant aldy. Jyl basynan berı probasiia qyzmetı esebınde tūrǧan 41 adam, bas bostandyǧynan aiyru oryndarynan bosap şyqqan 29 adam, barlyǧy 70 adam jūmyspen qamtu şaralarymen qamtylǧan.
QALAǦA 170 PEDAGOG MAMAN KEREK
Qalaǧa qazır 170 pedagog maman jetıspeidı. Sonyŋ ışınde balabaqşa tärbieşılerı, bastauyş synyp mūǧalımderı, orys tılı men ädebietı, matematika ūstazdary, aǧylşyn tılınde pänderdı oqytatyn mamandar qajet. Būl turaly mälımdegen Bılım basqarmasy basşysynyŋ orynbasary Janna Qūlyşpaeva osy jaǧdai oqu üderısıne eşqandai äserın tigızbei otyrǧanyn aitty.
«Ekı jyl qatarynan basqarma qyzmetkerlerı men mektep direktorlary tiıstı pedagog mamandardy elordaǧa jūmysqa tartu maqsatynda aimaqtarǧa bardy. Byltyr qalaǧa asa qajet 340 bılım salasy qyzmetkerın daiarlau üşın qarjy bölındı. Soǧan säikes 2022 osy salaǧa keletın jaŋa kadrlardy kütıp otyrmyz. Osy jyly Bılım jäne ǧylym ministrlıgınıŋ bastamasymen köpbalaly jäne atauly äleumettık kömek alatyn otbasylardan şyqqan balalardy oqytuǧa 165 grant bölıngen edı. Onda da pedagogikalyq mamandyqtar bar. Kolledjder de mūǧalımderdı daiarlaidy. Mūnda biyl memlekettık tapsyrys 4602 orynǧa ornalastyrylsa, sonyŋ 800-ı – pedagogikalyq mamandyqtar» dedı ol.
Onyŋ aituynşa, pedagog mamandardy ūstau üşın de jaǧdailar jasalyp jatyr. Mäselen, biyl jas mamandarǧa arnalǧan 350 oryndyq jataqhana aşyldy. 242 pedagogke tūrǧyn üi sertifikattary berıldı. Būǧan qosa, qalaǧa öte qajet mamandar boiynşa saraptama jürgızıledı. Soǧan säikes kolledjderde jaŋa mamandyqtar aşylyp jatyr.
Osy oraida qalalyq mäslihattyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiia töraǧasy Miras Şekenov bolaşaqty da boljai bılıp, alda elordaǧa kerek bolatyn mamandardy daiarlauǧa nazar audardy. Onyŋ pıkırınşe, qalaǧa jaqyn jyldary gaz keletındıkten qazırden gazben jūmys ısteitın mamandardy daiarlaudy qolǧa alu kerek.
Oǧan jauap bergen J.Qūlyşpaeva biyl qalanyŋ politehnikalyq kolledjınde 9 jäne 11 synyptar bazasynda gaz mamandaryn oqytu bastalǧanyn, ekı topqa 25 baladan qabyldanǧanyn, oqu merzımı 1 jyl, 9 aidy qūraitynyn jetkızdı.
«ÄBU-DABİ PLAZA» QAŞAN PAIDALANUǦA BERILEDI?
İnvestisiialar jäne käsıpkerlıktı damytu basqarmasynyŋ mälımetınşe, qala käsıporyndarynda 5,5 myŋnan astam jūmys orny qūryldy. Būl mälımettı ūsynǧan atalmyş basqarma basşysynyŋ orynbasary Janar Beskempırova osy mekeme halyqty jūmyspen qamtu maqsatynda atqaryp otyrǧan şaralardy baiandady.
«Köşe saudasy: 1000 oryn» baǧdarlamasy boiynşa qazırgı taŋda 410-nan astam sauda nysandary ornatylyp, 1700-den asa jūmys orny qūryldy. Ötken qyrküiek aiynda Alaş tas jolynda avtökölık satatyn «Keruen» bazary aşyldy. Onda 90 sauda orny bar. Qazırge kezde bazarda 200-den astam jūmys ornyn qūruǧa mümkındık aşylyp otyr. Kelesı jyly būl bazarda sauda oryndary 250-ge jetkızılmek. Iаǧni qūrylystyŋ ekınşı kezegı jürgızıledı. Jalpy alǧanda, mūnda 750 jūmys ornyn qūru josparlandy» dedı J.Beskempırova.
Jyl soŋyna deiın şaharda tört investisiialyq jobany jüzege asyru josparlanyp otyr. İnvestisiia kölemı – 14,2 mlrd teŋge. Būl öz kezegınde 325-ten astam jūmys ornyn qūruǧa mümkındık bermek.
«Osy jyldyŋ soŋynda «Äbu-Dabi Plaza» köpfunksionaldy tūrǧyn üi keşenınıŋ ekınşı blogy qūrylysyn aiaqtau josparlanuda. Būl – ekı qabatty sauda ortalyǧy men on tört qabatty qonaq üi. Joba 1 myŋ tūraqty jūmys ornyn qūru äleuetıne ie. Jalpy keşendı 2020 jyldyŋ mamyrynda paidalanuǧa beru josparlanyp otyr» dedı basqarma basşysynyŋ orynbasary.
