Otyz jyldyǧyn toilap otyrǧan «Astana aqşamyn» būrynnan bılemın dei almaimyn, 1997 jyly ūly köşpen bırge elordaǧa qonys audardym, sodan tanyspyn. Mıne, odan berı bıraz jyldar öttı. Osy aralyqta astananyŋ ırgetasy qalanyp, köz tartar, äsem şaharǧa ainaldy.
Qalada jyl saiyn qanşama oqiǧalar, auqymdy ıs-şaralar ūiymdastyryldy, sonyŋ bärı basylym betınde aişyqty körınıs tapty. Şyndyǧyn aitqanda, «Astana aqşamy» – elordanyŋ şejıreşısı. Basylymnan qalanyŋ ǧana emes, ükımet pen parlamenttıŋ de jaŋalyqtaryn üzbei oqimyn. Alǧaşqy jyldary gazettıŋ tirajy az sekıldı edı, qazır äjeptäuır köbeigen. Oqyrmandar sany astanamen ǧana şektelmeidı. Aimaqtarda da jazylǧandar bar ekenın bılemın, ony közımmen kördım. Gazet būdan ärı şirap jūmys ıstese, oblystardaǧy jazyluşylar sany ūlǧaiyp, bükıl respublikaǧa taraityn mümkındıgı jetedı. Basylymǧa basşylyq jasaǧan redaktorlardy da tanimyn, bärı – qalamy qarymdy jurnalister.
Gazet jūmysy maǧan jaqsy tanys, özım de merzımdı baspasözde bıraz jyl qyzmet ettım. Ol kezdegı baspasöz ben jurnalisterge qoiylar talap, mındet basqaşa boldy. Bügıngı uaqyt, talap mülde bölek. Qazır ūşqyr uaqytqa iek artqan kezeŋ, sondyqtan aqparattyŋ aiy oŋynan tuyp tūr.
Alaida är nömırdıŋ negızgı maqalasy, iaǧni qaǧylǧan şegesı bolady. Gazettıŋ är sanynda bır problemalyq maqala, ne bolmasa, būryn el estımegen sensasiialyq baǧyttaǧy material jaryq köru kerek. Qalaida bır jaŋalyqtyŋ lebı baiqalsa, gazet oqylymdy düniege ainalady. Äitpese, būrynǧy joldy şiyrlap, jergılıktı aqparatty maldanyp otyra berudı – uaqyt ta, oqyrman da kötermeidı.
Ötken ǧasyr basyndaǧy alaş ardaqtysy Ahmet Baitūrsynūlynyŋ «Gazet – halyqtyŋ közı, qūlaǧy häm tılı» dep aitqan bır auyz sözı qazır de maŋyzdylyǧyn joiǧan emes, qaita jyldar ötken saiyn qūndylyǧy artyp barady. Özım oqyrman retınde ertemen gazettı bır şolyp şyqpai, köŋılım könşımeidı.
Sondyqtan el basylymdary ışınde öz joly, baǧyty, mänerı bar «Astana aqşamy» respublikalyq qoǧamdyq-saiasi gazetınıŋ otyz jyldyq mereitoiymen barlyq ūjymdy qūttyqtap, amandyq, şyǧarmaşylyq tabys tıleimın!
Änes SARAI,
jazuşy, Memlekettık
syilyqtyŋ laureaty
