Elordasy – Nūr-Sūltan qalasynda şaǧyn jäne orta biznestı damytuǧa jan-jaqty qoldau körsetılıp keledı. Bügıngı taŋda elordanyŋ şaǧyn jäne orta käsıpkerlık salasy qaladaǧy öŋırlık jalpy önımnıŋ 66,9 paiyzyn qamtamasyz etedı. Būl sektorda ekonomikalyq jaǧynan belsendı azamattardyŋ 68 paiyzy jūmys ısteidı. Käsıpkerlık örkendegen jerde berekenıŋ esıgı aşylatynyn eskergen qala basşylyǧy osy baǧytta bırqatar tiımdı jobalardy jüzege asyryp otyr.
Nūr-Sūltan qalasynyŋ äkımı Altai Kölgınov käsıpkerlermen «Aşyq mikrofon» formatynda kezdesu ötkızdı. Jiynda äkımşılık kedergılerdı qysqartu, qūrylys salasyn damytu, qalanyŋ dizain-kody, jer uchaskelerı men injenerlık jelıler, jobalardy qarjylandyru jäne taǧy basqa özektı mäselelerge qatysty käsıpkerlerdı tolǧandyrǧan barlyq saualdarǧa jauap berıldı.
Kezdesuge «Atameken» ŪKP, qalanyŋ qūqyq qorǧau jäne qadaǧalau organdarynyŋ, salalyq qauymdastyqtardyŋ, advokattyq zaŋ qauymdastyǧynyŋ basşylyǧy, käsıpkerler qatysty.
«Qala ekonomikasynyŋ negızın şaǧyn jäne orta biznes qūraidy. Elordada türlı sektorlar boiynşa jūmyldyrylǧan jäne 500 myŋǧa juyq qala tūrǧyny jūmys ısteitın 180 myŋǧa juyq biznes subektısı bar. Tūrǧyndar olardyŋ qyzmetın kün saiyn paidalanady. Olardyŋ arasynda qoǧamdyq tamaqtanu, tūrmystyq qyzmet körsetu, sol siiaqty qūrylys, medisina, bılım beru salalary jäne taǧy basqalar bar. Sol sebeptı elordanyŋ biznes ahualyn odan ärı jaqsartu tetıkterı asa maŋyzdy» dedı jiynda qala basşysy.
Altai Kölgınov Memleket basşysynyŋ şaǧyn jäne orta biznestı damytu üşın tiıstı jaǧdai jasauǧa jäne qala men eldı damytuǧa jeke investisiialar tartuǧa erekşe köŋıl böletının atap öttı. «Äkımdık tarapynan biznes ökılderıne jüielı qoldau körsetu üşın bırqatar ıs-şaralardy jüzege asyrdyq. Biznestı, äsırese şaǧyn jäne orta käsıpkerlıktı qoldaudyŋ aituly tetıkterınıŋ bırı – «Astana ÄKK» AQ qyzmetı bolyp sanalady. Äleumettık-käsıpkerlık korporasiia käsıpkerlerge biurokratiialyq kedergısız jer uchaskelerın, arnaiy ekonomikalyq aimaq aumaǧynda «Astana Invest» jäne industriialyq park arqyly jeŋıldıktı preferensiialar beruge mümkındık beredı. Būl şaralar daǧdarys kezeŋınde erekşe jäne maŋyzdy röl atqardy» dedı äkım.
Sondai-aq qala basşysy ärtürlı baǧdarlamalar arqyly granttar men jeŋıldetılgen nesieler berıletının tılge tiek ettı. «Mäselen, biyl jaŋa biznes-ideialardy ıske asyru üşın 130-dan asa grant berıldı, būl ötken jylmen salystyrǧanda 2 esege köp. Şaǧyn jäne orta biznes nysandaryna injenerlık jelıler jürgızu boiynşa qoldau körsetemız, biznes şyǧyndaryn azaitu jäne qoldau üşın qajettı infraqūrylym jasaimyz. Bügınde «iQala» qalalyq qyzmetter ortalyǧy, investorlarǧa arnalǧan «Astana Invest» front-keŋsesı jäne taǧy basqalar tabysty jūmys ısteude» dep atap öttı elorda äkımı.
