Em de, jyly söz de kerek
Astana qalasynyŋ äkımı Äset İsekeşevtıŋ halyq aldynda esep beru kezdesuınde ärtürlı şaǧymdar aitylǧany köpşılıkke belgılı. Mysaly, elorda tūrǧyny №2 qalalyq auruhananyŋ därıgerlerı dūrys qyzmet körsetpeitındıgı turaly mäsele kötergen bolatyn. Al auruhana basşylyǧy özderınıŋ jüielı jūmys jasap jatqandyqtaryn, alaida kei kezderı «ättegen-ai» deitın sätter bolatynyn jasyrmaidy.
Qalalyq №2 auruhana 2009 jyly aşylǧan bolatyn. 360 orynǧa arnalǧan köp salaly stasionardyŋ 205-ı – hirurgiialyq, al 155-ı terapevtık sala boiynşa qyzmet körsetedı. Stasionardyŋ negızgı maqsaty – keşendı mamandandyrylǧan medisinalyq kömek körsetu. Auruhananyŋ qūrylymynda 28 emdeu-diagnostikalyq bölımder jasaqtalǧan.Atap aitqanda, mūnda terapevtık, kardiologiialyq, revmatologiialyq, nevrologiialyq auruǧa şaldyqqan adamdar jatqyzylady.
Köz mikrohirurgiiasy bölımşesınıŋ oftalmolog-därıgerı Nursaid Iаsyzovtyŋ aituynşa, auruhanada emdeluşılerge jan-jaqty kömek körsetıledı. Sebebı ol nauqastarǧa kömek körsetuge auruhanada barlyq jaǧdai jasalǧan degen pıkırde.
– Bızdıŋ auruhanada josparly türde barlyq qyzmet türı körsetılıp jatyr. Al halyq arasynda aitylyp jatqan syni pıkırler ärqaşanda bolady. Öitkenı qanşa adam bolsa, sonşa pıkır bolatyny köpşılıkke mälım. Bıraq bız bügınge deiın öz ısımızge berılıp, barynşa halyqqa qyzmet körsetıp jatyrmyz. Sondyqtan da nauqastar tarapynan bızdıŋ bölımşege aryz-şaǧymdar aitylǧan emes, – deidı oftalmolog-därıger.
Ärine, därıgerlerdıŋ öz jūmysyna şaŋ juytpai, aqtaluy – köpşılıkke tüsınıktı dünie. Alaida osy auruhanadan em alyp jatqan azamattar qandai pıkırde? Mäselen, därıgerlerdıŋ şeberlıgıne juyrda közıne ota jasatqan Jaqsylyq Äbdenov dän riza bolyp otyr. Sebebı ol kürdelı otany därıgerlerdıŋ şeberlıgınıŋ arqasynda op-oŋai eŋserıp şyqqanyn aitady.
– Adam bolǧannan keiın basymyz auyryp, baltyrymyz syzdamai tūrmaidy ǧoi. Jaqynda №2 qalalyq auruhanasynda jatyp, arnaiy em alyp şyqtym. Naqtyraq aitsam, atalǧan auruhananyŋ oftalmologiia bölımınıŋ därıgerlerı közıme ota jasady. Därıgerlerdıŋ öz ısıne berılgen asa bılıktı maman bolyp şyqqanyna qatty riza boldym. Sebebı köz emdep, oǧan ota jasau – ekınıŋ bırınıŋ qolynan kele bermeitın kürdelı jūmys. Maǧan ota jasaǧan Nursaid Abdullaūly öz ısınıŋ naǧyz mamany bolyp şyqty, – deidı Jaqsylyq Äbdenov.
Sondai-aq, ol därıgerdıŋ em-domynan bölek, olardyŋ jyly sözı adamǧa küş-quat beretının aitady. Al atalǧan auruhananyŋ därıgerlerı janǧa jylu syilau arqyly emdeluşılerge erekşe qyzmet körsetıp otyr.
Serık QŪDAIBERGENŪLY