№4 qalalyq emhanaǧa angiografiiasy bar jaŋa kompiuterlık tomografiia apparaty alyndy. Kardiopaketı bar zamanaui jabdyq jürek-qan tamyrlary jüiesıne tolyq diagnostika jürgızuge mümkındık beredı.
Kardio kompiuterlık tomografiianyŋ artyqşylyǧy – invaziialyq emes ädıster arqyly jürek-qan tamyrlary aurularyn anyqtau mümkındıgı.
– Pandemiia diagnostikalyq jabdyqtar medisina qyzmetkerlerınıŋ jūmysyn jeŋıldetıp, aurulardy anyqtauda kömekşı qūral ekenın körsettı, ol medisinalyq kömek körsetu sapasyn jaqsartady. Sonymen bailanysty qala äkımdıgı jäne Qoǧamdyq densaulyq saqtau basqarmasy bırlese osyndai joǧary tehnologiialy apparatpen tek qala auruhanalaryn ǧana emes, bastapqy medisinalyq-sanitarlyq kömek ūiymdaryn jabdyqtauǧa şeşım qabyldady. Qalalyqtardyŋ jailylyǧy üşın qalanyŋ barlyq audandaryndaǧy medisina mekemelerıne alyp berudı josparlap otyrmyz, – dedı Qoǧamdyq densaulyq saqtau basqarmasynyŋ basşysy Timur Mūratov emhanany aralau barysynda.
Jaŋa KT apparat arqyly diagnostikadan tegın medisinalyq kömektıŋ kepıldendırılgen kölemı şeŋberınde jäne tek qana därıgerdıŋ joldauymen elorda tūrǧyndary tegın öte alady. Qalalyqtarǧa yŋǧaily bolu üşın atalǧan jabdyqpen diagnostikalau üşın emhanada basty kıreberısten basqa jaǧynan esık aşylǧan. Basqarma ökılderınıŋ mälımetınşe, taǧy osyndai 3 KT apparat alynbaq, olardyŋ ekeuı qala emhanalaryna, bıreuı auruhanaǧa berıledı. Byltyr qala boiynşa osyndai ekı jabdyq satyp alynǧan edı. Sonymen qatar būǧan deiın fliuorografiialyq tekseru boiynşa 2 sifrly jyljymaly keşen, 6 rentgen apparaty, 2 KT-ǧa qol jetkızılgen bolatyn.
