Jyl saiyn qyrküiektıŋ ortasynan bastalyp, ekı aiǧa sozylatyn emhanalarǧa tırkelu nauqany bastaldy.
Būl şara elımızdıŋ tūrǧylyqty azamattary men şeteldıkterdı, sonymen bırge azamattyǧy joq tūlǧalardyŋ da qalaǧan emhanany taŋdap, tırkeluge mümkındık beredı. Aldyŋǧy jylǧy tırkeu nauqanynyŋ qorytyndysy boiynşa 1 milliondai adam emhanaǧa tırkelıptı. Astana qalasy boiynşa bastapqy medisinalyq-sanitarlyq kömek körsetetın 44 densaulyq saqtau ūiymy tūrǧyndardy tırkeuge daiyn. Medisinalyq qyzmettı jetkızuşılerdıŋ 16-synyŋ memlekettık-jekemenşık formasy bar, 15-ı – memlekettık jäne jekemenşık ärıptestık mekeme. Qala medisinalyq qyzmet körsetu boiynşa 556 uchaskelerge bölıngen.
Emhanalarǧa tırkelu üşın azamattar taŋdap alǧan medisina ūiymyna tıkelei baryp, elektrondy ükımet portaly arqyly onlain rejimde jäne Halyqqa qyzmet körsetu ortalyqtary arqyly tırkele alady. Emhana arqyly tırkelu üşın jeke kuälıgıŋızdı alyp, bas därıgerdıŋ atyna ötınış jazasyz. Onlain rejimde tırkelu üşın jüiege kırıp, elektrondy ötınımdı toltyrasyz. Al HQKO arqyly tırkelu üşın Connection Points bölımınıŋ qyzmetın qoldana alasyz. Emhanaǧa tırkeler aldynda otbasylyq qyzmet körsetu jäne medisinalyq-sanitarlyq kömektıŋ qoljetımdılıgın eskerıp, üiıŋızge jaqyn emhanany taŋdaǧan jön. Būl därıgerdıŋ jedel kömek körsetuıne mümkındık beredı.
