Nauqas pen därıgerdıŋ altyn uaqytyn alyp, jüikesıne de salmaq tüsıretın qaptaǧan qaǧazbastylyqtan arylu jūmystary 1 şıldeden bastaldy. Iаǧni Astana emhanalarynda emdeluşınıŋ elektrondy qūjaty ıske qosyluda. Endı qaǧaz türındegı ambulatorlyq kartaŋyz qaida qalsa da qapalanbaŋyz, öitkenı aldaǧy uaqytta onyŋ qajetı bolmaidy.
Astana qalasy Qoǧamdyq densaulyq saqtau basqarmasynyŋ basşysy Kamaljan Nadyrov №10 qalalyq emhanada ötken keŋeste medisina salasyndaǧy qaptaǧan qaǧaz toltyrudyŋ qajettılıgı bolmaitynyn aityp, därıgerlerdı quantty. Aituynşa, emdeluşı basqa därıgerge körınetın bolsa, nauqas turaly barlyq derekter aqparattyq bazada körınıp tūrady. 1 şıldeden bastalǧan būl joba aiasynda tūrǧyndardyŋ 93 paiyzyn elektrondy densaulyq qūjatymen qamtamasyz etu közdelgen. Būl rette «Smart Astana» qosymşasy turaly da aita ketken jön. Bügınde kün saiyn atalmyş qosymşany 24 myŋ adam paidalanady. Qala tūrǧyndary men qonaqtary üşın 60-qa juyq qyzmet türı osy qosymşaǧa toptastyrylǧan. Onyŋ ışınde «Därıgerdı üige şaqyrtu» sekıldı medisinalyq qyzmet türın keŋınen paidalanuşylar legı artyp keledı.
Syrtyŋyzdan tırkep jıbermesın…
Jiynda taǧy bır köterılgen mäsele – tırkeu jüiesı. Bügınde keibır azamattardyŋ erkınen tys basqa emhanalardyŋ emdeluşısı bolyp ketıp jatqany turaly derekter jiı kezdesedı. Osyǧan bailanysty Densaulyq saqtau ministrı Eljan Bırtanov emhanaǧa tırkeludı Halyqqa qyzmet körsetu ortalyqtary arqyly jürgızudı ūsyndy. Onyŋ aituynşa, bır jyldary elektrondy tırkeu jüiesı ıske qosylǧanda barlyq azamattardy jappai tırkei beru bastaldy. Ministrdıŋ özın elordada bes jyl tūrǧanyna qaramastan, basqa oblysqa tırkep jıbergen. Eger basqa öŋırge tırkeletın bolsaŋyz, biudjetten bölıngen qarjy sol aimaqqa audarylady.
«Sondyqtan tırkeudı mındettı türde jeke basyn kuälandyryp, Halyqqa qyzmet körsetu ortalyǧy arqyly jüzege asyrudy ūsynyp otyrmyz. Öitkenı tekseru kezınde qoldan jasalǧan jeke kuälıkter anyqtaldy. Tūrǧyndar elektrondy sifrly qoltaŋba arqyly nemese Halyqqa qyzmet körsetu ortalyǧyna özı baryp tırkelgen jön. Osylaişa, būl salada tärtıp ornatatyn bolamyz» deidı Eljan Bırtanov.
Jelge ūşqan 25 million
«Astana – adaldyq alaŋy» aiasynda söz alǧan joba jetekşısı Jazira Jylqyşieva memlekettık organdardyŋ aqparattyq bazalaryn säikestendıru boiynşa atqarylǧan jūmystarǧa toqtaldy. Ol atalmyş bazanyŋ integrasiialanuy arqasynda äleumettık qorǧau salasyndaǧy barlyq memlekettık qyzmet türın sapaly aluǧa mümkındık berılgenın aitady. Sondai-aq, joba keŋsesı Qoǧamdyq densaulyq saqtau basqarmasymen bırlesıp, №10 qalalyq emhanaǧa modernizasiia jūmystaryn jürgızgen. Seminar barysynda Astana qalasynyŋ äkımı Äset İsekeşev, Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ töraǧasy Alik Şpekbaev jäne Densaulyq saqtau ministrı Eljan Bırtanov zamanaui ülgıde jasaqtalǧan emhana jūmysymen keŋırek tanysty.
Densaulyq saqtau salasyn jaŋǧyrtudyŋ tiımdı joly, eŋ aldymen, jalǧan qūjat jasauşylarǧa toqtau bolatynyn eskergen jön. Sebebı internettegı habarlandyru arqyly medisinalyq anyqtamanyŋ nebır türın satyp aluǧa bolady. Osydan ekı ai būryn ǧana osyndai jalǧan medisinalyq qūjat jasaǧan toptyŋ ūstalǧany belgılı. Olardy tıntu kezınde 086 ülgısındegı medisinalyq anyqtamanyŋ 200-den astam blankılerı, 190-ǧa juyq sanitarlyq kıtapşa, medisinalyq mekemeler men därıgerlerdıŋ 80-nen astam mörı, medisinalyq analiz nätijelerı, fliuorografiialyq suretter, medisinalyq diagnozdar jazylǧan kıtapşa jäne taǧy basqa zattar tabylǧan.
«Osylaişa, tırkelgen bır derek boiynşa elordalyq emhanalar 25 million teŋgeden qaǧylyp otyr. Atalmyş qarajat emdeluşılerge arnalǧan qyzmet türın jaqsartuǧa nemese mekeme qyzmetkerlerıne syiaqy taǧaiyndauǧa jūmsalar ma edı…» deidı Jazira Jylqyşieva. Onyŋ aituynşa, atalmyş mäselenı keşendı şeşu üşın Densaulyq saqtau ministrlıgı men Eŋbek jäne halyqty äleumettık qorǧau ministrlıgıne ūsynys joldanǧan. Onda sanitarlyq kıtapşalardy, anyqtamalardy berudı avtomattandyru men şektık baǧa qūnyn belgıleu qarastyrylǧan.
Sonymen qatar, Jazira Jylqyşieva Eŋbek zaŋnamasyna da özgerıs engızu kerektıgın mälımdedı. Iаǧni jūmys beruşıge ūsynylǧan medisinalyq qūjattardyŋ aq-qarasyn anyqtau üşın jauapkerşılık jüktemek.
Esterıŋızge sala keteiık, aqpan aiynan bastap QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgı Astana qalasy äkımdıgımen bırlesıp «Astana – adaldyq alaŋy» jobasyn jüzege asyryp keledı.
Kerek keŋes
QYMBATYNA ŪRYNBAI, ARZANǦA ALUǦA BOLADY
Bas auyryp, baltyryŋ syzdasa, ärine, därıgerge jügınemız. Nege ekenın qaidam, soŋǧy kezde aq jeleŋdı abzal jandarymyz tek soŋǧy kezde şyqqan, baǧasy qymbat ataqty brendterdıŋ därısın jazyp beruge qūmar. Janyŋ auyryp tūrǧan soŋ qarsylaspai, aitqanyn satyp alamyz. Degenmen qymbat därı-därmektıŋ qymbatymen qūramy bırdei arzan balamalary bar ekenın eske salǧymyz keledı. Jäne baǧasynyŋ edäuır aiyrmasy baryna myna tızımnen köz jetkızuge bolady. Būl därılerdı qalanyŋ därıhanalarynan satyp aluǧa bolady:
1. Nurofen (880 teŋge) – İbuprofen (350 teŋge)
2. Mezim (690 teŋge) – Pankreatin (500 teŋge)
3. No-şpa (3750 teŋge) – Drotaverina gidrohlorid (70 teŋge)
4. Panadol (1400 teŋge) – Parasetamol (310 teŋge)
5. Belosalik (5800 teŋge) – Akriderm (660 teŋge)
6. Betaserk (2800 teŋge) – Betagistin (1000 teŋge)
7. Bystrumgel (1950 teŋge) – Ketoprofen (1000 teŋge)
8. Voltaren (2300 teŋge) – Diklofenak (650 teŋge)
9. Venarus (4800 teŋge) – Detraleks (3800 teŋge)
10. Difliukan (3700 teŋge) – Flukonazol (600 teŋge)
11. Zoviraks (1750 teŋge) – Asiklovir (805 teŋge)
12. İmmunal (1600 teŋge) – Ehinasei ekstrat (350 teŋge)
13. İmodium (2280 teŋge) – Loperamid (1000 teŋge)
14. Iodomarin (2280 teŋge) – Kaliia iodid (175 teŋge)
15. Kavinton (2280 teŋge) – Vinposetin (450 teŋge)
16. Klaritin (2100 teŋge) – Lorageksal (880 teŋge)
17. Klasid (4700 teŋge) – Klaritromisin (1500 teŋge)
18. Lazolvan (1700 teŋge) – Ambroksol (600 teŋge)
19. Lamizil (3200 teŋge) – Terbinafiin (1000 teŋge)
20. Lioton (3500 teŋge) – Geparin-akrigel (600 teŋge)
21. Lomilan (1700 teŋge) – Lorageksal (880 teŋge)
