Oquşylar saraiynda QR Eŋbek jäne halyqty äleumettık qorǧau vise-ministrı Nūrjan Ältaev pen qala äkımınıŋ orynbasary Malika Bektūrova tülektermen kezdesıp, bılım granttaryna kımder ılıge alatynyn, eŋbek naryǧynda qandai mamandar sūranysqa sai ekenın aityp berdı.
Vise-ministr AQŞ-tyŋ Boston qalasynda tolyqtai robottalǧan meiramhanany mysalǧa keltırıp, eŋbek naryǧy aituly özgerısterge ūşyraǧanyn alǧa tartty. «Būryndary tanymal bolǧan mamandyqtarǧa sūranys azaiyp, keibıreulerı müldem joiylyp kettı. Onyŋ ornyn ämbebap mamandar basty. Mäselen, mūrja tazalauşy degen mamandyqty tek ertegılerde kezdestıresız» degen Nūrjan Ältaev tehnologiianyŋ qaryştap damyp kele jatqanyn söz ettı. «Bırneşe jyl boiy köbısı zaŋger boluǧa ūmtylatyn. Al qazır onyŋ qajettılıgı tömendedı. Aitalyq, Reseidıŋ «Sberbankı» tolyǧymen korporativtık zaŋgerlerden bas tartty. Sebebı bankte zaŋger siiaqty kez kelgen normativtı-qūqyqtyq qūjatty tez tauyp beretın kompiuterlık baǧdarlama ornatylǧan» dedı ol.
Būl pıkırdı äkım orynbasary Malika Bektūrova qostady. Onyŋ aituynşa, kez kelgen mamandyqqa «web» degen qosymşany jalǧasaq, zamanaui talapqa sai maman iesı atanuǧa bolady. Ol «Kartograftyŋ jūmysyn mysalǧa alaiyqşy. Bügınde barlyq kartalar Digital-formatynda jasalady. Yandex-kartalar, Google-kartalar sözıme dälel. Kartograf bolǧysy keletınder veb-kartograf boluǧa ūmtyluy tiıs. Uaqyt talabyn eskerıp, äkımdık memlekettık tapsyrysqa osyndai özgerıster engızdı» dep jaŋalyqpen bölıstı.
Biylǧy oqu jylynan bastap qala äkımdıgı elordalyq joǧary oqu oryndary men tehnikumdarǧa berıletın granttar tızımın özgertkenı ras.
– Äkımdık äzırlegen qoljetımdı bılım baǧdarlamasy turaly baiandap bergım keledı. Būl jaily 31 mamyr künı şahar basşysy Äset İsekeşev «Ruhani jaŋǧyru» baǧdarlamasy aiasynda ötetın jiynda keŋırek aityp beredı. Äkımdıkte Eŋbek jäne äleumettık qorǧau ministrlıgındegıdei eŋbek naryǧyn zertteitın
institut joq. Degenmen tendensiialardy auqymdy mälımetterdı sūryptai alatyn «BIG DATA» jobasy arqyly anyqtauǧa mümkındıgımız bar. Taldau nätijesı joǧary oqu oryndary men özge bılım ordalaryn bıtırıp şyqqan mamandar eŋbek naryǧynyŋ sūranysyna sai kelmeitının körsettı, – dedı Malika Bektūrova.
«Negızınde, OLX pen hh.kz saittarynda ūsynylatyn bos jūmys oryndaryn qarap otyrsaq, mamandarǧa būl zamanda eskırgen talaptar qoiylady. Sol sebeptı memlekettık tapsyrystar tızımı tüzetılıp, biyl jergılıktı biudjettıŋ esebınen keŋeitıldı. Qosymşa 1102 grant zamanaui mamandyqtarǧa bölınedı» dep jariia etken äkım orynbasary qai käsıpke basymdylyq berıletınıne toqtaldy. – Tehnikumdar men TjKB ūiymdarynda granttardyŋ sany 4547-ge köbeidı. Tehnikumǧa tüskısı keletın, bolmasa 9-synyptan keiın maman iesı atanǧysy keletınder bızdıŋ memlekettık tapsyrystar boiynşa grant jeŋıp ala alady. Taldau nätijesınde tızımnen kassir jūmysyn alyp tastadyq. Öitkenı kez kelgen supermarketke jūmysqa ornalassaŋyz, kassirge qajettı daǧdyny 20 minuttyŋ ışınde üirenuge bolady, – deidı ol.
Jiynǧa kelgen jetkınşekter IT-tehnologiialarǧa bailanysty jaŋa jūmys oryndary paida bolyp jatqanyn ūǧyndy. 2025 jylǧa qarai turizm, bılım beru, sauda-sattyq, kölık jäne logistika salalarynda avtomattandyrylǧan jüie engızılıp, 900 myŋnan astam jūmys orny aşylady degen boljam bar. Sebebı elımızde «Sifrly Qazaqstan» baǧdarlamasy asa qarqynmen jüzege asyryluda.
