Jyl basynan berı qaladaǧy qūrylys alaŋdarynda 49 qaiǧyly oqiǧa oryn alǧan. Onyŋ saldarynan 34 adam auyr jaraqat alsa, 18-ı qaitys bolǧan. Ötken jylmen salystyrǧanda, qaiǧyly oqiǧalardyŋ sany 30 paiyzǧa deiın qysqarǧanyn alǧa tartsaq ta, qūrylys nysandarynda eŋbek qauıpsızdıgın tolyq qamtamasyz etu mümkın bolmai otyr.
sy jyldyŋ qaŋtarynan bastap eŋbektı qorǧau jäne qauıpsızdık şaralaryn saqtamaǧan 24 nysannyŋ jūmysy toqtatylyp, ısı sotqa berılgen. Käsıporyn basşylary öz qaramaǧyndaǧy jūmyskerlerdı der kezınde qauıpsızdık şaralaryn saqtau boiynşa daiarlyqtan ötkızbegen. Arnaiy kiım men türlı qorǧanys qūraldarymen qamtamasyz etpegen. Jūmysty talapqa sai ūiymdastyrmaǧannyŋ saldarynan mūndai oqys oqiǧalar jiı qaitalanuda. Basty merdıgerlerdıŋ mausymdyq jūmystarǧa memlekettık lisenziiasy joq, qūrylys-montajdau ısıne qūqyqtyq qūjattary räsımdelmegen brigadalardy köptep tartuy jaǧdaidy tıpten şielenıstıre tüsken. Ädette, olar käsıbi bılıktılıgı tömen, tiıstı daiyndyqtan ötpegen täjıribesız jandardy uaqytşa jūmysqa asyǧys qabyldap jatady. Sol sebeptı qūrylys mekemelerınde tūraqty eŋbek ūjymy qalyptaspai, şyǧasyǧa basşy bolatyn iesın de tappai qalatyn jaǧdailar az kezdespeidı. Onyŋ jūmys sapasyna äserın aitpaǧannyŋ özınde, qoǧamdaǧy äleumettık jaǧdaiǧa da kerı yqpaly köp.
Eŋbek inspeksiiasy boiynşa basqarmanyŋ mındetı – qūrylys nysandarynda eŋbek zaŋdylyqtarynyŋ talaptaryn qadaǧalau, eŋbek qorǧau şaralaryn jetıldıru. Eseptı kezeŋde Basqarma inspektorlary ırı qūrylys kompaniialarynda bolyp, eŋbekşılermen 129 kezdesu ötkızgen eken. Alty myŋǧa juyq qūrylysşylardy qamtyǧan mūndai jiyndarda negızınen eŋbek qorǧau jäne qauıpsızdık şaralary boiynşa qoldanystaǧy zaŋdylyqtar tüsındırılgen. Özektı mäseleler qūrylys kompaniialary men öndırıs mekemelerınıŋ jauapty basşylarymen qatar, müddelı memlekettık organdary ökılderımen bırge talqylanǧan. Sondai-aq, jalaqy töleu, zaŋsyz jūmystan şyǧaru, eŋbek demalysyn uaqytyly bermeu, şeteldık jūmysşylardy zaŋsyz qabyldau, eŋbekkerlerdıŋ qūqyqtaryn qorǧau – basqarma qyzmetkerlerınıŋ basty mındetı. Jyl basynan berı jeke jäne zaŋdy tūlǧalardyŋ üş myŋǧa tarta aryz-şaǧymy qaralyp, myŋǧa juyq adamǧa keŋes berılgen.
Aigül UAISOVA
