Elorda äkımı Altai Kölgınov pen QR Käsıpodaqtar federasiiasynyŋ töraǧasy Eraly Toǧjanov jūmyskerlerdıŋ eŋbek jaǧdaiyn jaqsartu, jūmys oryndaryndaǧy jaraqattanudy azaitu jäne qala käsıporyndarynda ūjymdyq şarttar jasau boiynşa Jol kartasyna qol qoidy.
Bırlesken ıs-qimyl jospary jūmys beruşınıŋ, qyzmetkerdıŋ jäne qala äkımşılıgınıŋ özara jauapkerşılıgın arttyruǧa, qyzmetkerlerdıŋ äleumettık-ekonomikalyq qūqyqtaryn qorǧau jönındegı şaralardy küşeituge, salauatty jūmys küşın qalyptastyruǧa baǧyttalǧan. Qala äkımı Altai Kölgınov elordada 50 myŋ käsıporyn tırkelgendıgın, onda 480 myŋ qyzmetker jūmys ısteitındıgın aitty. Osy jyldyŋ ışınde jasalǧan eŋbek şarttarynyŋ sany 4 myŋnan 7 myŋǧa deiın, ekı ese artqan.
«Bız üşın eŋ bastysy – qyzmetkerlerdıŋ müddelerı men qūqyqtaryn qorǧau, qauıpsızdık tehnikasy erejelerın saqtau. Ūjymdyq şarttar öndırıstık jaraqattar sanyn azaituǧa mümkındık berdı, ölım-jıtım jaǧdailary 3 esege tömendedı. Sondai-aq «GLB» JŞS jalaqy boiynşa 400 mln teŋgeden astam qaryzyn ötedı. Onda 700-den astam adam eŋbek etedı. Jol kartasynyŋ arqasynda 2020 jyly ırı jäne orta käsıporyndar qyzmetkerlerın 100% ūjymdyq kelısımmen qamtamasyz etudı josparlap otyrmyz, şaǧyn ūiymdarda körsetkıştı 50%-ǧa deiın jetkızemız» dedı Altai Kölgınov.
