Er esımı – el esınde

Aldaǧy jyldyŋ 15 aqpan künı keŋes äskerınıŋ Auǧanstannan şyqqanyna 30 jyl bolady. Osyǧan orai Qazaqstan Respublikasynyŋ Ükımetı Auǧanstan soǧysyna qatysqan jauynger-internasionalisterge tiıstı qūrmet körsetudı, aituly kündı atap ötu jönınde şeşım qabyldady.

Auǧanstan soǧysynda qaza tap­qan qazaqstandyq jauyngerlerge taǧzym etu jäne bügınde beibıt ömırde jürgen ardager azamattarǧa qūrmet bıldıru ısın üilestıru Parlament deputaty, jauynger-internasionalist Baqytbek Smaǧūl jetekşılık etetın Auǧanstan so­ǧysy ardagerlerı ūiymdarynyŋ «Qazaqstan ardagerlerı» qauymdas­tyǧyna jükteldı. Bügıngı taŋda res­publika boiynşa türlı pat­riottyq şaralar bastalyp kettı.
Astana qalasynyŋ «Auǧanstan soǧysy mügedekterı men arda­gerlerı odaǧy» qoǧamdyq bır­lestıgı elorda mektepterınde «Erlık sabaǧy» aksiiasyn bastady. Mäselen, qaladaǧy №1, №7 jäne №15 mektepterde oquşylarmen kezdesuler ūiymdastyryldy. Būl mektepterde oqyp, äskerge attanǧan, keiınnen Auǧanstan soǧysynda bolyp, qaza tapqan Ädıl Dauletbaev, Aleksandr Haliavka, Vladimir Kim, Vasilii Nesterov, Anatolii Kaiukin, Fanus Adilov, Aleksandr Şans syndy jauyngerlerge estelık taqtalary ornatylǧan. Aldaǧy uaqytta basqa mektepterde de osyndai şaralar jalǧaspaq.
– Auǧanstan soǧysyna qatysqan 17 astanalyq jauynger erlıkpen qaza tapqan bolatyn. Osy aza­mattardyŋ otbasylaryna qoldau körsetu jäne sol maidanger dos­tardyŋ esımın eske aluǧa ar­nalǧan şaralar ūiymdastyru – bızdıŋ ūiymnyŋ basymdy maqsattarynyŋ bırı. Sondyqtan osy baǧytta äskeri-patriottyq jūmystardy bastap kettık. Sonymen qatar qaza bolǧandardyŋ ata-analaryna kömek körsetu jos­parlanyp otyr, – deidı Astana qalasynyŋ «Auǧanstan soǧysy mügedekterı men ardagerlerı odaǧy» QB töraǧasy Serık Kenjebekov.