QR Parlamentı Senatynyŋ deputaty Aqylbek Kürışbaev «Janūia» otbasy institutyn qoldau ortalyǧynda erekşe qajettılıgı bar balalar mäselelerı boiynşa ūiym ökılderımen kezdesu ötkızdı. Jiynǧa qalalyq Işkı saiasat basqarmasynyŋ basşysy Däuren Babamūratov jäne Nūr-Sūltan qalasy Jūmyspen qamtu jäne äleumettık qorǧau basqarmasynyŋ basşysy Säule Nūrǧojina da qatysty.
Senatorlardyŋ aimaqtarǧa şyǧyp, halyqpen kezdesudı bastaǧanyn mälımdegen A.Kürışbaev elordada aldymen erekşe qajettılıgı bar balalar mäselelerıne nazar audarǧandy jön körgen. Onyŋ aituynşa, qazırgı taŋda bas qalada osyndai bes jarym myŋ bala bar. Olardyŋ bılım aluy jäne tūrǧyn üimen qamtyluy – qazırgı taŋda eŋ özektı mäsele. Kezdesuge qatysuşylardyŋ bırı «Strong mothers» QQ basşysy Raigül Serıkbaeva 5-6 balaly otbasylardyŋ JOO-da aqyly bılım alatyn 2 balasy bolsa, sonyŋ bıreuıne bolsa da grant alyp beru turaly ūsynys aitty.
– Olarǧa arnaiy kömek kerek, memleket būǧan nazar audaruy qajet. Köptegen mäseleler köterıldı, sonyŋ ışınde olardyŋ tūrǧyn üimen qamtyluy, orta käsıptık nemese joǧary bılım aluy boiynşa zaŋdar özgerıster engızudı qajet etedı. Mūndai balalar mektepte oqyǧanmen, köbıne kolledj, universitetterge oquǧa tüse almai qalady. Sebebı bılım beru oryndarynda olarǧa tehnikalyq jaǧdai jasalmaǧan, arnaiy pedagogtar da joqtyŋ qasy. Sol sebeptı köptegen daryndy balalar oquǧa tüsem dese de tüse almai jür. Elımızdıŋ bolaşaq azamaty retınde olar da mamandyq almasa, erteŋgı künde jaǧdaiy qalai bolady? Osy rette bız jüielı şeşımder qabyldauymyz qajet. Osy mäselelerdıŋ bırqataryn özıme türtıp aldym, olardyŋ keibırın būrynnan da köterıp jürmın, ärı qarai da şeşılgenşe jūmys jürgızemın, – dedı Senat deputaty.
Sonymen qatar būl kezdesude erekşe qajettılıgı bar balalardy tärbielep otyrǧan otbasylarǧa «Mügedek balasy bar nemese sondai bala tärbielep otyrǧan otbasy» märtebesın berıp, olarǧa zaŋdyq tūrǧyda bekıtılgen barlyq memlekettık jeŋıldıkterdı ūsynu, keiınnen satyp alu qūqyǧymen üi jalǧa beru mäselelerı söz boldy. Mügedek bala tärbielep otyrǧan otbasylardy bölek sanatqa jatqyzu qajettılıgı aityldy, sebebı qazırgı taŋda osyndai otbasylar baspana kezegınde on jyldap tūrady. 5 jyl boiy jergılıktı biudjet esebınen keiınnen satyp alu qūqyǧymen üi jaldau aqysyn töleu üşın tabysy eŋ tömengı künkörıs deŋgeiınen tömen otbasylarǧa ai saiyn 90 myŋ teŋge subsidiia bölu, ipotekalyq nesiesın töleuge tūrǧyn üi tölemderın öteu mehanizmderın jasap şyǧaru, balanyŋ diagnozy qandai bolǧanyna qaramastan ata-anasynyŋ bırın 50 jasta zeinetke şyǧaru mäselesı de köterıldı. Osyndai otbasylardaǧy ata-ananyŋ bırıne jalaqynyŋ eŋ tömengı mölşerınıŋ 19 paiyzy kölemınde zeinetaqy audarymyn töleu, mentaldy auytquşylyǧy bar balalardy oŋaltu boiynşa qyzmetter sanyn köbeitu, balalardy jalpy bılım beretın jüiege tartu üşın tiutorlar sanyn arttyru jaiy da qaraldy. Sondai-aq mentaldy auytquşylyǧy bar balalarmen jūmys jürgızetın mamandar daiyndauǧa grant sanyn köbeitu, memleket esebınen AVVA mamandaryn oqytu, autizmge şaldyqqan balalar üşın sanatoriialyq-kurorttyq emdeu joldaryn ūsynu, inva-taksi qyzmetın damytu, 2-toptaǧy mentaldy auytquşylyǧy bar balalardy 18 jasqa tolǧannan keiın kütıp, baptauǧa järdemaqy taǧaiyndau jaiy da nazardan tys qalmady.
