Erekşe mındetı bar emhana
2007 jyldan berı elorda tūrǧyndaryna qyzmet körsete bastaǧan Astana qalasy äkımdıgınıŋ №4 emhanasy bügınde myŋdaǧan adamnyŋ densaulyǧyn saqtau jolynda tyŋǧylyqty jūmys atqaryp otyrǧan mekeme sanalady.
Densaulyq saqtau salasynyŋ üzdıgı, täjıribelı därıger Serık Şaimerdenov basqaratyn atalmyş emhanada besıktegı baladan bastap, qartaiǧan ardager qauymyna alǧaşqy medisinalyq-sanitarlyq kömek beru, aurudyŋ aldyn aluǧa baǧyttalǧan diagnostikalyq jäne emdeu qyzmetterın jürgızu, tegın medisinalyq kömektıŋ kepıldı kölemı aiasynda mamandandyrylǧan em-dom qyzmetın körsetu jüzege asyrylyp otyr.
Atalmyş emhanada nauqas adamdardy emdeu qyzmetınıŋ sapasyn köteruge erekşe talap qoiylǧan. Astana qalasy äkımdıgınıŋ qoldauymen qazırgı zamanǧy medisinalyq qondyrǧylarmen, qūral-jabdyqtarmen qamtamasyz etılgen mekemede nauqastarǧa sapaly qyzmet körsetu üşın barlyq jaǧdai jasalǧan. Emhana ışındegı kündızgı stasionar qyzmetıne jügınuşıler qatarynyŋ jyldan-jylǧa arta tüsuın sol därıgerlerge degen senımnıŋ körsetkışı deuge bolady.
Medisinalyq qyzmet körsetu boiynşa Astana tūrǧyndarynyŋ jaqsy ıltipatyna bölenıp otyrǧan emhananyŋ bır aitarlyq erekşelıgı, mūnda 2014 jyldan berı ardagerler bölımı jūmys ısteidı. Astana qalasy äkımınıŋ tapsyrmasy boiynşa Ūly Otan soǧysyna qatysuşylar men olarǧa teŋestırılgen azamattarǧa ortalyqtandyrylǧan qyzmet körsetu maqsatynda qūrylǧan bölımde, şyn mänınde, erekşe emdeu qyzmetıne, mamandandyrylǧan kömekke mūqtaj adamdarǧa em-dom berılıp keledı. Olardyŋ qatarynda Ūly Otan soǧysyna qatysqan ardagerler, jauynger-internasionalister, Chernobyl apaty zardabyn joiuǧa qatysuşylar, Semei iadrolyq poligony qasıretın tartuşylar, soǧys kezındegı tyl eŋbekkerlerı, derbes zeinetkerler jäne basqa da jeŋıldık ielerı bar. Al mūndai kategoriiadaǧy azamattarǧa qyzmet körsetu airyqşa jauapkerşılıktı jäne bılıktılıktı talap etetını sözsız. Osy tūrǧyda 2500 adamǧa qyzmet körsetıp otyrǧan bölımdegı mamandarǧa ardager qauymnyŋ aitar alǧysy şeksız deuge bolady. Bölım meŋgeruşısı bolyp otyrǧan bılıktı därıger Svetlana Korolkova, aǧa meiırbike qyzmetın atqaratyn täjıribelı maman Güljainat Abdeşeva, därıgerler Gülnar Beisenbaeva, Gülsım Mauletbaeva, Daniiar Äbdıhadirov, medbikeler Äigerım Ormanova, Läzzat Hamidullina, Jansaia Sälımgereeva, Baqytjamal İmanberdı jäne basqalary ekı uchaskenıŋ jūmysyn jüielı üilestırıp, nauqastarǧa sapaly qyzmet körsetıp keledı.
– Soǧys ardagerlerı men Ükımet tarapynan jeŋıldıkter berılgen basqa da azamattarǧa qyzmet körsetıp otyrǧan №4 qalalyq emhana ūjymyna aitar alǧysymyz şeksız. Mūnda qaşan kelsek te, därıgerlerımız jyly jüzben qarsy alady. Qajet bolǧan jaǧdaida kündızgı stasionardan da em alamyz. Emhana basşysy Serık Şaimerdenov tek qana emdeu şaralaryna maŋyz berıp qoimai, osynda emdeletın ardager ūrpaqqa qūrmet bıldıru, sondai-aq, basqa da memlekettık jäne ūlttyq merekelerge arnalǧan şaralardy ūiymdastyrady. Būl da emdeluşıler üşın ülken äleumettık qoldau dese bolady, – deidı auǧan soǧysyna qatysuşy jauynger-internasionalist Sembek Qabiev.
İä, emdeu qyzmetınde osyndai erekşe mındetı bar emhanaǧa keluşılerdıŋ köŋıl küiı köp närsenı aŋǧartady. Būl rette №4 emhananyŋ qala tūrǧyndary tarapynan jaqsy sözge, igı qūrmetke bölenıp jürgenın taǧy da qaitalap aitqymyz keledı. Emhana ūjymynyŋ sapaly qyzmet körsetuge baǧyttalǧan jūmysy jemıstı bola bergei!
Ǧalym QOJABEKOV