Elordada osydan ekı jyl būryn «AST Astana» äleumettık tehnologiialyq bırlestıgınıŋ oŋaltu ortalyǧy aşylǧan bolatyn. Bügıngı künı ol 170-ke juyq erekşe qajettılıgı bar adamǧa qyzmet körsetedı.
«AST Astana» äleumettık tehnologiialyq qoǧamdyq bırlestıgınıŋ töraǧasy Jasūlan Jasanovtyŋ aituynşa, mūnda erekşe jandarǧa aqysyz qyzmetter körsetıledı. Olardyŋ qatarynda massaj, jattyǧu terapiiasy siiaqty maŋyzdy oŋaltu şaralary bar.
– Bızdıŋ ortalyqta dene saulyǧyn qalpyna keltıru boiynşa qyzmetter körsetumen qatar keluşılerdıŋ psihologiialyq jaǧdaiyn jaqsartu jūmystary jürgızıledı. Atap aitsaq, mūnda logoped, massajist, EDŞ nūsqauşysy kömek körsetedı. Ortalyqqa keluşıler fizioterapiia, art-terapiia kurstaryn jäne basqa da qyzmetterdı aqysyz alady. Sondai-aq bız manikiur, pedikiur, vizaj sekıldı äleumettık-tūrmystyq qyzmetter men qaiyrymdylyq kömekter körsete otyryp, mümkındıgı şekteulı adamdarǧa öz äleuetın jäne erteŋgı künge degen senımdılıgın joǧaltpauǧa mümkındık beremız, – dedı Jasūlan Jasanov.
Oŋaltu ortalyǧy memlekettık äleumettık tapsyrys boiynşa jūmys ısteidı. Mūnda ippoterapiia ädısı qolǧa alynǧan. Sondai-aq akupunktura, art-terapiia, muzykalyq terapiia kurstary bar. Onda qoly ikemge kelmeitın erekşe jandardyŋ keste tıguıne jäne suret saluyna da mümkındıkter qarastyrylǧan.
Ortalyq mamandary kömekke zäru jandardy qoldauǧa qaşanda daiyn. Äsırese, är nauqaspen jeke-jeke jūmys ısteitın logoped İndira Toqtamysqyzy, defektolog Anel Manatqyzy jäne reabilitolog därıger Viktoriia Ǧabdollaqyzyna keluşıler dän riza.
Qysqasy, ortalyqta erekşe qajettılıgı bar adamdar eşkımge täueldı bolmai, öz betınşe ömır süruge daǧdylanady.
