Astana qalasynda erıktıler men erıktıler ūiymdary üşın eŋ auqymdy jiyn – Halyqaralyq volonterler forumy öttı. Būl forumǧa älemnıŋ 34 memleketınen 140 halyqaralyq ūiym ökılderı men şeteldık qatysuşylar jinaldy. Halyqaralyq volonterler forumyna Memleket basşysy Qasym-Jomart Toqaev qatysty. Prezident öz sözınde memleket pen qoǧamnyŋ senımdı serıktestıgı maŋyzdy ekenın atap ötıp, erıktıler qoǧamda airyqşa röl atqaratynyn aitty.
– Qazaqstanda 2020 jyl erıktıler jyly boldy, bıraz şarua atqaryldy. Qazır elımızdegı volonterlık ūiymdar sany 3 ese östı, iaǧni 680 ūiym bar. Erıktılerdıŋ sany 200 myŋǧa jettı. Barlyq aimaqta front-ofister aşyldy. Onda myŋdaǧan volonter daiyndyqtan öttı. Qazvolunteer.kz platformasy jasaldy. Iаǧni, bügıngı taŋda Qazaqstanda kez kelgen adam erıktıler tobyna müşe bolyp, paidaly ıske öz ülesın qosa alady. Şyn mänınde, būl – zor mümkındık. Sondai-aq bızdıŋ volonterler İordaniia, Keniia, Tailand jäne Türkiia elderıne arnaiy baryp, täjıribe jinaqtady. Osy tūsta men Qazaqstan erıktılerıne qoldau körsetıp jürgen Bırıkken Ūlttar Ūiymynyŋ ökılderıne alǧys aitamyn, – dedı Qasym-Jomart Toqaev.
Prezident volonter bolu, eŋ aldymen, patriotizmnıŋ, iaǧni otanşyldyqtyŋ jarqyn körınısı dep sanaidy. Būl – adamgerşılık qūndylyqtaryn bärınen joǧary qoiatyn jandardyŋ ömır salty.
– Erıktıler önegelı ısterı arqyly qoǧamdy damytuǧa zor üles qosady. Janaşyrlyq – qazaqtyŋ qanynda bar qasiet. Halqymyz qiyndyqqa tap bolǧan adamdardan kömegın aiamaǧan. El basyna kün tuǧan qiyn-qystau sätte «bır jeŋnen qol, bır jaǧadan bas şyǧara» bılgen. Qazaqstanǧa jer audarylǧan talai etnos ökılderın bauyryna basyp, baryn bölısken. Sondyqtan bügıngı jiynnyŋ maqsaty halqymyzdyŋ bolmysymen ündes ekenı sözsız, – dedı Memleket basşysy.
Prezident Ädılettı Qazaqstandy Adal azamattar qūratynyn atap ötıp, barlyq erıktılerdı Adal azamat deuge bolatynyn aitty.
– Maǧan erıktıler men qaiyrymdy jandardyŋ «keŋ auqymda oila, soǧan sai äreket et» degen qaǧidaǧa süienıp jūmys ısteitını ūnaidy. Şyn mänınde, erteŋgı jarqyn bolaşaqqa jetu üşın bız bügın batyl qadamdar jasauymyz kerek. Būl ūstanym ekologiialyq mädeniet pen sanaly tūtynu dästürın qalyptastyru üşın öte özektı. Ol üşın adamdardyŋ sana-sezımı men dünietanymyn özgertu kerek. Tek sonda ǧana reformalardyŋ nätijesı tūraqty ärı mäŋgılık sipatqa ie bolady. Tūlǧanyŋ jeke ülgı körsetuı jäne «teŋ – teŋımen» qaǧidatyn ūstanuy volonterlıktıŋ negızgı qozǧauşy küşı dep sanaimyn. İdeialardy belsendı türde taratu jäne qaiyrymdylyqty nasihattau qoǧam damuynyŋ jauapty azamat jäne patriotizm ūǧymdaryna negızdelgen jaŋa paradigmalaryn qalyptastyruǧa yqpal etedı. Osy sebeptı elımızde volonterlık qozǧalystyŋ damuyn ılgerıletu üşın barynşa jaǧdai jasalady, – dedı Memleket basşysy.
Prezidenttıŋ aituynşa, Qazaqstanda 2021-2023 jyldarǧa arnalǧan Volonterlıktı damytu jol kartasy aiasynda bırqatar joba tabysty ıske asyryldy. Memleket basşysy qoǧamda erıktılık men qaiyrymdylyq dästürın nyǧaitu üşın bırneşe keşendı şara qabyldaudy ūsyndy.
– Osy saladaǧy strategiialyq baǧyttardy naqty körsetetın jaŋa Jol kartasyn äzırleu kerek. Atalǧan qūjat volonterlık qozǧalysqa tyŋ serpın berıp, onyŋ taiau jyldardaǧy damuynyŋ basty baǧyttaryn aiqyndauǧa tiıs. Ekınşıden, erıktılık men qaiyrymdylyq ısın esepke alatyn jüienı kezeŋ-kezeŋımen engızu qajet. Būl bastama volonterlık qozǧalysty yntalandyru üşın zaŋnamalyq deŋgeide tiımdı şaralar qabyldauǧa mümkındık beredı. Üşınşıden, volonterlık qozǧalysty ūzaqmerzımdı grant beru arqyly yntalandyru kerek. Būl rette memlekettık jäne jekemenşık grant beruşıler arasynda tūraqty serıktestık ornatyp, otandyq jäne halyqaralyq donorlardyŋ bır-bırımen nätijelı yntymaqtastyǧyn qalyptastyru maŋyzdy. Törtınşıden, volonterlık jäne qaiyrymdylyq ısterdı instituttyq tūrǧyda qoldau infraqūrylymyn däiektı türde damytqan jön. Ol üşın volonterlerdıŋ ūlttyq jäne aimaqtyq deŋgeidegı front-ofisınıŋ ūiymdastyruşylyq, tehnikalyq jäne kadrlyq äleuetın küşeitu qajet. Besınşıden, volonterlık qyzmet salasyndaǧy halyqaralyq yntymaqtastyqty odan ärı nyǧaituǧa jäne ılgerıletuge erekşe nazar audaru qajet, – dedı Qasym-Jomart Toqaev.
Sözınıŋ soŋynda Prezident atalǧan forum būl baǧyttaǧy ortaq jūmys özektı ärı öte qajet ekenın jäne elımızdegı volonterlık qozǧalysty damytuǧa tyŋ serpın beretının atap öttı.
BŪŪ Bas hatşysy Antoniu Guterriştıŋ forum qatysuşylaryna ündeuın ūiymnyŋ Qazaqstandaǧy tūraqty üilestıruşısı Mikaela Friberg-Stori oqyp berdı. Sondai-aq jiynda BŪŪ Erıktıler baǧdarlamasynyŋ atqaruşy üilestıruşısı Toili Kurbanov, BAÄ Toleranttylyq jäne beibıt qatar ömır süru ministrlıgınıŋ bas direktory Afra Mūhammed Äl Sabri, Türkiianyŋ belgılı mädeniet qairatkerı Haluk Levent jäne basqa da spikerler söz söiledı.
