Nūr-Sūltan qalasy äkımdıgınıŋ qoldauymen Beibıtşılık jäne kelısım saraiynda Halyq qaharmany, KSRO jäne Qazaqstannyŋ halyq ärtısı Roza Baǧlanovanyŋ 100 jyldyǧyna arnalǧan «Ainalaiyn halqymnan erkeletken» atty mereitoilyq konsert öttı.
Keşke äigılı änşı jarty ǧasyr jūmys ıstegen R.Baǧlanova atyndaǧy «Qazaqkonsert» memlekettık konserttık ūiymynyŋ ärtısterı, belgılı änşıler men jas daryndar qatysty. Atap aitqanda, Altynbek Qorazbaev, Sūluşaş Nūrmaǧambetova, Baǧdat Sämedinova, Elmūra Jaŋabergen, Aigül İmanbaeva, Qūrmaş Mahan, Mädina Saduaqasova, Jūbanyş Jeksenūly, Tamara Asar, Aigül Qosanova, Ruhiia Baidükenova, Älıbek Älmadiev, Zarina Bajenova, Tatiana Kim, Roza Täjıbaiqyzynyŋ nemeresı Ürbibı Baǧlanova «Astana» estrada-simfoniialyq orkestrınıŋ süiemeldeuımen jandy dauysta än saldy.
Konsertte Roza Baǧlanovanyŋ repertuarynan alynǧan «Ah, Samara – gorodok», «Ädemı-au», «Bärınen de sen sūlu», «Säulem-ai», «Iŋkärım-ai», «Aqtamaq», «Syr gülı», t. b. halyqtyŋ süiıktı änderı şyrqaldy.
Al Ūlttyq muzeide būlbūl änşınıŋ ǧasyrlyq mereitoiyna orai «Än önerınıŋ padişasy» atty körme jäne döŋgelek üstel mäjılısı ūiymdastyryldy. Aty aŋyzǧa ainalǧan jeztaŋdai änşınıŋ ömırı men şyǧarmaşylyǧyn nasihattau maqsatynda ūiymdastyrylǧan şarada qazaq mädenietı men än önerınıŋ damu kezeŋderıne qosqan ülesın ǧylymi tūrǧyda zertteu, änşınıŋ änderı arqyly jastardyŋ boiynda otanşyldyq pen patriottyq sezımderın arttyru mäselelerı talqylandy.
Şaraǧa Roza Baǧlanovanyŋ ūly Täjen Satybaldyūly men kelını, R.Baǧlanova atyndaǧy qoǧamdyq qordyŋ töraiymy Maral Baǧlanova arnaiy qatysty.
– Anamyzdyŋ 100 jyldyq mereitoiyna arnalǧan köptegen ıs-şaralar ūiymdastyrylyp jatyr. Al bügıngı şaranyŋ orny müldem bölek. Sebebı bügıngı körmege anamyzdyŋ özı qoldanǧan jeke zattary ūsynylyp otyr. Būl zattardyŋ barlyǧy – bızdıŋ otbasymyz üşın baǧa jetpes dünie sanalatyn qūndy jädıgerler. Körmenıŋ aşyluyna atsalysqan Ūlttyq muzei ūjymyna alǧysymyzdy bıldıremız. Ol kısı – bızdıŋ ǧana anamyz emes, barşa halyqtyŋ anasy, – dedı Maral Baǧlanova. Al Täjen Satybaldyūly anasy jaily estelıkterımen bölıstı.
Körmege änşınıŋ otbasylyq qorynan alynǧan sahnalyq kiımderı, äşekei būiymdary, marapattary men tūtynǧan zattary, fotosuretterı qoiyldy.
– Qazaq estradasynyŋ özındık ülgımen qalyptasqan mektebı, tarihy bar. Adamzatqa ortaq osynau muzykalyq baǧyttyŋ qazaq jerınde tamyr jaiuyna bırden-bır sebepker – Roza Baǧlanova. Sol sebeptı men ol kısını «Qazaq estradasynyŋ alǧaşqy qarlyǧaşy» dep atar edım, – dedı küişı, önertanuşy, Qazaq ūlttyq öner universitetınıŋ professory Janǧali Jüzbai.
Şara aiasynda R.Baǧlanova atyndaǧy «Qazaqkonsert» memlekettık konserttık ūiymynyŋ änşılerı öz önerın ortaǧa saldy.
