Qazaqstan Respublikasynyŋ Prezidentı Nūrsūltan Nazarbaev «Qazaqstan-2050» Strategiiasy: qalyptasqan memlekettıŋ jaŋa saiasi baǧyty» atty Joldauynda «Dene şynyqtyru men sport memlekettıŋ airyqşa nazarynda boluǧa tiıs. Naq sol salamatty ömır salty ūlt densaulyǧynyŋ kıltı bolyp sanalady» dep atap ötken edı. Sonymen qatar, Elbasynyŋ qazaqstandyq patriotizm turaly da san märte saliqaly söz aitqanyn estıdık. Atap aitqanda, aituly Joldaudaǧy «Öz boiymyzda jäne balalarymyzdyŋ boiynda jaŋa qazaqstandyq patriotizmdı tärbieleuımız kerek. Būl eŋ aldymen elge jäne onyŋ igılıkterıne degen maqtanyş sezımın ūialatady» degen sözı otansüigıştık qasiettı aldymen öskeleŋ ūrpaqqa sıŋıru qajettıgın aŋǧartyp tūrsa kerek. Būl rette elımızde memleket tarapynan naqtyly baǧdarlamalar qabyldanyp, jüielı jūmystar jürgızılıp jatqany anyq. Osy oraida bır aitarlyǧy, jas ūrpaqty otandyq patriotizmge tärbieleu ısınde qoǧamdyq ūiymdardyŋ atqaryp otyrǧan jūmystary orasan deuge tūrady.
Astana qalasynda ükımettık emes ūiymdar arqyly qoǧamdyq jūmysty jandandyru jaqsy jolǧa qoiylǧan. Türlı baǧytta igı şaralar ūiymdastyryp, qoǧamǧa paidaly ısterımen körınıp jürgen ūiymdardyŋ bırı – Astana qalasyndaǧy «Auǧanstan soǧysy mügedekterı men ardagerlerı odaǧy» qoǧamdyq bırlestıgı. Bügınde jauynger-internasionalist Serık Kenjebekov basqaratyn ūiym jyl basynan berı Astana qalasy Işkı saiasat basqarmasymen aldyn ala kelısılıp jasalǧan ıs-şaralar jospary boiynşa jüielı jūmystar atqaryp keledı. Biyl TMD elderınde Auǧanstannan Keŋes äskerınıŋ şyǧarylǧanyna 25 jyl toldy. Mıne, osy dataǧa orai qalalyq ūiym bırqatar şaralar ötkızdı. Qala mektepterı men joǧary oqu oryndarynda «Erlık sabaqtary», Ūly Otan soǧysy maidangerlerımen kezdesuler, mügedek qarulastar men Auǧanstanda qaza bolǧan jauyngerlerdıŋ ata-analaryna qoldau körsetu aksiialary ūiymdastyryldy. Jastar men balalar arasynda otandyq patriotizm men salauatty ömır saltyn nasihattau baǧytynda oquşylar arasynda futbol jarysy, qol jekpe-jegı saiysy, qala maŋyndaǧy tüzetu mekemesınde jazasyn ötep jatqandarmen ötkızgen sport şarasy tärbie men qaiyrymdylyqtyŋ önegesı ıspettı boldy. Al, jyl saiyn ūiymdastyrylatyn jauynger-internasionalist Qazbek Abdrahmanov esımın eske aluǧa arnalǧan şaǧyn-futbol turnirıne biyl da qaladan tys aimaqtardan komandalar qatysty. Ardagerler men jastar arasynda salauatty ömır saltyn qalyptastyruǧa, ūrpaqtar sabaqtastyǧyn jalǧastyruǧa jäne jauynger märtebesın köteruge baǧyttalyp ötkızıletın aituly jarys biyl 13-şı ret öz jeŋımpazdary men jüldegerlerın anyqtady. Selinograd qalasynda tuyp-ösken, Auǧanstan soǧysynda körsetken erlıgı üşın «Za boevye zaslugi» medalımen marapattalǧan Qazbek Abdrahmanov institutta oqyp jürıp, qalada alǧaşqylardyŋ bırı bolyp äskeri-patriottyq klub qūryp, student jastar men mektep oquşylaryn sportqa jäne otandyq patriotizmge bauli bastaǧan bolatyn. Keiınnen Auǧanstan soǧysynda qaza bolǧan jauyngerlerdıŋ ata-analaryn jäne soǧys zardabynan mügedek bolyp qalǧan maidandastaryn qoldau jönındegı qoǧamdyq qor ūiymdastyrdy. Ökınışke qarai, auyr syrqatynan aiyǧa almai ömırden erte ozǧan edı. Degenmen, onyŋ ızgı niettı közdegen ısterın, iaǧni qordyŋ jūmysyn onyŋ maidandas dostary jalǧastyryp keledı. Al jyl saiyn ötıp kele jatqan dästürlı jarys Qazbek Ükıbaiūlynyŋ qaisarlyǧy men qaiyrymdylyǧyna berılgen qūrmettıŋ belgısı bolsa kerek. Biylǧy jarysta bırınşı oryndy Stepnogorsk qalasynyŋ Auǧanstan soǧysy ardagerlerı ūiymynyŋ komandasy jeŋıp alsa, ekınşı oryndy Ashat Tūrsynbekov bastaǧan «Älım» komandasy ielendı. Al üşınşı oryndy ofiser Marat Kuselbaev bastaǧan «Jas Ūlan» respublikalyq mektebı men Nūrlan Ahmetov bastaǧan astanalyq «Auǧanstan soǧysy mügedekterı men ardagerlerı odaǧy» bölıstı.
İvan PRONİN, Stepnogorsk qalalyq Auǧanstan soǧysy ardagerlerı ūiymy komandasynyŋ jetekşısı, jauynger-internasionalist:
– Astanada jyl saiyn ötetın būl jarysqa asa qyzyǧuşylyqpen qatysamyz. Maidandas dostarmen kezdesemız. Balalardy jarysqa qosamyz. Osyndai şaralar arqyly jas ūrpaq jauyngerdıŋ, iaǧni Otan qorǧauşynyŋ qadır-qasietın ūǧynatyn bolady dep oilaimyn. Maidandas dosymyzdyŋ atyndaǧy jarysty ötkızuge qoldau körsetetın Astana qalasynyŋ Turizm, dene tärbiesı jäne sport basqarmasyna, «Nūr Otan» partiiasynyŋ astanalyq filialyna jäne özımızdıŋ jauynger-internasionalisterge rizalyǧymyzdy bıldıremız. Al bızdıŋ komanda jeŋımpaz atandy. Būl – ülken quanyş.
Serık KENJEBEKOV, Astana qalasy «Auǧanstan soǧysy mügedekterı men ardagerlerı odaǧy» qoǧamdyq bırlestıgınıŋ töraǧasy:
– Bızdıŋ ūiymnyŋ eŋ basty maqsaty Auǧanstan soǧysyna qatysyp kelgen azamattarǧa, sonymen qatar sol soǧysta qaza bolǧan jauyngerlerdıŋ ata-analaryna, otbasylaryna ruhani ärı äleumettık qoldau körsetu bolyp tabylady. Būl oraida, bız öz tarapymyzdan qolymyzdan kelgenşe kömek körsetıp kelemız. Sonymen qatar, jastar men balalardy otandyq patriotizmge tärbieleu, qalada ötıp tūratyn qoǧamdyq-saiasi jäne äleumettık-mädeni şaralarǧa belsendılıkpen qatysu da ūiymnyŋ negızgı baǧyt-baǧdary bolyp sanalady. Jalpy aitqanda, tuǧan el men jerdı qorǧai bılgen ata-babalarymyzdyŋ erlıkterı bügıngı ūrpaq üşın öşpes önege boluy kerek. Bız osy oraida qalalyq äkımdıkpen, respublikalyq mekemelermen, sondai-aq, ükımettık emes ūiymdarmen tyǧyz qarym-qatynasta jūmys jürgızemız. Ärine, problemalar da joq emes. Bıraq, bız qai mäselenı bolsa da bırlesıp şeşuge ūmtylamyz.
Amanǧali QALJANOV
