«Bank RBK» AQ-tyŋ direktorlar keŋesı töraǧasynyŋ būrynǧy keŋesşısı Jomart Ertaev Reseiden Qazaqstanǧa ekstradisiialandy» dep habarlady Bas prokuraturanyŋ baspasöz qyzmetı. «Qazaqstannyŋ Bas prokuraturasynyŋ qyzmetkerlerı Jomart Ertaevty qylmystyq jauapkerşılıkke tartu üşın Resei Federasiiasynan ekstradisiialady» delıngen resmi habarlamada.
Säl şegınıs jasasaq, ötken jyldyŋ nauryz aiynda J.Ertaevqa halyqaralyq ızdeu jariialanǧan bolatyn. Ol 2011-2017 jyldary «Bank RBK» AQ-tan 144 mlrd teŋge jymqyru qylmysyn ūiymdastyrdy degen küdıkke ılındı. Ertaevpen qosa aqşa ūrlady dep aiyp taǧylǧan 54 adamnyŋ ışınde 41-ı – banktıŋ top-menedjerlerı men qatardaǧy qyzmetkerler bar. Aita ketelık, Baqyt İbragimov, İgor Majinov, Daniiar Tuǧanbai, Daniiar Edıgenov, Äbılqasy Mamyrbekov, Timur Şärıpov jäne t.b. būǧan deiın elımızge ekstradisiialanǧany mälım. Qūzyrly organdaǧylar habarlaǧandai, tergeu barysynda atqarylǧan ıs-şaralardyŋ nätijesınde 15 mlrd teŋge qazynaǧa qaitarylyp, 48 mlrd teŋgenıŋ mülkı tūtqyndalǧan.
Jomart Ertaev 2018 jyly 8 mamyrda Mäskeude jürgen jerınde interpoldyŋ ızdeu jelısı boiynşa tūtqyndaldy. Äuelı ony üiqamaqqa aldy, odan soŋ tergeu abaqtysyna qamady. Ol Reseide bosqyn märtebesın alǧan soŋ, Resei Federasiiasynyŋ Bas prokuraturasy küdıktını Qazaqstanǧa ekstradisiialaudan bas tartty. Alaida 2018 jyldyŋ 15 qaraşasynda ony bosqyn märtebesınen aiyrdy. Sol sätten bastap elımızdıŋ prokurorlary Ertaevty Qazaqstanǧa ekstradisiialau jūmystaryna kırıstı. 2019 jyldyŋ 11 qaŋtarynda Mäskeu qalalyq soty qazaqstandyq prokurorlardyŋ ötınışın maqūldady. Qazırgı kezde Jomart Ertaev Astanadaǧy tergeu abaqtysynda qamauda otyr.
Şynyn aitsaq, Jomarttyŋ basy şatylǧan janjaldar sonau 2009 jyldan bastalǧan. Sol jyly tamyz aiynda «Alians banktıŋ» basşysy qyzmetındegı Ertaev qarjylyq bylyq-
şylyqtary üşın qamaldy. Äuelı oǧan 1 mlrd-tan asa AQŞ dollaryn ūrlady degen aiyp taǧyldy. Bıraq keiınırek ol bapty özgerttı. Joly bolǧyş Jomart küdıkten tez qūtyldy: 9 ai uaqytşa abaqtyda otyrdy, 378 myŋ teŋge aiyppūl töledı. Söitıp bostandyqqa şyqty. Alaida onyŋ töŋıregındegı dau-janjaldar bıtken joq.
2013 jyldyŋ qazan aiynda Ertaev qoǧamdy taǧy şulatty. Söitse, ol basşylyq etetın «Alians bank» 2 mln AQŞ dollary kölemındegı nesiesın ötemegenı anyqtaldy. Atalǧan bank halyqqa qaryz bergende uäkılettı organnyŋ şeşımı bolmasa da, öreskel zaŋ būzuşylyqtarǧa barǧan. Ailaker Ertaev ol joly da jauapkerşılıkten qūtyludyŋ joldaryn ızdedı. Tıptı banktıŋ mülkın tūtqyndaityn mümkındıkten aiyratyn qadam – qosalqy kelısımşart jasady.
2014 jyly Jomart Qazaqstanǧa qaityp oralyp, «Taŋ» telekompaniiasy aksiiasynyŋ jartysyn satyp alyp, basşylarynyŋ bırıne ainaldy. Sondai-aq «Alma TV» telekommunikasiialyq kompaniiasynyŋ qojaiyny atandy. Sol uaqytta BAQ-tarda «Ertaev «Alma TV» aksiialarynyŋ 50 paiyzyn satyp aldy» degen aqparat taratyldy. Alaida «Alma TV»-nyŋ būrynǧy basşysy Ertaevtyŋ aksiialardyŋ 100 paiyzyn satyp alǧanyn aşyq aitty. Būl ıstegı zaŋdyq räsımder 2016 jylǧa deiın sozyldy. Ertaev pen onyŋ adamdary 2014 jyldyŋ qyrküiek aiynan bastap kompaniiaǧa basşylyq ettı.
«Liter» gazetı J.Ertaevtyŋ bıreudıŋ aqşasyn qalai ielengenı turaly bır oqiǧanyŋ jai-japsaryn jazǧany mälım. 2014 jyly ««Bank RBK»-ny tekseru kezınde onyŋ aksionerı Maqsūt Ötepbergenov Ūlttyq bank basşylyǧynyŋ atyna ötınış hat jazady. Sol hatta J.Ertaevtyŋ öz qūqyǧyn būzyp, tabystardan tüsetın somadaǧy alǧaşqy ülesı – 6,1 paiyzy zaŋsyz «jūtylyp» ketkenın jetkızgen. Öitkenı bırınşı kezekte aksionerler satyp alatyn jaŋa aksiialardy böten adamdar alyp qoiǧan. M.Öteptergenov Ertaevtyŋ öz uädesınde tūrmai, aksiialardy belgısız kompaniialarǧa satqanyn äşkereleidı. «Baqsaq, baqa eken» demekşı, aiaqastynan qūrylǧan «Dorgia company», «Ket company», «ISHSS company» JŞS-tıŋ basşylary Ertaev myrzanyŋ özın küzetetın «Arnau-RS Security» küzet firmasynyŋ jetekşılerı men qyzmetkerlerı bolyp şyqqan. Atalǧan operasiianyŋ nätijesınde bank aksionerı öz aksiialarynyŋ 3 paiyzyn joǧaltty, onyŋ ülesı 6,1-den 3 paiyzǧa kemıdı. Al Ertaevtyŋ küzetşılerınıŋ firmalary 10,2 mlrd teŋge tabysqa keneldı.
