Nūr-Sūltanda osymen törtınşı jyl qatarynan tozǧan tūrmystyq elektr tehnikasyn tegın şyǧaru boiynşa qyzmet körsetetın Clean Taxi tegın ekologiialyq jobasy jüzege asyryluda. Tūrǧyndar aqauy bar tehnikany qaita öŋdeuge tegın tapsyra alady.
Būl joba elordanyŋ qorşaǧan ortany qorǧau jäne tabiǧatty paidalanu basqarmasynyŋ qoldauymen jüzege asyryldy. Būl tūrǧyndarǧa aqauy bar teledidarlardy, toŋazytqyştardy, ūsaq tūrmystyq jäne taǧy basqa tehnikany qaita öŋdep, aqysyz beruge mümkındık jasaidy. Tek Clean Taxi qyzmetıne qoŋyrau şalsa bolǧany, ol mekenjaiǧa baryp, qajet emes tehnikany alyp ketedı.
Bügıngı taŋda elordada tūrmystyq elektr qaldyqtaryn jinauǧa arnalǧan 72 konteiner ornatyldy, iaǧni är audanda 18 konteinerden. Jinauǧa arnalǧan konteinerlerden tehnikany şyǧaryp alu – onyŋ toluyna qarai, ekı aptada bır ret jürgızıledı. Olardyŋ ärqaisysyna öz uchaskelerınıŋ şeberlerı bekıtılgen, olar qyzmetke rezervuardyŋ tolyq ekenın jäne öŋdelgen tehnikany şyǧaru kerektıgın habarlaidy.
Biyl mamyr aiynda elektrondy jäne elektr jabdyqtaryn taldau boiynşa äleumettık şeberhana ıske qosyldy. Eskı zattyŋ bärı şyǧarylǧannan keiın däl osy jerge jıberıledı. Mūnda ärbır elektr qūrylǧysy qūramdas bölıkterge bölınedı: metall, plastik, şyny, taqtalar. Äleumettık joba aiasynda 15 adam jūmysqa ornalasty.
