Memleket basşysy Qasym-Jomart Toqaev elordany odan ärı damytu jönındegı keŋeste ortalyq temırjol auruhanasynyŋ ǧimaraty eskırıp, apatty jaǧdaida ekendıgın aitty. 60 jyl ışınde auruhanada bırde-bır kürdelı jöndeu jūmystary jasalmaǧan eken.
Köpten berı qala basşylyǧynyŋ nazarynda jürgen būl auruhana 1959 jyly salynǧan bolatyn. Ol kezde QazKSR Jol qatynastary ministrlıgınıŋ balansynda boldy. Odaq ydyraǧannan keiın auruhana jeke ielıkke, 2009 jyly QR Tötenşe jaǧdailar qyzmetıne öttı. Qazır klinika – Işkı ıster ministrlıgınıŋ qarauynda. Auruhanada segız bölımşe, zerthana men travmatologiialyq punkt jūmys ısteidı. Rasynda, ırgesı qalanǧaly jöndeu körmegen auruhananyŋ tozyp, qabyrǧalary qaqyrap, kırpışterı müjılıp jatqany ras.
Söz etkelı otyrǧan medisinalyq mekemenıŋ jaiymen 2016 jyly elorda äkımdıgı sol kezdegı Premer-ministrge ötınışpen şyǧyp, auruhanany qalanyŋ ielıgıne audaruy turaly mäsele qoiǧan edı. Artynşa Ükımet qaulysyna sai räsımdeudı bastaǧan edı. Osylaişa 2018 jyly auruhana astanalyq äkımdıktıŋ kommunaldyq menşıgıne auysty. Ortalyqtyŋ bas direktory Sergei Demochkin 2011 jyldan basşylyq etıp keledı. Mūnda 600-den astam qyzmetker jūmys ısteidı, onyŋ jüzden astamy – joǧary bılımdı därıgerler. Olar elordanyŋ Saryarqa jäne Baiqoŋyr audanynyŋ bırşama bölıgıne, jalpy sany 400 myŋdai tūrǧynǧa qyzmet etedı. Al keibır medisinalyq baǧyttary boiynşa bükıl astanany qamtyp otyr.
– Rasynda, barlyq profil boiynşa auruhana jedel järdem qyzmetın qatar alyp jür dese bolady. Saryarqa audanyn tolyq qamtyp, pulmonologiia boiynşa – Baiqoŋyr audany, neirohirurgiia boiynşa Esıl audany tūrǧyndaryna qyzmet etemız, – deidı bas därıger.
Ortalyqtyŋ alpys jyl boiyna qajettı deŋgeide qarjylanbauy ondaǧy medisinalyq qūral-jabdyqtardyŋ da eskıruıne alyp keledı. Qala menşıgıne ötken kezde auruhanadaǧy jabdyqtardyŋ 70 paiyzy qabyldanǧan standarttyŋ talabyna sai kelmeidı.
Elımızdegı barlyq medisinalyq mekemeler siiaqty būl auruhanada emdelıp şyqqandardyŋ kölemıne qarai ministrlıktıŋ Medisinalyq qyzmetterdı töleu komitetınen bırşama qarajat tüsedı. Bıraq būl tölemder medisinalyq jabdyqtar, därı-därmekter, qyzmetkerlerdıŋ jalaqysyn töleuge, odan basqa kommunaldy qyzmettıŋ aqysyn jabuǧa ketedı. Būl qarajat medisinalyq qūrylǧylar alyp, ǧimarattardy kürdelı jöndeu ötkızuge baǧyttalmaǧan.
Jaqynda osy mäsele boiynşa qala äkımı Altai Kölgınov YDA Holding direktorlar keŋesınıŋ töraǧasy Arslan Huseinmen kezdesıp, ortalyq temırjol auruhanasynyŋ qūrylysyn talqylady. Ortalyq temırjol auruhanasynyŋ ǧimaraty eskırıp, apatty jaǧdaida ekendıgın eskerıp, audan tūrǧyndaryna qolaily bolu üşın auruhana Saryarqa audanynda ornalasatyn bolady dep şeşıldı. 600-700 orynǧa eseptelgen jaŋa ǧimarat memlekettık-jeke serıktestık aiasynda salynady. Jobaǧa Türkiiadan investorlar jaidan-jai tartylyp otyrǧan joq. Özderınıŋ investisiiasymen daralanyp, jalpy medisinalyq mekemeler saluda mol täjıribesı bar türık kompaniiasy elordadaǧy qūrylys jūmystaryn kelesı jyly bastamaq. Jaŋa ortalyq älemdık standarttarǧa säikes zamanaui jabdyqtarmen qamtylatyn bolady.
Sergei Demochkin osy şeşımdı maqūldai kele, ǧimaratty sürıp, ornyna jaŋa auruhana salynyp, stasionardy 500 orynǧa jetkızıp, emhana 680 nauqasty qabyldai alatynyn jetkızdı. Būl üşın qūrylysşylar osy mekemege tiesılı köne ǧimarattardy būzyp, tek hirurgiia korpusyn qaldyru oida bar. Būl bertınde, 1981 jyly salynǧan, odan bölek taǧy bır-ekı ǧimaratty kürdelı jöndeuden ötkızedı.
Auruhana keşenın barlyq maǧynasyndaǧy qaita jaŋǧyrtu bırneşe jyldardy alady. «Jaŋǧyrtu üderısı bırneşe kezeŋdı qamtidy. Bırınşısı – äkımşılık jäne terapevtık korpustaryn köşıru kerek. Ginekologiia ornalasqan ǧimaratty jäne Jeŋıs daŋǧyly, 81-üidegı jetı qabatty ǧimarattyŋ tört qabaty jöndeuden ötkızıledı. Bügınde smetasy daiyn, jaqyn künderı qala biudjetınen 380 million teŋge bölınedı» dep mälımdedı Sergei Demochkin.
Jöndeu jūmystary kezınde auruhana keşenı öz qyzmetın toqtatpaidy. Jaŋa ortalyq ıske qosylǧannan keiın därıgerler sany artyp, medisinalyq qyzmet kölemı de qala tūrǧyndaryna qarai aiqyndalatyn bolady.
Elordadaǧy barlyq medisinalyq mekemedei būl jerde de därıgerler tynym tappaidy. Täulıgıne jüzden astam adam qabyldau bölımıne tüsedı. Terapiia bölımı künıne 500-ge tarta adamdy qabyldaidy. Reanimasiia jäne pulmonologiia bölımşelerı de osyndai kürdelı jaǧdaida jūmys ısteude. Osyndai tar jaǧdaida, mysaly, ekı adam jatatyn jaida bes adam ornalastyrylsa da, medisinalyq qyzmetkerler nauqastarǧa barlyq jaǧdai jasauda. Mamandar tapşylyǧy būl mekemenı de ainalyp ötpegen. Dese de ırgesı erteden qalanyp, jarty ǧasyrlyq tarihynda özındık dästürı qalyptasqan auruhanada öz ısıne bılıktı därıgerler jūmysyn jalǧastyryp jatyr.
Būl – eskınıŋ ornyna jaŋasy salynyp, paidalanuǧa berılgende ortalyqtyŋ äleuetı artyp, medisinalyq qyzmettıŋ körsetkışı jaŋa sapaǧa köterıledı degen söz.
