Elımızdegı ärbır ǧimarattan qazaqylyqty körgım keledı. Bügınde ūlttyq oiu-örnektermen esıkterdı nemese jihazdardy bezendıru sänge ainaluda.
Būl – ülken serpılıs. Qazaq elınıŋ öz köne tarihy, mädenietı, özındık dästürı men önerı bar. Eskını jaŋa zamanǧa laiyqtap jasap, memlekettıŋ, qazaq elınıŋ brendın qalyptastyrumyz kerek. Ǧimarattarǧa köneden qalǧan elementterdı engızsek, ol bızdıŋ tarihymyzdan syr şertıp, kım ekendıgımızdı, qaidan şyqqandyǧymyzdy baiandap tūrar edı.
Bızde köpşılık ūlttyq naqyşta jasalǧan jihazdar qymbatqa tüsedı dep qorqady. Şyntuaityna kelgende, qalta kötererlık. Qymbatyn da arzanyn da tabuǧa bolady. Mäselen, tūtynuşylarymyzdyŋ arasynda qaltalylarmen qatar ortaşa jalaqyǧa ie azamattar da bar. Ūlttyq qūndylyqtarymyzdy, oiu-örnegımızdı nasihattaudy öz üiımızden bastauymyz qajet. Sondyqtan da men zamanaui ǧimarat dizainyna üilesımdı bolatyn ūlttyq naqyştaǧy elementterdı arnaiy taŋdap, zamanaui stilmen ūlttyq boiaudy üilestırudı maqsat ettım.
Mansura JAKEN,
dizainer
