Aldaǧy 30 mausymda elordadaǧy «Qazaqstan» ortalyq konsert zalynda dästürlı XV halyqaralyq «Euraziia» kinofestivalı şymyldyǧyn türedı. Būl aituly şara qala künı merekesıne orai ūiymdastyrylyp otyr.
Jyl sanap atalǧan festivaldıŋ bedelı artyp keledı. Būl baiqaudyŋ maqsaty Şyǧys pen Batys arasynda kinematografiialyq köpır ornatudy közdeidı. Alty kün boiy bas qalanyŋ tūrǧyndary men qonaqtaryn jıpsız bailaityn auqymy zor şaraǧa Qytai, Fransiia, Resei, Makedoniia, İtaliia, Filippin, İzrail, Ukraina, Avstraliia elderınıŋ talantty kinorejisserlerınıŋ tuyndylary körsetıledı. Al qysqametrajdy filmder konkursyna Täjıkstan, Oŋtüstık Koreia, Belarus, İran, Özbekstan jäne Japoniianyŋ kartinalary qatysady. Sondai-aq festival aiasynda qazaq jerıne amerikalyq prodiuserler at basyn tıreidı. Būl turaly Ūlttyq kinony qoldau memlekettık ortalyǧynyŋ basqarma töraǧasy Andrei Hazbulatov aitty.
– Elımızge keletın qonaqtarǧa arnaiy tur ūiymdastyrylady. Olarǧa «Qazaqfilm» kinostudiiasynyŋ jūmysyn körsetemız. Kino tüsıretın oryndarmen tanysady. Nūr-Sūltan jäne Almaty qalasyn aralaidy. Batys öŋırıne de saparlap qaitady, – dedı ol.
Sonymen bırge amerikalyq «Jahandyq saiasat bastamalary» kompaniiasynyŋ prezidentı Djei Fitluk Qazaqstan men AQŞ-tyŋ kino salasy mamandarynyŋ qolǧa alǧan bırlesken jobasyna qatysty öz pıkırın bıldırdı. Al kinofestival töraǧasy, belgılı rejisser Ermek Tūrsynov baiqaudyŋ resmi baǧdarlamasy 6 bölımnen tūratyndyǧyn jetkızdı. Al mädeni şara 6 şıldede aiaqtalady.
