Elımızdıŋ bas ordasynda dübırlep ötıp jatqan «EXPO-2017» halyqaralyq mamandandyrylǧan körmesınıŋ saltanatty aşyluy qarsaŋynda «Astanagorarhitektura» JŞS Londondaǧy Euraziialyq sapa zertteu qoǧamynyŋ konvensiiasynyŋ sapa salasyndaǧy jemıstı jetıstıgı üşın «ESQR’s Quality Achievements Awards 2017» jüldesın jeŋıp aldy.
Ärine, aituly syilyqty jeŋıp alu oŋai emes. Biyl atalǧan serıktestık Germaniiadaǧy «DQS Sertification» sertifikattau boiynşa halyqaralyq organynda qaita sertifikattaudan ötıp, 2020 jylǧa deiın «ISO 9001:2015» halyqaralyq standart talaptaryna jauap beretının rastaityn sertifikat aldy.
Şveisariianyŋ Lozanna qalasynda ornalasqan Euraziialyq sapa zertteu qoǧamy ūiymy sapa mädenietıne erekşe män beredı. Sonymen bırge, biznes jürgızudıŋ jetık täjıribelerı men tehnologiialyq innovasiialardy tanuǧa yqpal jasaidy. Jer jüzındegı käsıporyndar men ūiymdar jäne memlekettık mekemelerdıŋ sapasyn jaqsartuǧa ūmtylady. Är jyldary atalǧan qauymdastyqtyŋ jüldesın älemdık brendke ainalǧan kompaniialar jeŋıp alǧan. Biylǧy baiqauda Europa, Aziia, Soltüstık jäne Oŋtüstık Amerika, Afrika jäne Avstraliia sekıldı elderden 50 kompaniia nominant bolyp atandy.
– Elbasynyŋ Qazaqstandaǧy barlyq käsıporyndar jūmysyn halyqaralyq standartqa köşıru tapsyrmasy boiynşa bızdıŋ mekeme 2010 jyldan berı atalǧan jüiemen jūmys ısteidı. Jūrtşylyqqa sol därejede qyzmet körsetemız. Jyl saiyn mekemede audit bolady. Onda sapalyq menedjmenttıŋ qalai jürgızılgenı tekserıledı. Osy maqsattaǧy jūmystarymyz jemıstı bolǧandyqtan, ötken jyldary da Euraziialyq sapa zertteu qoǧamynyŋ diplomyn ielendık. Būl joly «Altyn» jüldesın alyp otyrmyz. Ärine, bız üşın būl – joǧary marapat, – deidı «Astanagorarhitektura» JŞS direktory Aibat Qasqataev.
Azamat Esenjol
