«Kezektı apparat otyrysynda qala äkımı Ädılbek Jaqsybekov Astana künıne orai ötkızılgen merekelık ıs-şaralardyŋ qorytyndysyn şyǧardy» dep habarlaidy qala äkımınıŋ baspasöz qyzmetı.
Äkım qala toiyna barlyq qūrylymdardyŋ belsene atsalysyp, ülken ūiymşyldyq tanytqanyn atap körsettı. Osy künderde jalpy sany seksen merekelık ıs-şara ötıp, oǧan 700 myŋnan asa adam qatysqan. Jetı jüzden asa otandyq jäne şeteldık jurnalist şaqyrylǧan.
– Elordanyŋ merekelık bezendırıluıne erekşe toqtalyp ötpekpın. Äleumettık jelılerde tūrǧyndardyŋ qala kelbetıne oŋ baǧasyn bergenın baiqauǧa bolady. Türlı merekelık müsınderdıŋ janynda tüsken suretter jariialanyp jatyr. «El jüregı – Astana!», «I Love Astana» sekıldı brend müsınder ülken serpın berdı, – dedı äkım.
Sondai-aq, jinalys barysynda elordanyŋ damuy üşın nätijelı jūmys pen tabandy eŋbek etıp jürgen eŋ üzdık qalalyq qūrylymdar marapattaldy.
Audandar arasynda Esıl audany top jardy. «Üzdık qalalyq qūrylym» atalymynda – Bılım basqarmasy, «Üzdık aumaqtyq qūrylym» retınde – Işkı ıster departamentı, «Üzdık qalalyq önerkäsıp» sanatynda «Elorda damu» JŞS tanyldy.
Özge de özektı mäseleler turaly aita kelıp, qala basşysy «EKSPO-2017» halyqaralyq körmesıne turister men qonaqtardy tartu jūmystaryna basa nazar audardy. Osyǧan orai «EKSPO-2017» ūlttyq kompaniiasy men qalalyq qūrylymdar arasynda tyǧyz qarym-qatynas ornatyluy kerek ekendıgın aitty. Äkım Qytai, Resei sekıldı memleketterdıŋ şekaralas qalalarymen özara qarym-qatynasty jolǧa qoiudy da söz ettı.
– Qazır bız üşın keluşılerdı tartu – basty mındet. Äsırese, bauyrlastyq bailanystar auqymynda «Qalalar diplomatiiasy» negızın, TMD-nyŋ ırı qalalary men elordalary halyqaralyq assambleiasy jelısın tiımdı paidalanu qajet, – dedı ol.
