«Elorda Aqparat» mediakompaniiasy men Astana qalasy Bılım basqarmasynyŋ bırlesken «Mektep jäne mediasauattylyq» jobasy aiasyndaǧy kezdesuler Fariza Oŋǧarsynova atyndaǧy №77 mektep-gimnaziiada tüiındeldı. Atalmyş joba aiasynda mediakompaniia qyzmetkerlerı bır ai boiy qala mektepterın aralady. Abai Qūnanbaiūly atyndaǧy №87 mektep-gimnaziiadan bastalǧan osyndai kezdesuler poeziia padişasynyŋ aty berılgen orta bılım beru ornynda märege jettı.
«Astana aqşamy» gazetı bas redaktorynyŋ orynbasary Ǧalym Qojabekov bastaǧan jurnalisterge mektep-gimnaziia direktorynyŋ tärbie ısı jönındegı orynbasary Jansūr Iliiasov aldymen oqu ornyn tanystyrdy. Zamanaui talaptarǧa sai jabdyqtalǧan mektepte farizatanu bölmesımen qatar ata-analardy qoldau kabinetı aşylǧan. Aqyn atyndaǧy bölmeden onyŋ otbasy syilaǧan jaqsydan qalǧan jädıgerlerdı, kıtaptardy köruge bolady. Al ata-analardy qoldau kabinetınde olarǧa türlı keŋes berıledı.
Mektepte robototehnika kabinetı aşylǧan. Himiia jäne biologiia kabinetterı jaŋa zamanǧa sai tehnikamen jabdyqtaldy. Sabaq oquşylarǧa multimedialyq taqta arqyly tüsındırıledı. Oqu ornynyŋ kıtaphanasy men sport zaly da keŋ.
Kezdesude Ǧalym Qosymjanūly «Mektep jäne mediasauattylyq» jobasynyŋ maqsatyn tüsındıre kele, negızgı maqsat şyǧarmaşylyqpen ainalysatyn oquşylarǧa baǧyt-baǧdar beru, olardyŋ talabyn şyŋdau ekenın aityp öttı. «Astana aqşamy» gazetınıŋ tılşısı Nūrlat Baigenje qazırgı aqparattyq zamanda estıgen, oqyǧan aqparatty süzgıden ötkızu asa maŋyzdy ekenın aitty. Kezdesu sūraq-jauapqa ūlasty. Oquşylar özderınıŋ jazǧan şyǧarmalaryn qaida jariialauǧa bolatyny jaiynda, qonaqtardyŋ jurnalistikaǧa kelu joly, t. b. saualdardy qoidy.
