Keşe «Qazaqstan» ortalyq konsert zalynda Astanaǧa gastroldık saparmen kelgen fransuzdyq Lill ūlttyq orkestrınıŋ konsertı öttı. Oǧan Astana qalasynyŋ äkımı İ.Tasmaǧambetov jäne bır top ziialy qauym ökılderı qatysty.
Gastrol «Toǧyspaly mausym-2013» jobasynyŋ aiasynda ūiymdastyrylyp otyr. Ol turaly orkestrdıŋ jetekşısı ärı dirijerı Jan-Klod Kazadezius pen Fransiianyŋ Qazaqstandaǧy tötenşe jäne ökılettı elşısı Jan-Şarl Bertone baspasöz mäslihatynda mälımdegen. Naqtyraq aitqanda, Fransiia-Qazaqstannyŋ mädeni toǧyspaly mau-symdary ekı memlekettıŋ joǧarǧy deŋgeidegı kelıssözderı barysynda belgılenıp, biyl Fransiia tarapynan bastalyp kettı. Al, qazaq elı özınıŋ Fransiiadaǧy mädeni mausymyn 2014 jyly ötkızbek.
Säl sipattama bere ketsek, Lill ūlttyq orkestrı – 1976 jyly jetekşısı Jan-Klod Kazadeziustıŋ bastamasymen qūrylǧan körkemdık joba. Soltüstık Pa-de-Kale aimaǧyndaǧy 200-ge juyq jergılıktı jekelegen kommuna üşın bırıktıruşı muzykalyq ūjymǧa ainaldy. Ūjym 35 jyldyq tarihynda 4 qūrlyq pen 30-dan astam memlekette öner körsetken. Soŋǧy ret, iaǧni 2011 jyly gastrolmen Germaniia men Slovakiiada bolyp qaitty.
Al būl jolǧy mädeni mausymnyŋ bas demeuşısı – «Total E&P Kazakhstan» fransuz kompaniiasy. Bırlesken käsıporyn biyl Qazaqstandaǧy qyzmetınıŋ 20 jyldyǧyn atap ötude.
«Qazaqstan» ortalyq konsert zalynda ötken Lill ūlttyq orkestrınıŋ konsertınde Veberdıŋ «Oberon» uvertiurasy, Chaikovskiidıŋ skripkaǧa arnalǧan konsertı, Bizenıŋ «Karmen-siuita» üzındılerı, Stravinskiidıŋ «Jalyn-qūsy», t.b. klassikalyq tuyndylar oryndaldy. Arnaiy şaqyrylǧan änşı, skripkaşy Alena Baeva orkestrdıŋ süiemeldeuımen önerın körsettı.
Taŋatar TÖLEUǦALİEV
Uyz lebız
Jan-Şarl BERTONE,
Fransiianyŋ Qazaqstandaǧy Tötenşe jäne ökılettı elşısı:
– Fransuzdyq jäne qazaqstandyq kompaniialardyŋ joǧary qoldau körsetıp, bızdıŋ baǧdarlamamyzǧa orasan zor üles qosqanyn atap ötken jön. Men Fransiiadaǧy Qazaqstan jyly joǧary deŋgeide ötetınıne senımdımın ärı bızdıŋ maqsatymyz – strategiialyq yntymaqtastyqtyŋ damuyna negız bolatyn ortaq ıs. Al, 2014 jylǧy qazaqstandyq baǧdarlama jaily aitu älı erte bolǧanymen, öz basym üş jyldan artyq uaqyt barysynda qazaqstandyq konsert jäne körme zaldaryn aralaǧannan keiın ol mausymnyŋ eleulı därejede ötetındıgıne eş kümän keltırmeimın.
