FRANSUZ KOMPANİIаSYMEN MEMORANDUM JASASTY
VII Astana ekonomikalyq forumy aiasynda elorda äkımdıgı men fransuzdyq «EIFFAGE-EGIS-GDFSUEZ» konsorsiumy arasynda «ASTAINABLE» jobasyn jüzege asyru jönındegı memorandum jasaldy. Qūjatqa qala äkımı İmanǧali Tasmaǧambetov pen Fransiianyŋ Qazaqstandaǧy elşısı Fransis Eten myrza qol qoidy.
Atalǧan kelısım aiasynda «Qalanyŋ tūraqty damuyna arnalǧan 3D yntalandyruşy» jobasy jüzege asyrylady. Onyŋ kömegımen Astanada elektrondy kartalar qoldanysqa engızıledı. 3D jüiesınde jūmys ısteitın kartany qala infraqūrylymy, jol, säulet önerı men qūrylysta, kärız jelısınde keŋınen paidalanuǧa bolady. Mūndai täjıribemen fransuz kompaniialary bölıspek.
Elşınıŋ aituynşa, ekı el türlı salalarda tyǧyz yntymaqtastyq ornatty, alda bırlesıp jüzege asyratyn jobalar da köp.
«21 ǧasyrda zamanaui qūral-jabdyqtyŋ bolǧany dūrys. Qalada bolyp jatqan oqiǧalardyŋ tolyq körınısın baqylau da maŋyzdy. Qazırgı uaqytta elektrondy kartany paidalanu taptyrmas mümkındık dep bılemın. Būl jobaǧa deiın de Astanamen tyǧyz qarym-qatynasta jūmys ıstegenbız. Dostyǧymyzdyŋ odan ary jalǧasatynyna senemın» dep atap öttı qol qoiu räsımınen keiın Fransis Eten.
Jobany tolyqtai qarjylandyrudy fransuzdar öz mındetterıne alǧan. Jüzege asyru üşın şamamen 3 mln euro jūmsalady degen boljam bar. Al, elorda äkımdıgı jobanyŋ kedergısız jüzege asyp, tolyqtai oryndaluyn qadaǧalaityn bolady.
