«Halyq ünıne qūlaq asatyn memleket» tūjyrymdamasy aiasynda tūrǧyndarymen tiımdı bailanys ornatu üşın elordanyŋ barlyq audandyq äkımdıkterı «Open Space» formatyndaǧy memlekettık jäne keŋestık qyzmetter keşenın körsetudı qarastyratyn qyzmet körsetudıŋ servistık modelıne köştı.
Jūmys «bır tereze» qaǧidaty boiynşa jüzege asyrylady.
Jaŋa standarttarǧa köşken sätten bastap audandyq äkımdıkterge 91 myŋnan astam azamat jügındı.
Saryarqa audanynda 45 myŋnan astam adam, Almaty audanynda – 21 myŋ, Esıl audanynda – 18 myŋ, Baiqoŋyr audanynda 7 myŋ tūrǧyn özderıne qajettı barlyq qyzmetterdı kedergısız ala aldy.
«Open Akimat» alaŋynda azamattarǧa bırqatar memlekettık qyzmetter körsetıledı, sondai-aq ESQ räsımdeu, neke qiiuǧa ötınış beruden bastap memlekettık baǧdarlamalar boiynşa tūrǧyn üi aluǧa deiıngı keŋ auqymdy mäseleler boiynşa keŋester berıledı.
Körsetıletın qyzmetter spektrı:
– azamattyq hal aktılerın tırkeu;
– atauly äleumettık kömek aluǧa qūjattardy qabyldau;
– bırjolǧy kömek alu;
– ESQ alu;
– tūrǧyn üi baǧdarlamalary boiynşa keŋes beru;
– tūrǧyn üi jinaq şottaryn aşu;
– sporttyq razriadtardy alu;
– kölık qūraldaryna salyq töleu jäne basqa da mındettı tölemder;
– jūmysqa ornalastyru jäne t.b.
Ötınışterdıŋ monitoringı körsetkendei, atalmyş qyzmetterdıŋ şamamen 48%-y azamattyq hal aktılerın tırkeuge, 15%-y atauly äleumettık kömek aluǧa, 30%-y tūrǧyn üi-kommunaldyq şaruaşylyq mäselelerıne tiesılı.
Sonymen qatar, äkımdıkterdıŋ front-ofisterınde tūrǧyndar sailauda dauys beru üşın sailauşylar tızımınde jäne özderınıŋ sailau uchaskesınde bar-joǧyn bıle alady.
Äkımdıkterdıŋ front-ofisterı kelesı mekenjailar boiynşa ornalasqan:
– Saryarqa audanynyŋ äkımdıgı mekenjaiy: Saryarqa daŋǧyly, 13.
– Esıl audanynyŋ äkımdıgı mekenjaiy: Qabanbai batyr daŋǧyly, 33.
– Almaty audanynyŋ äkımdıgı, Täuelsızdık daŋǧyly, 7.
– Baiqoŋyr audanynyŋ äkımdıgı mekenjaiy: Otyrar köşesı, 5.
Jūmys uaqyty: jūmys künderı saǧat 8.30-dan 18.00-ge deiın.
