Biyl bas qalada ekı gazben jylu beru stansiiasy ıske qosylady. Qysy qatty ärı ūzaqqa sozylatyn qalanyŋ tūrǧyndary üşın būl asa jaǧymdy jaŋalyq! Aldaǧy jylu beru mausymynyŋ basynda «Oŋtüstık-Şyǧys» gaz qazandyǧy üilerge, nysandarǧa jylu bere bastaidy. Ekınşı «Tūran» gaz qazandyǧy kelesı jyldyŋ soŋynda tapsyrylady. Onyŋ jylu quaty – 700 MVt. Būǧan deiın jyluǧa tek elektr quaty jūmsalyp kelse, endı gaz qazandyqtary jūmysty jeŋıldetedı ärı resursty ünemdeidı.
Astana qalalyq mäslihat deputattary qaladaǧy jaŋadan salynyp jatqan jylytu nysandaryn aralap, jūmys barysymen tanysty.
«Iýgo-Vostok» gaz qazandyǧy kelesı jylytu mausymynyŋ basynda qala tūrǧyndaryn jylumen qamtamasyz ete bastaidy, onyŋ önımdılıgı – saǧatyna 350 Gkal nemese 422 MVt. Germaniianyŋ tehnikasymen jabdyqtalǧan. 2023 jyldyŋ soŋyna qarai nysan tolyq paidalanuǧa berıledı. Qazandyqtyŋ quaty elordanyŋ eskı bölıgınde ornalasqan 40 myŋǧa juyq päter men äleumettık nysandardy jylu energiiasymen qamtamasyz etuge mümkındık beredı. Qazır qūrylys jūmysy qauyrt jürıp jatyr.
Qūrylys jūmysy ötken jyly bastalǧan injenerlık infraqūrylymy bar «Tūran» gaz qazandyǧy kelesı jyldyŋ soŋyna qarai ıske qosylatyn bolady. Nysannyŋ belgılengen jylu quaty – 700 MVt, Resei tehnikasymen jabdyqtalǧan. Qazırge deiın 10 qazandyq ornatylatyn bolady, onyŋ altauy osy jyldyŋ qazan aiynda ıske qosylady. Ekı nysannyŋ qūrylysy jürgızıletın jūmystardyŋ sapasy men merzımderdın saqtai otyryp jürgızıledı.
Ötken aptada qala äkımı Jeŋıs Qasymbek tılşılerge bergen sūhbatynda qaladaǧy jylu mäselesıne de toqtalyp, «Biyl 2 gaz jylu stansasy ıske qosylyp, öz jūmysyn bastaidy. Būl 2 stansiia 600 gkal/saǧ. jylu beredı. Ol jūmystardy tamyz aiynda bıtıremız dep josparlap otyrmyz. JEO-3-tıŋ bırınşı kezeŋı biyl bıtedı. Mūnda 5 qazandyq qosymşa 400 gkal/saǧ. jylu beredı. Ekı gaz jylu stansasy men JEO-3 beretın jylu 3-4 jylǧa jetkılıktı bolady» degen edı.
2024 jylǧa qarai elordada 300 myŋ tūrǧyn kögıldır otynmen qamtylmaq. Elorda äkımdıgınıŋ deregınşe, qazır Almaty jäne Saryarqa audandary tolyqtai gazǧa köşırıldı. 2019 jyly bastalǧan gazdandyru jūmysy bügınde qarqyndy jürıp jatyr. Qyzylordadan Arqaǧa deiın tartylǧan qūbyrdyŋ 650 şaqyrymy bıtıp, jūmys ıstep tūr. Astana äkımdıgı gaz tüsıru barysynda qūjat räsımdeu üşın bırşama jeŋıldıkter qarastyrǧan. Atap aitqanda, gaz tüsıru üşın tek 4 qūjat ǧana kerek.
Degenmen, tūrǧyndardyŋ aituynşa, üige gaz tartu qyruar qarjyny qajet etedı. Keibır tūrǧyndar üiıne gaz tüsıru üşın 1 mln teŋgege juyq qarajat jūmsaǧan. Al Astana äkımdıgı jaŋa ülgıdegı jylytu qūrylǧysyn ornatu üşın äleumettık osal sanattaǧy otbasylarǧa 430 myŋ teŋge kölemınde ötemaqy taǧaiyndap otyr. Sondai-aq tūrǧyndarǧa bank arqyly paiyzsyz bölıp töleu mümkındıgı de qarastyrylǧan.
Astanany gazdandyru qala ekologiiasyn jaqsartuǧa asa tiımdı. Qala tūrǧyndary jappai kögıldır otynǧa köşetın bolsa, qala kök tütınnen arylady, sondai-aq jalpy tūrǧyn üi alaptaryn gazdandyru jäne energiia közderın gazǧa köşıru şyǧaryndylardy jylyna 40 myŋ tonnaǧa deiın azaitady.
