Astana äkımı Altai Kölgınov qalada salynyp jatqan gaz jylu stansiialarynyŋ qūrylysymen tanysty.
– Elordada jylu beru mausymy şamamen 7 aiǧa sozylatynyn eskere otyryp, jylumen jabdyqtau nysandarynyŋ quatyn arttyru üşın tiıstı jūmys jürıp jatyr. Osyǧan deiın bız gaz jylu stansiialaryn saluǧa kırıstık. Gaz jylu stansiialary qala ekologiiasyna oŋ äser etedı, öitkenı JEO siiaqty atmosferaǧa ziiandy zattardyŋ şyǧaryndylary joq, sol siiaqty olardyŋ quaty JEO quatynan asyp tüsedı, – dedı äkım.
Qala basşysynyŋ aituynşa, ekı gaz jylu stansiiasynyŋ («Tūran», «Oŋtüstık-Şyǧys») qūrylysy kelesı jyly aiaqtalady. Olar kelesı jylytu mausymynan bastap jūmys ıstei bastaidy. Olardyŋ quaty 800 megavattan asady, būl jylu berudıŋ qazırgı quatyn arttyryp qana qoimai, qūrylysy jürıp jatqan audandardy jylumen qamtuǧa mümkındık beredı.
– Kelesı kezeŋde bız üşınşı gaz jylu stansiiasyn ıske qosamyz. Gaz jylu stansiialary Qorǧaljyn tas jolynyŋ boiynda, jaŋa temırjol vokzaly maŋynda jäne «Telman» eldı mekenınde ornalasqan. «Tūran» gaz jylu stansiiasy Qorǧaljyn tas joly, Tūran daŋǧyly boiyndaǧy jäne t.b. qūrylysy qarqyndy jürıp jatqan audandardy jylumen qamtamasyz etuge mümkındık beredı. «Oŋtüstık-Şyǧys» gaz jylu stansiiasy «Myŋjyldyq» audanyn, jaŋa temırjol vokzalyn, sol siiaqty qūrylysy jürıp jatqan audandardy jäne t.b. jylumen qamtamasyz etedı. «Telman» gaz stansiiasy «Baǧystan»tūrǧyn üi keşenı, Ūly Dala daŋǧyly, «Telman» eldı mekenı jäne t.b. audandarda qūrylysy jürıp jatqan oryndardy jylumen qamtamasyz etuge mümkındık beredı, – dedı Altai Kölgınov.
Äkımnıŋ mälımetınşe, osyǧan deiın jaŋa auyzsu stansiiasynyŋ qūrylysy bastalǧan. Nysan osy jyldyŋ soŋyna qarai ışınara paidalanuǧa berılıp jatyr. Onyŋ tolyq aiaqtaluy – 2023 jyl. Bügınde qala täulıgıne 300 myŋ tekşe metr su tūtynady. Jaŋa SSS-3 quaty täulıgıne 100 myŋ tekşe metrden astam su beredı.
