Jaqynda ötetın Nūr-Sūltan qalasy mäslihatynyŋ kezektı sessiiasynda jergılıktı atqaruşy bilık tarapynan tūrǧyn üi-kommunaldyq şaruaşylyq salasynda tūrǧyndarǧa jaily qalalyq ortany qalyptastyru jäne damytu ısı qaralady. Sonyŋ qarsaŋynda mäslihat deputattary bırqatar maŋyzdy nysandardy aralady. Aldymen elordany gazdandyru jobasymen tanysyp, tiıstı jūmystar kestege sai jürgızılıp jatqanyna köz jetkızdı.
Būl joba üş kezeŋge bölıngen. Qazır bırınşı kezeŋ jūmystary atqarylyp jatyr. Osy jyldyŋ aiaǧyna deiın gaz qūbyry 1-JEO jäne 3-JEO-ǧa tartylady. Al 2-JEO boiynşa jūmystar kelesı jyly aiaqtalady. 3-JEO-ny 2021 jyly paidalanuǧa beru josparlanyp otyr. Aldymyzdaǧy jyldyŋ jylytu mausymy bastalǧanşa gaz «Köktal» şaǧyn audanyna keluı tiıs. Qalaǧa gaz kelgende är tūrǧyn üidıŋ aldyna eseptegış qūral ornatylady. Oǧan 2,2 mlrd teŋge bölındı.
«Astana-AEK» AQ balansynda 54 myŋnan astam şartty bırlık elektrjelılerı bar. Bıraq qazır käsıporyn 77 myŋ bırlık jelılerıne qyzmet körsetedı. Basqarma töraǧasy Serık Balqyşevtıŋ aituynşa, artyq jelılerdı balansqa alu üşın bırqatar mäselelerdı şeşu kerek. Eŋ aldymen ştatty keŋeitu qajet bolady. Iаǧni, taǧy 100 adamdy jūmysqa qabyldau kerek.
Qaladaǧy elektrjelılerdıŋ 60 paiyzy jerdıŋ astymen jürgızıldı. Qazır kabelderdıŋ jaryluy sekıldı apattyq jaǧdailar jiı oryn alyp jatyr. Onyŋ sebebı, osy künderı qūrylys kompaniialary jer qazu jūmystaryn jürgızgende energetiktermen de, bailanysşylarmen de kelısuge mındettı emes. Energetikter qalalyq mäslihat deputattaryna būrynǧy jüienı, iaǧni būl jūmystardy kelısıp ısteudı qaitarudy sūrady.
Küişı Dina, 44 mekenjaiynda tūrǧyn üi qoryn jaŋǧyrtu boiynşa jūmystar jürgızıldı. Köppäterlı üige tūtastai kürdelı jöndeu jasaldy. Qasbetı men şatyry, podezder jaŋalandy. Jertöledegı sumen jäne jylumen qamtamasyz etu jüielerı zamanǧa sai ünemdeuge mümkındık beretın qondyrǧylarǧa auystyryldy.
Al Q.Sätbaev, 25 mekenjaiynda PİK jaqsy jūmys ıstep jatyr. PİK müşelerınıŋ qataryna üidıŋ belsendı tūrǧyndary sailandy. Mūndaǧy bar mäseleler jyldam şeşılıp jatyr. Tehnikalyq qyzmet körsetu üşın şarşy metrden 35 teŋgeden jinalyp, aǧymdaǧy jöndeu jūmystary jasaldy, podezderge beinekameralar ornatyldy.
Nysandardy aralaudyŋ qorytyndysynda mäslihat deputattary ūsynystaryn aitty. Anyqtalǧan mäseleler aldymen mäslihattyŋ tūraqty komissiialarynyŋ otyrysynda qaralady. Odan keiın sessiiaǧa şyǧarylady.
