Gazdandyru – Elbasynyŋ auqymdy jobasy. Elorda tūrǧyndarynyŋ ömır süru sapasyn arttyryp, qala ekologiiasyn aitarlyqtai jaqsartuǧa mümkındık beretın gazdandyru jūmysyn Memleket basşysy ūdaiy baqylauynda ūstap otyr. Bügıngı taŋda Nūr-Sūltan qalasynda tūrǧyn alaptaryn gazdandyru boiynşa auqymdy jūmystar jalǧasuda. Soŋǧy ekı jyl ışınde elordada 645 şaqyrymnan astam kvartalışılık gazben jabdyqtau jelılerı salyndy. «Köktal-1», «Köktal-2», «Jeleznodorojnyi», «Agroqalaşyq» eldı mekenderınıŋ tūrǧyndary gazǧa qosyluǧa mümkındık aldy. Qazırgı kezde Oŋtüstık-Şyǧys, Promyşlennyi, Agrogorodok alaptaryndaǧy üilerdı gazǧa qosu qyzu jürgızılıp jatyr.
«QazTransGaz Aimaq» AQ Küigenjar, Michurin, İnternasionalnyi eldı mekenderınde gazben jabdyqtau jelılerınıŋ qūrylysyn jürgızude. Būl alaptardy jyl soŋyna deiın gazben qamtamasyz etu josparlanuda. «Qazaqauyl» (Qaraötkel) şaǧyn audany boiynşa jobalau-smetalyq qūjattama äzırlenude. Qalany tolyq gazdandyru 2023 jyly aiaqtalady.
Tūrǧyn üi alaptarynyŋ tūrǧyndary üidı gazǧa auystyrudyŋ artyqşylyqtary turaly aitty. Zamanbek Älkeiūly ötken jyly Köktal-2 eldı mekenıne köşıp kelıp, bırden üidı peşpen jylytudan gazǧa köşırudı ūiǧarǧan.
«Bız ötken jyly jeltoqsanda köşıp keldık. Sodan berı gazdy qoldanamyz. Būl öte yŋǧaily, äsırese bız üşın – aǧa buyn adamdar. Bızdıŋ otbasymyz, balalarymyz üşın de ekologiialyq taza. Densaulyqqa paidaly. Barlyqtaryŋyzdy gazǧa auysuǧa şaqyramyn. Aua taza bolady» dedı Zamanbek Älkeiūly.
«Balabaqşada tärbieşı bolyp jūmys ısteimın. Men özım sol audanda, jeke üide tūramyn. Ötken jyldyŋ jeltoqsanynan bastap bız gaz jürgızdık. Bızge öte ūnaidy. Jyly, öte yŋǧaily. Endı bızdıŋ balabaqşany da gazǧa köşıru josparlanuda. Būl – bärımız üşın quanyşty oqiǧa» dedı Aisūlu Ausarova.
«Üiımız jyly, taza bolu üşın bızge gaz qūbyryn jürgızedı. Bızge kez kelgen jaǧdaida kömektesedı, tıptı qūjattarǧa bailanysty mäsele bolsa da kömektesıp, keŋes beredı. Sızge kez kelgen uaqytta krandy qosuǧa bolady, sonda sızdıŋ üiıŋız jyly, qūrǧaq jäne taza bolady» dedı Svetlana Svoboda.
