Elordanyŋ ekologiiasyna da, qala tūrǧyndarynyŋ ömırıne de oŋ äserın tigızetın kögıldır otyn mäselesı – bas şahardyŋ basty problemalarynyŋ bırı. Äsırese, üiıne gaz kırgızu üşın qūjat jinau boiynşa tūrǧyndar äkımdıkke jiı jügınıp jatady. Būl turaly qala äkımı Altai Kölgınov mälım ettı.
– Osyǧan deiın gazǧa qosylu üşın mındettı türde qūjattyŋ 8 türı talap etılıp, ıs bırneşe aiǧa (6 aidan asa) sozylyp ketetın. Endı osyǧan bailanysty qūjattar tızımın qysqartudy josparlap otyrmyz. Būl şara Memleket basşysynyŋ «Memlekettık apparattyŋ qyzmetın biurokratiiadan aryltu jönındegı şaralar turaly» Jarlyǧy aiasynda qabyldanady. Būǧan deiın Energetika, Ūlttyq ekonomika ministrlıkterınıŋ, «QazaqGaz» ŪK» AQ jäne t.b. qatysuymen Ükımette arnaiy keŋes ötıp, gazǧa qosylu boiynşa qūjattar tızımın qysqartu mäselesın qarastyrdyq, – dedı A.Kölgınov.
Elorda äkımınıŋ aituynşa, bügıngı taŋda bas qaladaǧy Saryarqa jäne Almaty audandary tolyqtai gazdandyryldy. Ol üşın 680 km-den astam gaz taratu jelısı salynyp, kvartal ışıne jelıler tartyldy.
«Qazırgı kezde qala boiynşa 14 myŋ abonent gazǧa qosyldy, 6 myŋnan astam abonent tehnikalyq şarttar aldy, sol siiaqty 3,5 myŋnan astam (25%-dan astam) üi gazǧa qosyldy. Osyǧan qatysty bırqatar jeŋıldıkter qabyldanyp, mūqtaj sanattaǧy tūrǧyndardyŋ gazǧa qosyluy üşın äleumettık kömek bölındı. Onyŋ mölşerı 413 myŋ teŋgege deiın ūlǧaidy. Qala tūrǧyndarynyŋ bärıne tegın türde eseptegışter berıledı, sondai-aq paiyzsyz kredit beru baǧdarlamasy da bar.
Jazda Baiqoŋyr jäne Esıl audandarynda gaz qūbyryn tartu jūmysyn bastaimyz. Mäselen, «İlinka» (Ürker), «Öndırıs», «Prigorodnyi», «Telman» eldı mekenderı, «Family Village», «Garden Village» şaǧyn audandary jäne t.b. Sol siiaqty «Şūbar» şaǧyn audanynda jobalau jūmysy jürıp jatyr. Esıl jäne Baiqoŋyr audandarynda aldymen jetkızuşı gaz qūbyryn, al kelesı jyly kvartal ışıne jelıler salamyz.
Sonymen qatar JEO-1 jäne JEO-2-de bas-aiaǧy 13 su jylytu qazandyǧy gazǧa auystyryldy. Al JEO-3 qūrylysy qaita jandandy, qūrylysy jürıp jatqan jaŋa audandardy jylumen qamtamasyz etu üşın 3 gaz qazandyǧyn jobalau jūmysy jürıp jatyr» dedı äkım.
Qolǧa alynǧan şarualardyŋ bärı qalanyŋ ekologiiasyn jaqsarta tüsedı. Gazdandyru jūmysy Memleket basşysynyŋ tıkelei baqylauynda.
